Arshika 106

Ārṣika 106

yardindra̱ prāgapā̍gudaṅnya̍gvā hū̱yase̍ nṛbhi̍:
simā̍ pu̱rū nṛ̱ṣūto a̱syāna̱ve 'si̍ praśa̱rdha turva̍śe

yadvā̍ ru̱me ruśa̍me śyāva̱ke kṛpa̱ indra̍ mā̱daya̍se sacā̍
ka̱ṇvāsa̍stvā̱ stome̍bhirbrahmavāhasa̱ indrā yaccha̍ntyā ga̍hi

13
u̱bhaya̍śśṛṇavacca̱ na indro̍ a̱rvāgi̱daṃ vaca̍:
sa̱trācyā̍ ma̱ghavā̍ṃtsomapītaye dhi̱yā śavi̍ṣṭha̱ ā ga̍mat

taṃ hi sva̱rāja̍ṃ vṛṣa̱bhaṃ tamoja̍sā dhiṣa̱ṇe niṣṭata̍kṣatuḥ
u̱topa̱mānā̍ṃ pratha̱mo ni ṣī̍dasi soma̱kāma̍ṃ hi te mana̍:

14
pava̍sva deva̱ cāyu̍ṣagindra̍ṃ gacchatu te̱ mada̍: | vāyu̱mā ro̍ha̱ dharma̍ṇā

pava̍māna̱ ni to̍śase ra̱yiṃ soma̱ śravā̍yyam | indo̍ samu̱dramā vi̍śa

apa̍ghnanpava̍se̱ mṛdha̍:0

15
a̱bhī no̍ vāja̱sātamam̍0

va̱yaṃ te̍ asya rādha̍so̱ vaso̱rvaso̍ puruspṛha̍:
ni nedi̍ṣṭhatamā iṣa̍: syāma su̱mne te̍ adrigo

pari̱ sya svā̱no a̱kṣara̱dindra̍vye mada̱cyuta̍:
dhā̍rā̱ ya ū̱rdhvo a̍dhva̱re bhrājā̱ na yāti̱ gavyu̍:

16
pava̍sva soma ma̱hām̐tsa̍mu̱draḥ pi̱tā de̱vānā̱ṃ viśvā̍bhi̱ dhāma̍

śukra̍ḥ pavasva deva̱vya̍ḥ soma di̱ve pṛ̍thi̱vyai śaṃ ca̍ pra̱jābhya̍ḥ

di̱vo dha̱rtāsi̍ śukraḥ pī̱yūṣa̍ḥ sa̱tye vi̱dharmma̍nvā̱jī pa̍vasva

17
preṣṭha̍ṃ vo̱ ati̍thi̱gg̱ stu̱ṣe mi̱trami̍va pri̱yam | agne̱ ratha̍ṃ na ve̱dyam

ka̱vimi̍va praśa̱gg̱syaṃ yaṃ de̱vāsa̱ iti̍ dvi̱tā | ni martye̍ṣvāda̱dhuḥ

tvaṃ ya̍viṣṭha dā̱śuṣo̱ nṝnpā̍hi śṛṇu̱ddhī gira̍ḥ | ra̱kṣā to̱kamu̱ta tmanā̍ || 3

Linked texts (5)