Arshika 108

Ārṣika 108

a̱krāṃtsa̍mu̱draḥ pra̍tha̱me vi̍dha̱rma ñjana̍yanpra̱jā bhuvana̍sya go̱pāḥ
vṛṣā̍ pa̱vitre̱ adhi̱ sāno̱ avye̍ bṛha̱tsomo̍ vāvṛdhe svā̱no adri̍ḥ

matsi̍ vā̱yumi̱ṣṭaye̱ rādha̍se no̱ matsi̍ mi̱trāvaru̍ṇā pū̱yamā̍naḥ
matsi̱ śardho̱ māru̍ta̱ṃ matsi̍ de̱vānmatsi̱ dyāvā̍pṛthi̱vī de̍va soma

ma̱hattatsomo̍ mahi̱ṣaśca̍kā̱rāpāṃ yadgarbho 'vṛ̍ṇīta de̱vān
ada̍dhādindra̱ pava̍māna̱ ojo 'ja̍naya̱tsūrye̱ jyoti̱rindu̍ḥ

1
e̱ṣa de̱vo ama̍rtyaḥ pa̱rṇairvī̱riva̍ dīyate | a̱bhi droṇā̱nyāsada̍m

e̱ṣa viprai̍ra̱bhiṣṭu̍to 'po de̱vo vi gā̍hate | dadha̱dratnā̍ni dā̱śuṣe̍

e̱ṣa viśvā̍ni̱ vāryā̱ śūro̱ yanni̍va satva̍bhiḥ | pava̍mānaḥ siṣāsati

e̱ṣa de̱vo ratha̍ryati pava̍māno diśa̱syati̍ | āvi̍ṣkṛṇoti va̱gvanu̍m

e̱ṣa de̱vo vipa̱nyubhi̍: pava̍māna ṛtā̱yubhi̍: | hari̱rvājāya̍ mṛjyate

e̱ṣa de̱vo vi̱pā kṛ̱to 'ti̱ hvarā̍ṃsi dhāvati | pava̍māno̱ adā̍bhyaḥ

e̱ṣa di̱vaṃ vi dhā̍vati ti̱ro rajā̍ṃsi dhā̱rayā̍ | pava̍mānaḥ kanikradat

e̱ṣa di̱vaṃ vyā̍saratti̱ro rajā̍ṃsyastṛ̱taḥ | pava̍mānaḥ svadha̱raḥ

e̱ṣa pra̱tnena̱ janma̍nā de̱vo de̱vebhya̍: su̱taḥ | hari̍: pa̱vitre̍ arṣati

e̱ṣa u̍ sya pu̍ru̱vrato̍ jajñā̱no ja̱naya̍nniṣa̍ḥ | dhā̱rayā̍ pavate su̱taḥ

Linked texts (4)