Arshika 11
Ārṣika 11
- Language
- Sanskrit
11.1
daśati
11.1-2
pāṃta̍mā vo̱ aṃdhasa̱ iṃdra̍ma̱bhi pra gā̍yata
viśvāsāham̐ śa̱takratu̱ṃ maṃhi̍ṣṭhaṃ carṣaṇīnām
11.2
pra va̱ iṃdrāya māda̱nam̐ ha̱ryaśvāya̍ gāyata | sakhāyaḥ somapāvne
11.3
vayamu tvā tadidarthā iṃdra tvāyaṃtaḥ sakhāyaḥ | kaṇvā ukthebhirjaraṃte
11.4
iṃdrāya ma̱dbane sutaṃ pari ṣṭobhaṃtu no giraḥ | a̱rkamarcaṃtu kāravaḥ
11.5
ayaṃ ta iṃdra somo nipūto adhi ba̱rhiṣi̍i | e̱hīmasya dravā piba
11.6
surūpa̱kṛtnumūtaye sudughāmiva goduhe | juhūmasi dyavidyavi
11.7
abhi tvā vṛṣabhā sute sutam̐ sṛjāmi pītaye | tṛṃpā vya̍śnuhī mada̍m
11.8
ya iṃdra camaseṣvā somaścamūṃṣu te sutaḥ | pibedasya tvamīśiṣe
11.9
yogeyoge tava̱stara̱ṃ vāje̍vāje havāmahe | sakhāya iṃdramūtaye
11.10
ā vetā ni ṣīdatendramabhi pra gāyata | sakhāya stomavāhasaḥ
Linked texts (6)
- Sāmavedasaṃhitā (ed. Theodor Benfey) — Sanskrit
- Sāmavedīmantra — Sanskrit
- Āgneyagāna — Sanskrit
- Chandaḥ ārcika — Sanskrit
- Pūrvārcika — Sanskrit
- Chandasikā — Sanskrit