Arshika 114

Ārṣika 114

7
yaḥ pāva̍mānī̱radhye̱tyṛṣi̍bhi̱ḥ saṃbhṛ̍ta̱ḥ rasam̍
sarva̱ṃ sa pū̱tama̍śnāti sva̱dita̍ṃ mā̱ta̱riśva̍nā

pā̱va̱mānī̱ryo adhye̱tyṛṣi̍bhi̱ḥ saṃbhṛ̍ta̱ḥ rasam̍
tasmai̍ sara̍svatī duhe kṣī̱ra̱ṃ sarpi̱rmadhūda̍kam

pā̱va̱mānīḥ sva̱styaya̍nīḥ su̱dughā̱ hi ghṛ̱taścuta̍ḥ
ṛṣi̍bhi̱ḥ saṃbhṛ̍to̱ raso̱ brāhma̱ṇeṣva̱mṛta̱ṃm̐ hi̱tam

pāva̱mānī̱rdadha̍ṃtu na i̱maṃ lo̱kamatho̱ amum̍
kāmā̱ntsama̍rdhayaṃtu no de̱vīrde̱vaiḥ samā̍bhṛtāḥ

yena̍ de̱vāḥ pa̱vitre̱ṇātmāna̍ṃ puna̱te sadā̍
tena̍ sa̱hasra̍dhāreṇa pāva̱mānīḥ pu̍naṃtu naḥ

pā̱va̱mānīḥ sva̱styaya̍nī̱stābhi̱rgaccha̍ti nāṃda̱nam
puṇyā̍ṃśca bha̱kṣānbha̍kṣayatya̱mṛta̱tvaṃ ca̍ gacchati

Linked texts (3)