Arshika 121

Ārṣika 121

upaprayaṃto adhvaraṃ maṃtraṃ vocemāgnaye | āre asme ca śṛṇvate

yaḥ snīhitīṣu pūrvyaḥ saṃjagmānāsu kṛṣṭiṣu | arandadāśuṣe gayam

sa no̍ ve̱do a̍mātya̱magnī̱ rakṣa̍tu śaṃta̍maḥ | u̱tāsmā̱npātvaṃha̍saḥ

u̱ta bru̍vaṃtu̱ jaṃta̍va̱ uda̍gnirvṛtra̱hā'ja̍ni | dha̱na̱ṃja̱yo raṇe̍raṇe

1
agne̱ yuṃkṣvā hi ye tavāśvā̍so deva sādhava̍ḥ | a̱raṃ vahā̍tyā̱śava̍ḥ

akṣā no̍ yā̱hyā vahā̱bhi prayā̍m̐si vī̱taye̍ | ā de̱vāṃtsoma̍pītaye

uda̍gne̱ bhāra̍ta dyu̱madaja̍sreṇa da̱vidyu̍tat | śocā̱ vi bhā̍hyajara

2
pra su̍nvā̱nāyāṃdha̍so̱ marto̱ na vaṣṭa̱ tadvaca̍ḥ
apa̍ śvānamarā̱dhasa̍m̐ ha̱tā makha̱ṃ na bhṛga̍vaḥ

ā jā̱mira̱tke a̍vyata bhu̱je na pu̱tra oṇyo̍ḥ
sarajjāro̱ na yoṣā̍ṇā̱ṃ varo̱ na yoni̍māsa̱dam

sa vī̱ro da̱kṣasā̍dhano̱ vi yasta̱staṃbha̱ roda̍sī
hari̍ḥ pa̱vitre̍ avyata ve̱dhā na yoni̍māsa̱dam

3
abhrā̍tṛvyo̱ anā̍ tvamanāpi̱riṃgra̱ janu̍ṣā̱ sanā̍dasi
yu̱dhedāpi̍tvamicchase

na kī̍ re̱vaṃta̍m̐ sa̱khyāya̍ viṃdase pīya̍ṃti te su̱rāśva̍ḥ
ya̱dā kṛ̱ṇoṣi̍ nadanu̱ṃ samū̱hasyādi̍tpi̱teva̍ hūyase

4
ā tvā̍ sa̱hasra̱mā śa̱taṃ yu̱ktā rathe̱ hira̍ṇyaye
brahma̍yujo̱ hara̍ya iṃdra ke̱śino̱ vaha̍ṃtu̱ soma̍pītaye

ā tvā̱ rathe̱ hira̍ṇyaye̱ harī̍ mayūra̱śepyā̍
śiti̱pṛ̱ṣṭhā va̍ha̱tāṃ madhvo̱ śraṃdha̍so viva̱kṣaṇa̍sya pī̱taye̍

pibā̱ tvā̍sya girvaṇaḥ su̱tasya̱ pūrva̱pā i̍va
pa̱ri̱ṣkṛ̱tasya̍ ra̱sina̍ i̱yamā̱suti̱ścāru̱rmadāya̍ patyate ||3

Linked texts (4)