Arshika 125

Ārṣika 125

eto̱ nvindra̱ṃ stavā̍ma śu̱ddhaṃ śu̱ddhena̱ sāmnā̍
śu̱ddhairu̱kthairvā̍vṛ̱dhvāṃsa̱ṃ śu̱ddhairā̱śīrvā̍nmamattu

iṃdra̍ śu̱ddho na̱ śrā ga̍hi̱ śuddhaḥ śu̱ddhābhi̍rū̱tibhi̍ḥ
śu̱ddho ra̱yiṃ ni dhā̍raya̱ śuddho ma̍maddhi so̱mya

iṃdra̱ śuddho hi no̍ ra̱yiṃ śuddho ratnā̍ni dā̱śuṣe̍
śu̱ddho vṛ̱trāṇi̍ jighnase śu̱ddho vāja̍m̐ siṣāsasi

1
agne̱ stoma̍ṃ manāmahe si̱dhrama̱dya di̍vi̱spṛśa̍ḥ | de̱vasya̍ draviṇa̱syava̍ḥ

a̱gnirju̍ṣata no̱ giro̱ hotā̱ yo mānu̍ṣe̱ṣvā | sa yakṣa̱ddaivya̱ṃ jana̍m

tvama̍gne sa̱prathā̍ asi̱ juṣṭo̱ hotā̍ vare̍ṇyaḥ | tvayā̍ ya̱jñaṃ vi ta̍nvate

10
a̱bhi tripṛ̱ṣṭhaṃ vṛṣa̍ṇaṃ vayo̱dhāma̍ṅgo̱ṣiṇa̍mavāvaśaṃta̱ vāṇī̍ḥ
vanā̱ vasā̍no̱ varu̍ṇo̱ na siṃdhau̱rvi ratna̍dhā dayate̱ vāryā̍ṇi

śū̱ragrāma̍ḥ sarva̍vīra̱ḥ sahā̍vā̱njetā̍ pavasva sani̱tā dhanā̍ni
ti̱gmāyu̍dhaḥ kṣi̱pradha̍nvā sama̍tsvaṣā̱ḍhaḥ sā̱hvānyū̍tanāsu̱ śatrūn̍

u̱ru̱gavyū̍tira̱bhayā̍ni kṛ̱ṇvaṃtsa̱mīcī̍ne̱ ā pa̍vasvā pura̍ṃdhī
a̱paḥ siṣā̍sannuṣasa̱ḥ svargā̍ḥ saṃ ci̍krado ma̱ho a̱smabhya̱ṃ vājā̍n || 3

Linked texts (3)