Arshika 127

Ārṣika 127

Language: Sanskrit

127.3-6 — 2 parts

127.1

yaji̍ṣṭhaṃ tvā vavṛmahe de̱vaṃ de̍va̱trā hotā̍ramamartyam
a̱sya ya̱jñasya̍ su̱kratum̍

127.2

a̱pāṃ napā̍ta̱ḥ subhaga̍ḥ su̱dīdi̍tima̱gnimu̍ śreṣṭhaśociṣam
sa no̍ mi̱trasya̱ varu̍ṇasya so a̱pāmā su̱mnaṃ ya̍kṣate di̱vi

127.5

13
yama̍gne pṛ̱tsu marta̍mavā̱ vāje̍ṣu yaṃ ju̱nāḥ | sa yaṃtā śaśva̍tī̱riṣa̍ḥ

127.3

1
na ki̱rasya̱ saha̍ntya parye̱tā kaya̍sya cit | vājo̍ asti śravāyya̍ḥ || || 2ṃ
sa vāja̍ṃ viśvacarṣaṇi̱rṛdva̍dastu tarutā | vipre̍bhirastu sani̱tā

127.1-2

14
sāka̱mukṣo ma̍rjāyaṃta̱ svasā̍ro̱ daśa̍ dhīra̱sya dhī̱tayo̱ dhanu̍trīḥ
hari̱ḥ parya̍drava̱jjāḥ sūrya̍sya droṇa̍ṃ nanakṣe̱ atyo̱ na vājī̍

127.2-2

saṃ mā̱tṛbhi̍rna śi̱śurvā̍viśā̱no vṛṣā̍ dadhanve puru̱vāro̱ adri̍ḥ
maryo̱ na yoṣā̍ma̱bhi niṣkṛ̱taṃ yaṃtsaṃ ga̍chate ka̱laśa̍ u̱sriyā̍bhiḥ

127.3-2

u̱ta pra pi̍pya u̱dhara̍ghnyāyā̱ iṃḍurdhārā̍bhiḥ sacate su̱medhā̍ḥ
mūrdhāna̱ṃ gāva̱ḥ paya̍sā camū̱ṣva̱bhi śrī̍ṇaṃti̱ vasu̍bhi̱rna niktai̍ḥ

127.1-3

15
pibā̍ su̱tasya̍ ra̱sino̱ matsavā̍ na indra goma̍taḥ
ā̱pino̍ bodhi sadha̱mādye̍ vṛ̱dhe3'smām̐2 ava̍ntu te̱ dhiya̍ḥ

127.2-3

bhūyāma̍ te su̱matau vā̱jino̍ va̱yaṃ mā na̱ stara̍bhimātaye
a̱smāṃ ci̱trābhi̍ravatāda̱bhiṣṭi̍bhi̱rā na̍ḥ su̱mneṣu̍ yāmaya

127.1-4

16
tri̱rasmai̍ sa̱pta dhe̱navo̍ duduhire sa̱tyāmā̱śira̍ṃ para̱me vyo̍mani
ca̱tvārya̍nyā bhuva̍nāni̱ nirṇije̱ cārū̍ṇi cakre̱ yadṛ̱tairavardha̍ta

127.2-4

saṃ bha̱kṣamā̍ṇo a̱mṛta̍sya cāru̍ṇa u̱bhe dyāvā̍ kā̱vyenā̱ vi śa̍śrathe
teji̍ṣṭhā a̱po maṃha̍nā̱ pari̍ vyata̱ yadī̍ de̱vasya̱ śrava̍sā̱ sado̍ vi̱ḍuḥ

127.3-3

te a̍sya saṃtu ke̱tavo̱ 'mṛtya̍vo̱ 'dā̍bhyāso ja̱nuṣī̍ u̱bhe anu̍
yebhi̱rnṛmṇā̍ ca de̱vyā̍ ca pu̱nata̱ ādi̱drājā̍naṃ mana̱nā agr̍bhṇata

127.1-5

17
a̱bhi vāyuṃ vī̱tya̍rṣā gṛṇā̱no 3 ' bhi mi̱trāvaru̍ṇā pū̱yamā̍naḥ
a̱bhī nara̍ṃ dhīja̱vana̱ṃ rathe̍ṣṭhā̱mabhīndra̍ṃ vṛṣa̍ṇaṃ vajrabā̱hum

127.2-5

a̱bhi vastrā̍ suvasa̱nānya̍rṣāmi̱ dhenūḥ su̱dughā̍ḥ pū̱yamā̍naḥ
a̱bhi ca̍ndrā bhartta̍ve no̱ hira̍ṇyā̱bhyaśvā̱nrathi̍no deva soma

127.3-4

a̱bhī no̍ arṣa di̱vyā vasū̍nya̱bhi viśvā̱ pārthi̍vā pū̱yamā̍naḥ
a̱bhi yena̱ dravi̍ṇamaśnavā̱mābhyā̱rṣeya̍ṃ jamada̱gniva̍nnaḥ

127.1-6

18
yajjā̱yathā̍ apū̱rvya̍ maghavanvṛtra̱hatyā̍ya
tatpṛ̍thi̱vīma̍prathaya̱stada̍stabhnā u̱to diva̍m

127.2-6

tatte̍ ya̱jño a̍jāyata̱ tada̱rka uta haskṛ̍tiḥ
tadviśva̍ma̱bhibhū̍rasi̱ yajjā̱taṃ yacca̱ jaṃtva̍m

127.3-5

ā̱māsu̍ pa̱kvamai̍raya̱ ā sūrya̍m̐ rohayo di̱vi
gha̱rmaṃ na sāma̍ tapatā suvṛ̱ktibhi̱rjuṣṭa̍ṃ girvaṇase bṛ̱hat

127.1-7

19
matsryapāyi te ma̱haḥ pātra̍syeva harivo matsa̱ro mada̍ḥ
vṛṣā̍ te vṛṣa̱nniṃdu̍rvā̱jī sa̍hasrasā̱tamaḥ

127.2-7

ā naste̍ ga̱ṃtu ma̍tsa̱ro vṛṣā̱ mado̱ vare̍ṇyaḥ
sa̱hāvā̱n iṃdra̱ sāna̍siḥ pṛtanā̱ṣāḍarma̍rtyaḥ

127.3-6

tvaṃ hi śūra̍ : sani̱tā co̱dayo̱ manu̍ṣo̱ ratha̍m
sa̱hāvā̱ndasyu̍mavra̱tamoṣa̍ : pātra̱ṃ na śo̱ciṣā̍