Pramāṇa · Search · About · API

Arshika 129

Ārṣika 129

Language
Sanskrit

129.1

1
pratyasmai̍ pipīṣate viśvā̍ni vi̱duṣe̍ bhara
a̱raṃga̱māya̱ jagma̍ye ' pa̱ścāda̍dhvane̱ nara̍ḥ

129.2

e̱mena̍ṃ pratye̱tana̱ some̍bhiḥ soma̱pāta̍mam
a̱matre̍bhiṛ̍jī̱ṣiṇa̱miṃdra̍ṃ su̱tebhi̱riṃdu̍bhiḥ

129.3

yadī̍ su̱tebhi̱riṃdu̍bhi̱ḥ some̍bhiḥ prati̱bhūṣa̍tha
vedā̍ vi̱śvasya̍ medhi̱ro dhṛṣa̱ttaṃtami̍deṣate

129.2-2

a̱smānna̍smā̱ idaṃdha̍so ' dha̱ryo pra bharā̍ su̱tam
kuvitsamasya je̱nya̍sya̱ śardha̍to̱ ' bhi̍śa̱sterava̍svara̱t ||4

129.1-2

ba̱bhrave̱ nu sva̱tava̍se̱ ' ru̱ṇāya̍ di̱vispṛśe̍ | somā̍ya gā̱thama̍rcata

129.2-3

ha̱sta̱cyu̱tebhi̱radri̍bhiḥ su̱taḥ soma̍ṃ punītana | madhā̍vā dhāvatā̱ madhu̍

129.3-2

nama̍seḍupa sīdata da̱dhneda̱bhi śrī̍ṇītana | iṃdu̍mindre dadhātana

129.4

a̱mitra̱hā vi̍carṣaṇiḥ pava̍sva soma̱ śaṃ gave̍ | de̱vebhyo̍ anukāma̱kṛt

129.5

iṃdrā̍ya soma pāta̍ve̱ madā̍ya pari̍ ṣicyase | ma̱na̱ścinmana̍sa̱spati̍ :

129.6

pava̍māna su̱vīrya̍ ra̱yiṃ soma̍ rirīhi ṇaḥ| iṃdavindreṇa no yujā

129.1-3

u̱dve̍da̱bhi śru̱tāma̍ghaṃ vṛṣa̱bhaṃ naryā̍pasam | a̱stāra̍meṣi̱ sūrya̍

129.2-4

nava̱ yo na̍va̱tiṃ pu̱ro bi̱bheda̍ bā̱hvoja̍sā | ahi̍ṃ ca vṛtra̱hāva̍dhīt

129.3-3

sa na̍ iṃdraḥ śi̱vaḥ sakhā̍śvāvadgomadyavamat | u̱rudhāreva dohate

129.1-4

vi̱bhrāḍbṛ̱hatpi̍batu so̱myaṃ madhvāyu̍rdadhadya̱jñapa̍tāvavi̱hrutam
vāta̍jūto̱ yo a̍bhira̱kṣati̱ tmanā̍ pra̱jāḥ pipa̍rti ba̱hudhā vi rāja̍ti

129.2-5

vi̱bhrāḍbṛ̱hatsu̱bhṛta̍ṃ vāja̱sāta̍ma̱ṃ dharma̍ndi̱vo dha̱ruṇe̍ sa̱tyamarpi̍tam
a̱mitra̱hā vṛ̍tra̱hā da̍syu̱haṃta̍ma̱ṃ jyoti̍rja̱jñe a̍sura̱hā sa̍patna̱hā

129.3-4

i̱da॰śreṣṭha̱ṃ jyoti̍ṣā̱ṃ jyoti̍rutta̱maṃ vi̱śva̱jiddha̍na̱jidu̍cyate bṛ̱hat
vi̱śva̱bhrāḍbhrā̍jo̱ mahi̱ sūryo̍ dṛ̱śa u̱ru pa̍prathe̱ saha̱ ojo̱ acyu̍tam

Linked texts (7)