Arshika 130

Ārṣika 130

iṃdra̱ kratu̍ṃ na̱ ā bha̍ra pi̱tā pu̱trebhyo̱ yathā̍
śikṣā̍ ṇo a̱sminpu̍ruhūta̱ yāma̍ni jīvā̱ jyoti̍raśīmahi

• mā no̱ ajñā̍tā vṛ̱janā̍ durā̱dhyo̱3 māśi̍vāso̱ ' va̍ kramuḥ
va̱yā vayaṃ pra̍vataḥ śaśvatīrapo̱ ' ti̱ śūra̍ tarāmasi

6
a̱dyādyā̱ śvaḥśva̱ iṃdra̍ trāsva̱ pare̍ ca naḥ
viśvā̍ ca no ja̱ritṝ̍tsatpate̱ ahrā̱ divā̱ nakta̍ṃ ca rakṣiṣaḥ

pra̱bhaṃgī śūro̍ ma̱ghavā̍ tu̱vīma̍ghaḥ saṃmi̍ślo vī̱ryā̍ya̱ kaṃ
u̱bhā te̍ bā̱hū vṛ̍ṣaṇā śatakrato̱ ni yā vajra̍ṃ mimikṣatuḥ

7
ja̱nī̱yaṃto̱ nvagra̍vaḥ putrī̱yaṃta̍ḥ su̱dāna̍vaḥ | sara̍svaṃta̱m̐ havāmahe

8
u̱ta na̍ḥ pri̱yā pri̱yāsu̍ sa̱ptasvasā̱ suju̍ṣṭā | sara̍svatī̱ stomyā̍ bhūt ||2

Linked texts (3)