Pramāṇa · Search · About · API

Arshika 134

Ārṣika 134

Language
Sanskrit

134.1

tri̱ka̱dru̱keṣu̍ mahi̱ṣo ya̍vā̱śira̍ṃ tuvi̱śuṣma̍stṛ̱mpatsa soma̍mapibadvi̱ṣṇunā̍ su̱taṃ
yathāva̱śam
sa ī̍ṃ^1 mamāda̱ mahi̱ karma̍ ka̱rtave̍ ma̱hāmu̱rum̐^3 ^2 ^3 ^1 sainām̐^21 satyadde̱vo de̱vam̐ satya̱'iṃḍ̍ḥ^3 ^2 ^3 ^1 ^21
satyamiṃdram^3 ^1 ^21

134.2

sā̱kaṃ jā̱taḥ kratu̍nā sā̱kamoja̍sā vava̱kṣitha̍ sā̱kaṃ vṛ̱ddho vī̱ryai̍ḥ sā̱sahi̱rmṛdho̍
vica̍rṣaṇiḥ
dā̱tā rādha̍ḥ stuva̱te kāmya̱ṃ vasu̱ prace̍tana̱ sainām̐^21 satyadde̱vo de̱vam̐ satya iṃd̍ḥ^3 ^2 ^3 ^1 ^21
satyamiṃdram^3 ^1 ^21

134.3

adha̍ vi̱ṣīmām̐̍m̐ a̱bhyoja̍sā kṛ̱viṃ yu̱dhābhava̱dā roda̍sī apṛṇadasya ma̱nmanā̍
pra vā̍vṛdhe
adha̍ttānya̍ṃ ja̱ṭhare̍ preri̍cyata̱ pra ceta̍ya̱ sainām̐^21 satyadde̱vo de̱vam̐ satya iṃd̍ḥ^3 ^2 ^3 ^1 ^21
satyamiṃdram^3 ^1 ^21

134.1-2

18
a̱bhi pra gopa̍tiṃ gi̱reṃdra̍marca̱ yathā̍ vi̱de | sūnu̍m̐^3 ^2 satyasya̍ sa̱tyatim̍

134.2-2

ā hara̍yaḥ sasṛ̍jrire ' ruṣī̱radhi̍ ba̱rhiṣi̍ | yatrā̍bhi sa̱ṃnavā̍mahe

134.3-2

iṃdrā̍ya̱ gāva̍ āśira̍ṃ dudu̱hre va̱jriṇe̱ madhu̍ | yatsamī̱mupa̍hvare vi̱dat

134.1-3

1
ā no̱ viśvā̍su ha̱vyamiṃdra̍ṃ sama̱tsu bhū̱ṣata
upa̍ bra̱hmāṇi̍ sava̱nāni̍ vṛtra̱hanpara̍majyā ṛcīṣama

134.2-3

tvaṃ dātā pratha̍mo rādha̍sāma̱syasi̍ sa̱tya ī̍śāna̱kṛt
tu̱vi̱dyumnasya̍ yu̱jyā vṛ̍ṇīmahe pu̱trasya̱ śava̍so ma̱haḥ

134.1-4

2
prata̍ṃ pī̱yūṣa̍ṃ pū̱rvyaṃ yadu̱kthya̍ṃ ma̱ho gāhā̍ddiva̱ ā nira̍dhukṣata
iṃdra̍ma̱bhi jāya̍māna̱ sama̍svaran

134.2-4

ādī̍ṃ ke citpaśya̍mānāsa̱ āpya̱ṃ vasuruco di̱vyā a̱bhya̍nūṣata
di̱vo na vāra̍ṃ savi̱tā vyū̍rṇute

134.3-3

adha̱ yadi̱me pava̍māna̱ roda̍sī i̱mā ca̱ viśvā̱ bhuva̍nā̱bhi ma̱nmanā̍
yūthe na niṣṭhā vṛ̍ṣa̱bho vi rā̍jasi

134.1-5

3
i̱mam ṣu tvama̱smāka̱ṃ sani̍ṃ gāya̱traṃ navyā̍ṃsam | agne̍ de̱veṣu̱ pra vo̍caḥ

134.2-5

vi̱bhaktā̍si citrabhāno̱ siṃdho̱rū̱rmā u̍pāka̱ ā | sa̱dyo dā̱śuṣe̍ kṣarasi

134.3-4

ā no̍ bhaja pa̱rame̍ṣvā vāje̍ṣu madhya̱meṣu̍ | śikṣā̱ vasvo̍ aṃtamasya

134.1-6

4
a̱hamiddhi pi̱tuṣpari̍ me̱dhāmṛ̱tasya̍ jagra̱ha | a̱ham̐ sūrya̍ ivājani

134.2-6

a̱haṃ pra̱tnena̱ janma̍nā̱ gira̍: śuṃbhāmi kāṇva̱vat | yene̍dra̱: śuṣma̱midda̍dhe

134.3-5

ye tvā̱miṃdra̱ na tu̱ṣṭuvu̱rṛṣa̍yo̱ ye ca̍ tuṣṭu̱vuḥ | mamedva̍rdhasva suṣṭuta:

134.1-7

5
agne̍ vi̱śvebhi̍ra̱gnibhi̍rjo̱ṣi brahma̍ sahaskṛta
ye de̍va̱trā ya ā̱yuṣu̱ tebhi̍rno mahyā gi̱raḥ

134.2-7

pra sa viśve̍bhir‍a̱gnibhi̍ra̱gniḥ sa yasya̍ vā̱jina̍ḥ
tana̍ye to̱ke a̱smadā samyaṅṅāte̍ parī̱vṛta̍ḥ

134.3-6

tvaṃ no̍ agne a̱gnibhi̍rbra̱hma ya̱jñaṃ ca̍ vardhaya
tvaṃ no̍ de̱vatā̍taye rā̱yo dānā̍ya codaya

134.1-8

6
tve soma̍ pratha̱mā vṛ̍ktaba̱rhiṣo̍ ma̱he vājāya̱ śrava̍se dhiya̍ṃ dadhuḥ
sa tvaṃ no̍ vī̱ra vī̱ryā̍ya codaya

134.2-8

a̱bhya̍bhi hi śrava̍sā ta̱tardi̍thotsaṃ na kaṃ ci̱jjana̍pānamakṣi̱tam
śaryā̍bhirna bhara̱māṇo̍ gabha̱styoḥ

134.3-7

ajī̍jano a̱mṛta̱ martyā̍ya ka̱mṛta̍sya̱ dharma̍nna̱mṛta̍sya cāruṇaḥ
sa̱dāsa̍ro vāja̍machā sa̱niṣya̍dat

134.1-9

7
aindu̍miṃdrā̍ya siṃcata pibā̍ti so̱myaṃ madhu̍
pra rādhā̍ṃsi codayate mahi̱tvanā̍

134.2-9

u̱po harī̍ṇāṃ pati̱ḥ rādha̍ḥ pṛ̱ṃcaṃta̍mabravam
nū̱naḥ śru̍dhi stuva̱to a̍śvyasya

134.3-8

na vyā̱śaṃ purā ca na jajñe vīra̍tarastvat
na kīṃ rā̱yā naivathā̍ na bhaṃda̍nā

134.6

8
nada̍ṃ va środa̍tīnāṃ nada̍ṃ yoyu̍vatīnām
pati̱ṃ vo a̱kṣyānā̍ṃ dhe̱nūnā̍mi̱ṣudhya̍si || 1

Linked texts (5)