Arshika 139
Ārṣika 139
- Language
- Sanskrit
139.1
kaste̍ jā̱mirjanā̍nāmagne̱ ko dā̱śvadhva̍raḥ| ko ha̱ kasmi̍nnasi śri̱taḥ
139.2
tvaṃ jā̱mirjanā̍nāmagne̍ mi̱tro a̍si pri̱yaḥ| sakhā̱ sakhi̍bhya̱ īḍya̍ḥ
139.1-2
yajñā no̍ mi̱trāvaru̍ṇā ya̱jñā de̱vām̐ ṛ̱taṃ bṛ̱hat| agne̱ yakṣi̱ svaṃ dama̍m ||3
139.1-3
īḍenyo̍ nama̱syasti̱rastamā̍m̐si darśata̍ḥ| sama̱gni̱ridhya̍te vṛṣā̍
139.2-2
vṛṣo̍ a̱gniḥ sa̍midhyate̱ 'śvo̍ na de̱vavā̍hanaḥ| tam̐ ha̱viṣma̍ta īḍate
139.2-3
vṛṣa̍ṇaṃ tvā va̱yaṃ vṛṣa̱nvṛṣa̍ṇa̱ḥ sami̍dhīmahi| agne̱ dīdya̍taṃ bṛ̱hat ||3
139.1-4
uttai̍ bṛ̱haṃto̍ a̱rcaya̱ḥ sami̍dhānasya dīdivaḥ| agne̍ śu̱krāsa̍ īrate
139.2-4
upa̍ tvā juhvo3 ma̱ma ghṛ̱tācī̱rya̍ntu ha̱ryata̍ | agne̍ ha̱vyā ju̍ṣasva naḥ
139.3
ma̱ndram̐ hotā̍ramṛtvija̍ṃ ci̱trabhā̍nuṃ vi̱bhāva̍sum | a̱gnimīḍe̱ sa u̍ śravat
139.1-5
3
pā̱hi no̍ agna̱ eka̍yā pā̱hyu̍ta dvi̱tīya̍yā
pā̱hi gī̱rbhisti̱sṛbhi̍rūrjāṃ pate pā̱hi cata̍sṛbhirvaso
139.2-5
pā̱hi vi̱śvasmā̍drakṣaso̱ arā̍vṇaḥ pra sma̱ vāje̍ṣu no ' va
tvāmiddhi nedi̍ṣṭhaṃ de̱vatā̍taya ā̱piṃ na̍kṣāmahe vṛ̱dhe
139.1-6
4
ino̱ rāja̍nnara̱tiḥ sa̱middho raudro da̍kṣāya suṣumām̐ adarśi
cikī̍ddhi̱ bhāti̱ bhāsā̍ bṛ̱hatāsi̍knīmeti ruśatīmapājan
139.2-6
kṛ̱ṣṇāṃ yadenī̍ma̱bhi vapu̍ṣāmū̱rjanaya̱nyoṣā̍ṃ bṛ̱hata̍ḥ pi̱turjā̍m
ū̱rdhvaṃ bhānūm̐ sū̱rya̍sya stabhāya̱n divo vasu̍bhirara̱tirvi bhā̍ti
139.3-2
bha̱dro bha̱drayā̍ sacamāna̱ āgā̱tsvasā̍raṃ jā̱ro a̱bhye̍ti pa̱ścāt
su̱pra̱ke̱tairdyubhi̍ra̱gnirvita̍ṣṭha̱nruśa̍dbhi̱rvarṇai̍ra̱bhi rāma̍masthāt
139.1-7
5
kayā̍ te agne̱ aṅgira̱ ūrjo̍ napādu̱pastu̍tim | varā̍ya deva ma̱nyave̍
139.2-7
dāśe̍ma̱ kasya̍ manasā ya̱jñasya̍ sahaso yaho | kadu̍ voca ida̱ṃ nama̍:
139.6
adhā̍ bvam̐ hi naska̱ro viśvā̍ a̱smabhyam̐̍ sukṣitī̍ḥ | vājo̍ draviṇaso giraḥ||3
Linked texts (5)
- Sāmavedasaṃhitā (ed. Theodor Benfey) — Sanskrit
- Āgneyagāna — Sanskrit
- Sāmavedīmantra — Sanskrit
- Mantrarāmāyaṇa — Nīlakaṇṭha Dīkṣita 1600, Sanskrit
- Subodhinīpaddhati — Śivarāma 1615, Sanskrit