Arshika 150
Ārṣika 150
- Language
- Sanskrit
150.1
viśva̍karmanha̱viṣā̍ vāvṛdhā̱naḥ svaya̍ṃ yajasva ta̱nvā3m̱̐ svā hi te̍
muhya̍ṃtva̱nye a̱bhito̱ janā̍sa i̱hāsmāka̍ṃ magha̱vā sū̱rira̍stu ||3
150.1-2
a̱yā ru̱cā hari̍ṇyā punā̱no viśvā̱ dveṣā̍m̐si tarati sayu̱gva̍bhi̱: sūro̱ na
sayu̱gva̍bhiḥ
dhārā̍ pṛ̱ṣṭhasya̍ rocate punā̱no a̍ru̱ṣo hari̍:
viśvā̱ yadrū̱pā pari̍yā̱syṛkva̍bhiḥ sa̱ptāsye̍bhi̱rṛkva̍bhiḥ
150.2
prā̱cīmanv pra̱diśa̍ṃ yāti ceki̱tatsa̍ṃ ra̱śmibhi̍ryatate darśa̱to ratho̱ daivyo̍
darśa̍to̱ ratha̍:
a̱gmannu̱kthāni̱ paum̐syeṃndra̍ṃ jaitrā̍ya harṣayan
vajra̍śca̱ yadbhava̍tho a̱napa̍cyutā sama̍tsvanapacyutā
150.10
vam̐ ha̱ tyatpa̱ṇīnā̍ṃ vido̱ vasu̱ saṃ mātṛ̍bhirma̱rjaya̍si̱ sva ā dama̍ ṛ̱tasya̍
dhī̱tibhi̍rdame
pa̱rāvato̱ na sāma̍ tadyatrā raṇa̍nti dhī̱taya̍:
tri̱dhātu̍bhiru̱ṣībhi̱rvayo̱ dadhe̱ roca̍māno̱ vayo̱ dadhe̍ || 3
150.11
u̱ta no̍ go̱ṣaṇi̱ṃ dhiya̍ma̱śvasā̍ṃ vāja̱sāmu̍ta | nṛ̱vatkṛ̍ṇu̱dhvamū̱taye̍ || 1
150.12
śaśa̍mānasya vā nara̱ḥ sveda̍sya satyaśavasaḥ | vi̱dā kāma̍sya vena̱taḥ ||2
150.13
upa̍ naḥ sū̱navo̱ gira̍ḥ śṛ̱ṇvaṃtva̱mṛta̍sya̱ ye | su̱mṛ̱ḍī̱kā bha̍vaṃtu naḥ ||1
Linked texts (4)
- Kapiṣṭhalakaṭhasaṃhitā — Sanskrit
- Sāmavedasaṃhitā (ed. Theodor Benfey) — Sanskrit
- Āgneyagāna — Sanskrit
- Sāmavedīmantra — Sanskrit