Arshika 16
Ārṣika 16
- Language
- Sanskrit
16.2
daśati
16.1
ā va̱ iṃdra̍ṃ kṛ̱viṃ yathā̍ vā̱jayaṃta̍ṃ śatakratum | maṃhi̍ṣṭhaṃ siṃca̱ iṃdu̍bhiḥ
16.2-2
a̱taści̱diṃdra̍ na upā yā̍hi śa̱tavā̍jayā | i̱ṣā sa̱hasra̍vājayā
16.3
ā buṃda̍ṃ vṛ̱trahā̍ dade jā̱taḥ pṛ̱cchādvi mā̱taram̍ | ka u̱grāḥ ke ha̍ śṛṇvire
16.4
bṛ̱badu̱kthaṃ havā̍mahe sṛ̱praka̍rasnamūtaye̍ | sādhva̍ḥ kṛṇva̍ṃtamavase
16.5
ṛ̱junī̱tī no̱ varu̍ṇo mi̱tro na̍yati vi̱dvān | arya̱mā de̱vaiḥ sajo̍ṣāḥ
16.6
dū̱rādi̱heva̱ yatsato̍'ru̱ṇapsu̍raśiśvitat | vi bhā̱nuṃ vi̍śvathātanat
16.7
ā no̍ mitrāvaruṇā ghṛ̱tairgavyū̍timukṣatam | madhvā̱ rajā̍ṃsi sukratū
16.8
udu̍ tye sū̱navo̱ gira̱ḥ kāṣṭhā̍ ya̱jñeṣva̍tata | vā̱śrā a̍bhi̱jñu yā̍tave
16.9
i̱daṃ viṣṇu̱rvi ca̍krame tre̱dhā ni da̍dhe pa̱dam | samū̍ḍhamasya pā̍ṃsu̱le
16.3-2
daśati
16.1-2
a̱tīhi̍ manyu̱ṣāvi̍ṇaḥ su̱ṣuvāṃsa̍mu̱pera̍ya | a̱sya rā̱tau su̱taṃ pi̍ba
16.2-3
kadu̱ prace̍tase ma̱he vaco̍ de̱vāya̍ śasyate | tadvi̱dhyasya̱ vardha̍nam
16.3-3
uktha̍ṃ ca̱ na śa̱syamā̍na̱ṃ nāgo̍ ra̱yirā ci̍keta̱ | na gā̍ya̱traṃ gī̱yamā̍nam
16.4-2
iṃdra̍ u̱kthebhi̍rmaṃdi̱ṣṭho vājā̍nāṃ ca vā̱japa̍tiḥ | hari̍vāṃtsa̱tānā̱ṃ sakhā̍
16.5-2
ā yā̍hyupa̍ naḥ su̱taṃ vāje̍bhirmā vṛ̍ṇī̱yathā̍ḥ | ma̱hām̐2 i̍va yu̱vata̍niḥ
16.6-2
ka̱dā va̍so stotra̱ṃ2 harya̍ta̱ ā śra̍va̱ śmaśā̍ ru̱dhadgā̍ḥ | dīrghaṃ2 su̱taṃ vā̍tā̱pyā̍ya
16.7-2
brāhma̍ṇā̱diṃdra̱ rādha̍sa̱ḥ pibā̱ soma̍mṛ̱tū2ranu̍ | tavedva̍ḥ sa̱khyamastu̍tam
16.8-2
va̱yaṃ ghā̍ te̱ api̍ smasi sto̱tāra̍ iṃdra girvaṇaḥ | tvaṃ no̍ jinva somapāḥ
16.9-2
iṃdra̱ pṛtsu kāsu̍ ci̱nnṝṇā̍ṃ ta̱nūṣu̍ dhehi naḥ | sa̱trāji̍da̱gryaṃ pauṃsyam
16.10
e̱vā hyasi̍ vī̱rayu̍re̱vā śūra̍ u̱ta sthi̱raḥ | e̱vā te̍ rā̱dhya̱ṃ mana̍ḥ
16.4-3
daśatiḥ
16.1-3
a̱bhi tvā̱ śūra̍ nonumo ' dugdhā̍ iva dhe̱nava̍ḥ
īśā̍namasya̱ jagata̍ḥ sva̱rdṛśa̍mīśā̱nami̍dra ta̱sthuṣa̍ḥ
16.2-4
tvāmiddhi havā̍mahe sā̱tau vā̍jasya kā̱rava̍ḥ
tvāṃ vṛ̱treṣvi̍dra̱ satpa̍tiṃ nara̱stvāṃ kāṣṭhā̍svarvata̍ḥ
16.3-4
a̱bhi pra va̱ḥ surā̍dhasa̱miṃdra̱marca̍ yathā vi̱de
yo ja̍ri̱tṛbhyo̍ magha̱vā pu̍rū̱vasu̍ḥ sa̱hasre̍ṇeva̱ śikṣa̍ti
16.4-4
taṃ vo̍ da̱smamṛ̍tī̱ṣaha̍ṃ vaso̍rmaṃdā̱namaṃdha̍saḥ
a̱bhi va̱tsaṃ na svasa̍reṣu dhe̱nava̱ iṃdra̍ṃ gī̱rbhirna̍vāmahe
16.5-3
tarobhi̍rvāṃ vi̱dadvasu̱mindra̍² sa̱bādha̍ ū̱taye̍
bṛhadgāya̍ṃtaḥ su̱taso̍me adhva̱re ū̱ve bhara̱ṃ na kā̱riṇam̍
16.6-3
tara̱ṇi̍rittiṣāsati̱ vāja̍ṃ pura̱ṃdhyā yu̱jā
ā va̍ indra̍ṃ puruhūtaṃ na̍me gi̱rā nemi̍ṃ ta̱ṣṭeva̍ su̱druvam̍
16.7-3
pibā̍ su̱tasya̍ ra̱sino̱ matsvā̍ na indra goma̍taḥ
āpi̍rno bodhi sadha̱mādye̍ vṛdhe3'smā́ avaṃtu te̱ dhiya̍ḥ
16.8-3
tva²ñce̍dghi ce̱rave̍ vi̱dā bhaga̍ṃ vasu̱ttaye̍
udvā̍vṛṣasva maghavan gavi̍ṣṭaya̱ udi̍ṃdrāyu̱miṣṭa̍ye
16.9-3
na hi vaścara̱maṃ ca̱ na vasi̍ṣṭhaḥ pari̱ma²sate
a̱smākama̱dya ma̱ruta̍ḥ su̱te sacā̱ viśve̍ pibaṃtu kāmi̱naḥ
16.10-2
mā ci̍da̱nyadvi śaṃsata sakhāyo̱ mā ri̍ṣaṇyata
iṃdra̍mitstotā vṛṣaṇa̱ṃ́sacā su̱te muhu̍ru̱kthā ca̍ śa²sata
Linked texts (10)
- Kauthuma (Svādhyāya Maṇḍala edition, Pāraḍī) — Sanskrit
- Āgneyagāna — Sanskrit
- Chandasikā — Sanskrit
- Chandaḥ ārcika — Sanskrit
- Pūrvārcika — Sanskrit
- Sāmavedīmantra — Sanskrit
- Chandasīsaṃhitā — Sanskrit
- Sāmavedārthaprakāśa — Sāyaṇa, Sanskrit
- Geyagāna — Sanskrit
- Sāmavedapāda — Sanskrit