Arshika 166

Ārṣika 166

pa̱nyaṃpa̍nyamitso̱tāra̱ ā dhā̍vata̱ madyā̍ya | soma̍ṃ vī̱rāya̍ śū̱rāya̍

ehya harī̍ brahmayujā śagmā va̍kṣata̱ḥ sakhā̍yam | indra̍ṃ gī̱rbhirgirva̍ṇasam

pātā̍ vṛtra̱hā su̱tamā ghā̍ gamannāre a̱smat | ni ya̍mate śa̱tamū̱tiḥ ||3

ā tvā̍ viśa̍tviṃdavaḥ samu̱dramiva̱ siṃdha̍vaḥ | na tvāmiṃdrāti̍ ricyate

vivya̍ktha ma̱hninā̱ vṛṣa̱nbhakṣa̍ṃ soma̍sya jāgṛve | ya i̍ndra ja̱ṭhare̍ṣu te

ara̍ṃ ta indra ku̱kṣaye̱ somo̍ bhavatu vṛtrahan | ara̱ṃ dhāma̍bhya indavaḥ ||3

ja̱rābodha̱ tadvi̍ḍḍhi viśe̍viśe yajñi̍yāya | stoma̍ṃ rudrāya̍ dṛśīkam

sa no̍ ma̱hnām̐ a̍nimā̱no dhūma̱ketu̍ḥ puru̱ścaṃdraḥ| dhiye vājāya̍ hinvatu

saṃ re̱vām̐2 i̍va vi̱śpati̱rdevya̍ḥ ketuḥ śṛ̱ṇotu̍ naḥ | u̱kthaira̱gnirbṛha̱dbhānuḥ ||3

tadvo̍ gāya su̱te sacā̍ puruhū̱tāya̱ satva̍ne | śaṃ yadgave̱ na śākine̍

na ghā̱ vasu̍rni ya̍mate dā̱naṃ vāja̍sya goma̍taḥ | yatsī̱mupa̱śrava̱dgira̍ḥ

kuvitsasya̱ pra hi̱vraja̱ṃ goma̍ta̱ṃ dasyu̍hā gama̍t | śacī̍bhirapa̱ no varat

Linked texts (6)