Arshika 185
Ārṣika 185
- Language
- Sanskrit
Contents
- 185.4 — 2 parts
185.1
abo̍dhya̱gniḥ sa̱midhā̱ janā̍nā̱ṃ prati̍ dhe̱numi̍vāya̱tīmu̱ṣāsam̍
yahvā̍ iva̱ pra va̱yāmujji̍hānāḥ pra bhā̱nava̍ḥ sasrate̱ nāka̱maccha̍
185.2
abo̍dhi̱ hotā̍ ya̱jñathāya̍ de̱vānūrdhvo a̱gniḥ su̱manā̍: prā̱tara̍sthāt
sami̍ddhasya ruśa̱ddarśi̱ pājo̍ ma̱hāṃ de̱vastama̍so̱ nira̍moci
185.3
yadī̍ṃ ga̱ṇasya̍ raśa̱nāmajī̍ga̱ḥ śucira̱ṅkte śuci̍bhi̱rgobhi̍ra̱gniḥ
āddakṣi̍ṇā yujyate vā̱jaya̍ṃtyuttā̱nāmū̱rdhvo a̍dhayajju̱hva̍bhiḥ
185.1-2
13
i̱da m̐ śreṣṭha̱ṃ jyoti̍ṣā̱ṃ jyoti̱rāgā̍cci̱traḥ pra̍ke̱to a̍janiṣṭa̱ vi̱bhvā
yathā̱ prasū̍tā savi̱tuḥ sa̱vāyai̱vā rātryu̱ṣase̱ yoni̍māraik
185.2-2
ru̱śadva̍tsā ruśa̱tī śve̱tyāgā̱dāraigu kṛ̱ṣṇā sada̍nānyasyāḥ
sa̱mā̱nabaṃdhū amṛ̍te anūcī̱ dyāvā̱ varṇaṃ carata āmināne
185.3-2
sa̱māno̱ adhvā̱ svasro̍ranaṃta̱stamanyānyā carato de̱vaśi̍ṣṭe
na me̍thete̱ na ta̍sthatuḥ sumeke̱ nakto̱ṣāsā̱ sama̍nasā virū̍pe
185.1-3
14
ā bhā̍tya̱gniru̱ṣasā̱manī̍ka̱mudviprā̍ṇāṃ deva̱yā vāceā̍ asthuḥ
arvāṃcā nū̱naṃ rathe̍ha yātaṃ pīpivāgṃsamaśvinā gha̱rmama̱h
185.2-3
na sa̍ṃskṛ̱taṃ pra mi̍mīto gami̱ṣṭhāti̍ nūnama̱śvinopa̍stute̱ha
di̱vābhi̍pi̱tve ' va̍sāgamiṣṭhā pratyava̱rtiṃ dā̱śuṣe̱ śaṃbha̍viṣṭhā
185.3-3
u̱tā dvā̱taḥ sa̍ṃga̱ve prā̱tarahno̱ madhyaṃdina udi̍tā̱ sūrya̍sya
divā̱ nakta̍mavasā̱ śaṃta̍mena ne̱dānīṃ pīti̍raśvinā tatāna
185.1-4
15
e̱tā u̱ tyā u̱ṣasa̍ḥ ke̱tuma̍krata pūrve̱ ardhe̱ raja̍so bhā̱numa̍ṃjate
ni̱ṣkṛṇvā̱nā ā̱yudhā̍nīva dhṛṣṇava̱ḥ prati̱ gāvo̍ ' ru̱ṣīrya̍ti mā̱tara̍ḥ
185.2-4
uda̍paptannaru̱ṇā bhā̱navo̱ vṛthā̍ svāyu̱jo a̍ru̱ṣīrgā a̍yukṣata
akra̍nnu̱ṣāso̍ vayu̱nāni̍ pūrva̱thā ruśa̍ṃtaṃ bhā̱numa̍ru̱ṣīra̍śiśrayuḥ
185.3-4
arca̍ṃti nārīrapa̱so na vi̱ṣṭibhi̍ḥ samā̱nena̱ yoja̍nenā parā̱vata̍ḥ
iṣa̱ṃ vaha̍ṃtīḥ su̱kṛte̍ su̱dāna̍ve̱ viśvedaha̱ yaja̍mānāya sunva̱te
185.1-5
16
abodhya̱gnirma ude̍ti̱ sūryo̱ vyu̍ṣāścandrā ma̱hyāvo̱ arciṣā̍
āyu̍kṣātāma̱śvinā̱ yāta̍ve̱ ratha̱ṃ prāsā̍vīdde̱vaḥ sa̍vi̱tā jaga̱tpṛtha̍k
185.2-5
vaya̍nju̱vāthe vṛṣa̱ṇama̱śvinā̱ ratha̍ṃ ghṛ̱tena̍ no̱ madhu̍nā kṣa̱tramu̍kṣatam
a̱smāka̱ṃ brahma̍ pṛ̍tanāsu jinvata̱ṃ vaya̱ṃ dhanā̍ śūra̍sātā bhajemahi
185.3-5
arvā̍ṅkica̱kro madhu̍vāhano̱ ratho̍ jī̱rāśvo̍ aśvi̱noryā̍tu suṣṭutaḥ
tri̱vaṃdhu̍ro ma̱ghavā̍ vi̱śvasau̍bhaga̱ḥ śaṃ na̱ ā va̍kṣaddvi̱pade̱ catu̍ṣpade
185.1-6
17
pra te̱ dhārā̱ asa̍ścato di̱vo na ya̍ṃti vṛṣṭaya̍ḥ| a̱kṣā vāja̍m̐ saha̱sriṇa̍m
185.2-6
a̱bhi priyāṇi̱ kāvyā̱ viśvā̍ cakṣāṇo arṣati | hari̍stṛ̱jāna āyu̍dhā
185.3-6
sa ma̍rmṛjā̱na āyu̍bhirbhibho rājeva̍ suvra̱taḥ | śye̱no na vam̐̍su ṣīdati
185.4
sa no̱ viśvā̍ di̱vo vasū̍to̱ pṛthivyā adhi̍ | pu̱nāna iṃda̍vā bhara
185.4.p1
18
185.4.p2
iti aṣṭamaḥ prapāṭhakaḥ
Linked texts (7)
- Kauthuma (Svādhyāya Maṇḍala edition, Pāraḍī) — Sanskrit
- Maitrāyaṇīsaṃhitā — Sanskrit
- Chandasīsaṃhitā — Sanskrit
- Āgneyagāna — Sanskrit
- Sāmavedīmantra — Sanskrit
- Vaidikasūktasaṅgraha — Sanskrit
- Sāmavedapāda — Sanskrit