Arshika 186

Ārṣika 186

prāsya̱ dhārā̍ a̱kṣaranvṛkṣa̍ḥ su̱tasyau̍jasaḥ | de̱vām̐ anu̍ pra̱bhūṣa̍taḥ

saṃpti̍ mṛjaṃti ve̱dhaso̍ gṛ̱ṇaṃta̍: kā̱rava̍ girā | jyoti̍rjajñā̱namu̱kthyam

su̱ṣvahā̱ soma̍ tā̱ni te punānāya̍ prabhūvaso | vardhā̍ samu̱dramu̱kthya̍

1
e̱ṣa brahmā̱ ya ṛtviya̱ iṃdro̱ nāma̍ śru̱to gṛ̱ṇe

tvāmiddhava̍saspate̱ yaṃti̱ giro̱ na saṃya̍taḥ

vi sru̱tayo̱ yathā̍ patha̍ḥ

2
ā tvā̱ ratha̱ṃ yathotaye̍0

tuvi̱śuṣma̍ tuvikrato̱ śacī̍vo̱ viśva̍yā mate | ā pa̱prārtha ma̱hitvanā̍

yasya̍ te ma̱hinā̍ ma̱haḥ pari̍ ṣmā̱yaṃta̍mīyatuḥ | hastā̱ vajra̱ṃ hira̍ṇyayam || 3

ā yaḥ puraṃ nā̍rmi̱ṇīmadī̍deda̱tyaḥ ka̱virnabha̍nyo̱3 nā̍rvā
sūro̱ na ru̱rukvām̐ khatā̍tmā

a̱bhi dvi̱janmā̱ trī ro̍ca̱nāni̱ viśvā̱ rajā̍m̐si śuśucā̱no a̍sthāt
hotā̱ yaji̍ṣṭho a̱pām̐ sa̱dhasthe̍

a̱yam̐ sa hotā̱ yo dvi̱janmā̱ viśvā̱ dadhe̱ vāryā̍ṇi sva̱vasyā̍
marto̱ yo a̱smai su̱tuko da̱dāśa̍ || 3

agne̱ tama̱dyāśva̱ṃ na stomai̱ḥ kratu̱ṃ na bha̱draṃ hṛ̍di̱spṛśa̍m
ṛ̱dhyāmā̱ ta ohai̍ḥ

adhā̍ hyagne̱ krato̍rbha̱drasya̱ dakṣa̍sya sā̱dhoḥ
ra̱thīrṛ̱tasya̍ bṛ̱hato ba̱bhūtha̍

e̱bhirno̍ a̱rkairbhavā̍ no a̱rvāṅsva1̱̍rṇā jyoti̍ḥ
agne̱ viśve̍bhiḥ su̱manā̱ anī̍kaiḥ || 3

Linked texts (4)