Pramāṇa · Search · About · API

Arshika 19

Ārṣika 19

Language
Sanskrit

19.2

daśati

19.1

sa̱tyamitthā vṛṣeda̍si̱ vṛṣa̍jūtirno ' vi̍tā
vṛṣā̍ hyu̱gra śṛ̍ṇvi̱ṣe parā̍vati̱ vṛṣo̱ arvā̍vati śru̱taḥ

19.2-2

yadva̱krāsi̍ parā̱vati̱ yada̱rvāva̍ti vṛtrahan
a̱tastvā̍ gī̱rbhiryu̱gadiṃdra̍ ke̱śibhi̍: su̱tāvā̍gm̐ ā vi̍vāsati

19.3

a̱bhi vo̍ vī̱ramaṃdha̍so̱ made̍ṣu gāya gi̱rā ma̱hā vi̍cetasam
iṃdra̱ṃ nāma̍ śru̱tyagm̐ śā̱kina̍ṃ vaco̱ yathā̍

19.4

iṃdra̍ tri̱dhātu̍ śara̱ṇaṃ tri̱varū̍thagm̐ sva̱staye̍
cha̱rdiya̍ccha ma̱ghava̍dbhyaśca̱ mahya̍ṃ ca̱ yāva̍yā di̱dyume̍bhyaḥ

19.5

śrā̱yaṃta̍ iva̱ sūrya̱ṃ viśve̍diṃdra̍sya bhakṣata
vasū̍ni jā̱to ja̍ni̱mānyoja̍sā̱ prati̍ bhā̱gaṃ na dī̍dhimaḥ

19.6

na sī̍ma̱deva̱ āpa̱ tadiṣa̍ṃ dī̱rghāyo̱ martya̍:
eta̱gvā ci̱dya e̱taśo̍ yu̱yoja̍ta̱ iṃdro̱ harī̍ yuyoja̍te

19.7

ā no̍ vi̱śvāsu̍ ha̱vyamiṃdra̍ṃ sama̱tsu bhū̍ṣata
upa̍ bra̱hmāṇi̍ sava̱nāni̍ vṛtra̱hanpara̍majyā ṛcīṣama

19.8

tavedindrāvama̱ṃ vasu̱ tvaṃ pu̍ṣyasi madhyamam
satrā viśvasya para̱masya rājasi na kiṣṭvā goṣu vṛṇvate

19.9

dhye̱yatha̱ hvedi̍si purutrā ciddhi te̱ mana̍ḥ
ala̍rṣi yudhma khajakṛtpuraṃdara̱ pra gāya̱trā agāsiṣuḥ

19.10

vayamenamidā hyo 'pī̍pe̱medaha vajriṇam
tasmā u adya savane sutaṃ bharā nūnaṃ bhūṣata śrute

19.3-2

daśati

19.1-2

yo rājā̍ carṣaṇīnāṃ yātā rathebhiradhriguḥ
viśvāsāṃ tarutā pṛtanānāṃ jyeṣṭhaṃ yo vṛtrahā gṛṇe

19.2-3

yata indra̱ bhayāma̍he̱ tato no abhayaṃ kṛdhi
maghavañchagdhi tava tanna ūtaye vi dviṣo vi mṛdho jahi

19.3-3

vāstoṣpate dhruvā sthūṇām̐satram̐ somyānām
drapsaḥ purāṃ bhettā śaśvatīnāmiṃdro munīnām̐ sakhā

19.4-2

baṇmahām̐2 asi sūrya baḍāditya mahām̐2 asi
mahaste sato mahimā paniṣṭama mahnā deva mahām̐2 asi

19.5-2

aśvī rathī surūpa idgomām̐2 yadiṃdra te sakhā
śvātrābhājā vayasā sacate sadā caṃdraiyāti sabhāmupa

19.6-2

1 2ga 3 ' 3 1 2ga 3 '
yadyāva̍ iṃdra̍ te śa̱taṃꣲ śa̱taṃ bhūmī̍ru̱ta syuḥ
1 ' 3 ' 3 ' 2 3 ' 3 2 ' 3 1 '
na tvā̍ va̱rdhritsahasra̱ṃꣲ sūryā̱ anu̍ na jā̱tama̱ṣṭa roda̍sī

19.7-2

1 2 3 2u 3 2bhra 2ga 3 2 3 1 '
yadi̍ṃdra prāgapāgudaṅnyagvā̍ hū̱yase̱ nṛbhi̍ḥ
1 ' 3 1 2ga 4 1 3 2 3 1 '
simā̍ pu̱rū nṛ̱ṣūto̍ a̱syānave̍'si̱ praśa̍rdha tu̱rvaśe̍

19.8-2

1 2ga 3 1 2ga
kastami̍dra tvā vasavo̱ martyo̍ dadharṣati
3 1 2ga 3 1 ' 2 3 ' 2ga
śra̱ddhā hi te̍ maghavanyā̱rye di̱vi vā̱jī vāje̍ꣲ siṣāsati

19.9-2

1 ' 3 ' 3 1 2ga 3 1 '
iṃdrā̍gnī a̱pādi̱yaṃ pūrvāgātpadatībhya̍ḥ
3 1 2ga 3 1 ' 4 1 2 ' 3 2 1 '
hitvā̱ śiro̍ ji̱hvayā̱ rāra̍paccarattiraꣲśatpa̱dā nya̍kramīt

19.10-2

2 3 1 2 ' 3 1 ' 3 1 ' 3 1 '
iṃdra̱ nedī̍ya̱ edi̍hi mi̱tame̍dhābhi̱rūtibhi̍ḥ
1 ' 3 1 ' 3 1 ' 2 1 3 1 '
ā śaṃta̍ma śaṃta̍mābhi̱rabhi̍ṣṭibhi̱rā svāpe̍ svā̱pibhi̍ḥ

19.4-3

daśati

19.1-3

3 ' 3 1 ' 3 1 ' 3 ' 3 1 '
i̱ta ū̱tī vo̍ a̱jara̱ṃ prahe̍tārama̱prahi̍tam
3 1 2ga 3 1 ' 3 1 ' 4 1 ' 3 1 '
ā̱śuṃ jetā̍ra̱ꣲ hetā̍ra̱ꣲ rathī̍tamama̱tūrta̍ṃ tu̱griyā̍vṛdham

19.2-4

1 2ga 3 1 ' 4 2u 4 1 2ga
mo ṣu̍ tvā vāghataśca̱ nāre̍ a̱smanni rī̍raman
3 1 ' 3 1 ' 4 1 ' 4 2 3 1 2ga
ā̱rāttā̱dvā sa̱dhamāda̍ṃ na̱ ā ga̍hī̱ha vā̱ sannupa̍ śrudhi

19.3-4

3 1 ' 3 ' 3 2 4 1 ' 3 1 '
su̱nota̱ soma̍pā̱vne soma̍miṃdrā̍ya va̱jriṇe̍
1 ' 3 1 2ga 4 2u 3 1 2ga 3 1 2ga
paca̍tā pa̱ktīrava̍se kṛ̱ṇudhva̍mitpṛ̱ṇannitpṛ̍ṇate maya̍ḥ

19.4-4

yaḥ satrāhā vicarṣaṇi̱irindra̱ṃ taṃ hūmahe vayam
saha̍sramanyo tuvinṛmṇa̱ satya̱te bhavā samatsu no vṛdhe

19.5-3

śacībhirnaḥ śacīvasū divā naktaṃ diśasyatam
mā vā̍m̐ rā̱tiru̍pa dasatka̱dā canāsmadrātiḥ ka̱dā cana

19.6-3

ya̱dā ka̱dā ca mīḍhuṣe stotā jarèta ma̍rtyaḥ
ādidde̱ta varu̍ṇaṃ vipā gi̱rā dha̱tāra̍ṃ vivratānām

19.7-3

pāhi gā aṃdhaso mada indrāya medhyātithe
yaḥ sa̍ṃmiśro haryorhiraṇyaya iṃdro vajrī hiraṇyayaḥ

19.8-3

u̱bhaya̍ śṛṇavacca na indro̱ a̱rvāgidaṃ vacaḥ
satrācyā maghavā̍nsomapītaye dhiyā śaviṣṭha̱ āgamat

19.9-3

ma̱he ca na tvādrivaḥ parā śulkāya dīyase
na saha̍srāya nāyutāya vajrivo na śatāya śatāmagha

19.10-3

vasyā̍m̐ indrāsi me pituruta bhrāturbhujaṃtaḥ
mātā̍ ca me chadayathaḥ samā vaso va̱suva̍nāya rādhase

19.5-4

daśati

Linked texts (8)