Arshika 191
Ārṣika 191
- Language
- Sanskrit
191.1
pro ṣva̍smai puroratha̱miṃdrā̍ya śūṣa̱marca̍ta
abhī̍ke cidu loka̱kṛtsaṃge sama̱tsu vṛ̍tra̱hā
a̱smāka̍ṃ bodhi codi̱tā nabha̍ṃtāmanya̱keṣāṃᳵ jyākā̱ adhi̱ dhanva̍su
191.2
tvá² sindhū́²꣯m̐²ravāsṛjo ' dharā́co ahá²nnahim
áśa²truriṃdrá jajñiṣe viśvaṃ́ pu²ṣyasi vāryá²m
taṃ́ tvā² parí ṣvajāmahe nabhaṃtāmanyakeṣāṃ́ jyākā² adhí dhanva²su
191.3
ví² ṣu viśvā́ arā²tayo ' ryó naśaṃta no dhiyaḥ́²
á²stāsí śatra²ve vadhaṃ yó na iṃdra jighā́²꣯²m̐sati
yā́ te² rā́tirdā́²꣯²divaṃsu nabhaṃtāmanyakeṣāṃ́ jyākā² adhí dhanva²su
191.1-2
14
revā́²꣯²m̐ ídveta² stotā́ syāttvāvató magho²naḥ | preḍá harivaḥ² sutasyá
191.2-2
ukthyaṃ́ ca² ná śasyá²mānaṃ nā́go rayirā² ciketa | ná gāyatraṃ́ gī²yamānam
191.3-2
mā́ na² iṃdrá pīyata²nve mā́ śardháte² parā́ dāḥ | śikṣā́ śacīvaḥ² śacībhiḥ
191.1-3
15
iṃdrá yā²hi haríbhirupa² kaṇvasyá suṣṭútim
divó a²muṣyá śāsa²to divaṃ́ yaya divāvasó
191.2-3
atrā́² ví nemireṣā́murāṃ² ná dhūnute² vṛkaḥ́²
divó a²muṣyá śāsa²to divaṃ́ yaya divāvasó
191.3-3
ā́ vā² grāvā́ vadánniha² somī́ ghoṣe²ṇa vadatu
divó a²muṣyá śāsa²to divaṃ́ yaya divāvasó
191.1-4
16
pavá²sva somá maṃdaya²nniṃdrā́ya² madhumattamaḥ́
191.2-4
té sutā́so² vipaścitaḥ́ śukrā́ vāyumasṛkṣata
191.3-4
asṛ́graṃ² devavī́taye² vājayaṃtó rathā² iva
191.1-5
17
agnim̐2 hotā̍raṃ manye̱ dāsva̍ntaṃ vaso̍ḥ sū̱num̐2 saha̍so jā̱tave̍dasaṃ vipra̱ṃ na
jā̱tave̍dasram
ya ū̱rdhvayā̍ svadhva̱ro de̱vo de̍vā̱cyā kṛpā̍
ghṛ̱tasya̍ vi̱bhrāṣṭṭi̱manu̍ śu̱kraśo̍ciṣa̱ āju̍hvānasya sa̱rpiṣa̍ḥ
191.2-5
yaji̍ṣṭhaṃ tvā yajamānā huvema jyeṣṭha̍maṃgirasāṃ vipra manmabhi̱rvipra̍bhiḥ śukra
manma̍bhiḥ
pari̍jmānamiva dyām̐2 hotā̍raṃ carṣaṇī̱nām
śoci̍ṣkeśaṃ vṛṣaṇa̱ṃ yami̱mā viśa̍ḥ prāva̍ntu jūtaye̱ viśa̍ḥ
191.3-5
sa hi puru ci̱doja̍sā vi̱rukmatā̍ dīdyo̱no bhava̍ti du̱rhṛta̍raḥ para̱śurna
du̱rhṛta̍raḥ
vī̱ḍu ci̱dyasya̍ samṛ̱tau śruva̱dvane̍va̱ yatsthi̱ram
ni̱ṣṣaha̍māṇo yamate̱ nāya̍te̱ dhanvā̱sadvā nāya̍te
191.1-6
18
agne̱ tava̱ śravo̱ vayo̱ mahi̍ bhrāja̍te̱ arcayo̍ vibhāvaso
bṛha̱dbhā̱no śava̍sā vāja̱mukthya̍ṃ dadhāsi dā̱śuṣe̍ kave
191.2-6
pāva̍kavarcāḥ śu̱krava̍rcā anūnavarcā̱ udi̍yarṣi bhānunā̍
pu̱tro mā̱tarā̍ vi̱cara̱nnupā̍vasi pṛ̱ṇakṣi̍ rodasī̱ ubhe
191.3-6
ūrjā̱ napā̍jjātaveda̱ḥ suśa̍stibhirmanda̍sva dhī̱tibhi̍rhita̍ḥ
tve iṣa̱ḥ saṃ da̍dhurbhūri̍varpasaści̱trota̍yo vāma̱jātā̍ḥ
191.4
i̱ḍyanna̍gne prathayasva jaṃtu̍bhira̱sme rāyo̍ amartya
sa darśa̍tasya̱ vapu̍ṣo vi rājasi pṛ̱ṇakṣi̍ darśa̱taṃ kratu̍m
191.5
i̱ṣkartāra̍madhva̱rasya̱ prace̍tasa̱ṃ kṣaya̍ṃta̱ḥ rādha̍so ma̱haḥ
rā̱tiṃ vā̱masya̍ su̱bhagā̍ṃ ma̱hīmiṣa̍ṃ dadhāsi sāna̱siṃ ra̱yim
191.6
ṛ̱tāvā̍naṃ mahi̱ṣaṃ vi̱śvada̍rśata̱magni̍ṃ su̱mnāya̍ dadhire pu̱ro janā̍ḥ
śru̱tkarṇa̍ṃ sa̱pratha̍stamaṃ tvā gi̱rā daivya̱ṃ mānu̍ṣā yu̱gā
Linked texts (4)
- Sāmavedasaṃhitā (ed. Theodor Benfey) — Sanskrit
- Sāmavedīmantra — Sanskrit
- Āgneyagāna — Sanskrit
- Sāmavedapāda — Sanskrit