Arshika 192

Ārṣika 192

1
pra so a̍gne tavo̱tibhi̍ḥ su̱vīrā̍bhistarati vā̱jakarma̍bhiḥ
yasya̱ tvaṃ sa̱khyamāvitha̍

tava̍ dra̱pso nīla̍vānvāśa ṛ̱tviya̱ indhā̍naḥ si̱kṣvā dade̍
tvaṃ ma̱hīnā̍mu̱ṣasā̍masi pri̱yaḥ kṣapo̍ vastuṣu rājasi

2
tamoṣa̍dhīrdadhire̱ garbha̍mṛ̱tviya̱ṃ tamāpo̍ a̱gniṃ ja̍nayaṃta mā̱tara̍ḥ
tamitsa̍māna̱ṃ vani̍naśca vī̱rudho̍'tarvatī̍śca suvate ca viśva̱hā

3
a̱gniriṃdrā̍ya pavate di̱vi śu̱kro vi rā̍jati | ma̱hiṣī̍va vi jā̍yate || 1

yo jā̱gāra̱ tamṛca̍ḥ kāmayaṃte̱ yo jā̱gāra̱ tamu̱ sāmāni̍ yaṃti
yo jā̱gāra̱ tamaya̱ṃ soma̍ ā̱ha tavā̱hama̍smi sa̱khye nyokā̍ḥ

5
a̱gnirjā̍gāra̱ tamṛca̍ḥ kāmayaṃte ' gnirjā̍gāra̱ tamu̱ sāmāni̍ yaṃti
a̱gnirjā̱gāra̱ tamaya̱ soma̍ āha̱ tavā̱hama̍smi sa̱khye nyokā̍ḥ

6
nama̍ḥ sakhibhyaḥ pūrva̱sadbhyo̱ nama̍ḥ sā̱kaṃni̍ṣebhyaḥ | yu̱ñje vāca̍ śatapa̱dīm

yu̱ñje vāca̍ śatapa̱dīṃ gāye̍ sahasrava̱rtani̍ | gāya̱traṃ traiṣṭu̍bhaṃ jaga̍t

gāya̱traṃ traiṣṭu̍bhaṃ jaga̱dviśvā̍ rūpā̱ṇi saṃbhṛ̍tā | de̱vā okā̍m̐si cakrire || 3

Linked texts (5)