Arshika 196

Ārṣika 196

a̱bhi vā̱jī vi̱śvarū̍po ja̱nitra̱ hira̍ṇyayaṃ bibhra̱dalka̍ su̱pa̱rṇaḥ
sūryya̍sya bhā̱numṛ̱tuthā vasā̍naḥ pari̍ sva̱yaṃ medha̍mṛ̱ñjo ja̍jāna

a̱psu reta̍ḥ śiśriye̱ viśva̍rūpa̱ṃ teja̍ḥ pṛthi̱vyāmadhi̱ yatsaṃbabhūva̍
a̱ntari̍kṣe svaṃ ma̍hi̱māna̍ṃ mimā̍naḥ kani̍kraṃti vṛ̱ṣṇo aśva̍sya̱ reta̍ḥ

aya̍ḥ sa̱hasrā̱ pari̍ yuktā vasā̍naḥ sūryya̍sya bhā̱nuṃ ya̱jño da̍dhāra
sa̱hasra̍dāḥ śatadā bhūri̍dāvā dha̱rtā di̱vo bhuvana̍sya vi̱śaṃpati̍ḥ

12
nāke̍ su̱parṇa̱mupa̍ yatpata̍ṃtaṃ hṛ̱dā vena̍ṃto a̱bhyaca̍kṣata tvā
hira̍ṇyapakṣaṃ varu̍ṇasya dū̱taṃ ya̱masya̱ yonau̍ śaku̱naṃ bhu̍ra̱ṇyum

ū̱rdhvo ga̍ṃdha̱rvo adhi̱ nāke̍ asthātpratyaṅṅi̱trā bibhra̍dasyāyu̍dhāni
vasā̍no̱ atka̍ sura̱bhiṃ dṛ̱śe ka̱ṃ svā3rṇā nāma̍ janata pri̱yāṇi̍

dra̱psaḥ sa̍mu̱drama̱bhi yajjigā̍ti paśya̍nmṛ̱dhrasya̱ cakṣa̍sā vi̱dharma̍n
bhā̱nuḥ śu̱kreṇa̍ śo̱ciṣā̍ cakā̱nastṛ̱tīye̍ cakre̱ raja̍si pri̱yāṇi̍

Contents