Arshika 23

Ārṣika 23

ca̱kraṃ yadasyā̱psvā niṣa̍ttamu̱to tada̍smai̱ madhvicca̍ccha̱dyāt
pṛ̱thi̱vyāma̍tiṣi̱taṃ yadūdha̱ḥ payo̍ go̱ṣvada̍dhā̱ oṣa̍dhīṣu

daśati

tyamū̱ ṣu vā̱jina̍ṃ de̱vajū̍taṃ sa̱hovā̍naṃ taru̱tāra̱ṃ rathā̍nām
ari̍ṣṭanemiṃ pṛtanā̱jamā̱śum̐ sva̱staye̱ tākrṣya̍mi̱hā hve̍ma

trā̱tāra̱miṃdra̍mavi̱tāra̱miṃdra̱ṃ have̍have su̱hava̱ṃ śūra̱miṃdram̍
hvaye̱ nu śa̱kraṃ pu̍ruhūta̱miṃdra̍mi̱dam̐ ha̱virma̱ghavā̍ ve̱tviṃdra̍ḥ

yajāmaha̱ indra̍ṃ vajrada̍kṣiṇa̱ṃ harī̍ṇā̱ṃ rathyā̍ṃ vivra̱tānām
pra śmaśru̍bhi̱rdho̍dhuva̱dūrdhva̍thā̱ bhuva̱dvi se̍nā̱bhirbhaya̍māno̱ vi rādha̍sā

sa̱trā̱hāṇa̍ṃ dā̱dhṛṣi̍ṃ tumra̱mindra̍ṃ ma̱hāma̱pāra̍ṃ vṛṣa̱bhaṃ su̱vajra̍m
hantā̱ yo vṛ̱traṃ sani̍to̱ta vāja̍ṃ dā̱tā maghā̍ni ma̱ghavā̍ su̱rādhā̍:

yo no̍ vanu̱ṣyanna̍bhi̱dāti̱ marta̍ u̱gaṇā̍ vā ma̱nyamā̍nastu̱ro vā̍
nnidhī̍ yu̱dhā śava̍sā vā tami̍ndrā̱bhī ṣyāma̍ vṛṣamaṇa̱stvotā̍:

yaṃ vṛ̱treṣu̍ kṣi̱taya̱ spargha̍mānā̱ yaṃ yu̱kteṣu̍ turaya̍nto hava̍nte
yaṃ śūra̍sātau̱ yama̱pāmu̍pa̱sthye̱ viprā̍so vā̱jaya̍nte̱ sa indra̍:

iṃdrā̍parvatā bṛha̱tā rathe̍na vā̱mīriṣa̱ ā va̍hataṃ su̱vīrā̍:
vī̱taṃ ha̱vyānya̍dhva̱reṣu̍ de̱vā vardhethā̍ṃ gī̱rbhiiri̱ḍā mada̍ntā

indrā̍ya̱ giro̱ ani̍śitasargā apa̍: preraya̱tsaga̍rasya bu̱dhnāt
yo a̱kṣeṇe̍va cakri̱yau śacī̍bhi̱rviṣva̍ktastambha pṛthivīmu̱ta dyām

ā vā̱ sakhā̍yaḥ sa̱khyā va̍vṛtyu̱stira̱: puru̍ cida̱rṇavā̍ṃ jaga̱myāḥ
pi̱turnapā̍tamā dadhīta ve̱dhā a̱smintkṣaye̍ prata̱raṃ dī̱dyāna̍:

ko a̱dya yu̍ṅkte dhu̱ri gā ṛ̱tasya̍ śimī̱vato̍ bhāmi̱no durha̍ṇā̱yūn
āsa̍nneṣāmapsuvā̱ho ma̍yo̱bhūnya e̍ṣāṃ bhṛtyā̱mṛṇadha̱tsa jī̍vāt

daśati

Linked texts (10)