Arshika 25

Ārṣika 25

daśati

pratya̍smai pipīṣate̱ viśvā̍ni vi̱duṣe̍ bhara
ara̍ṅgamāya jagmaye 'pa̱ścādda̍dhvane̱ nara̍ḥ

ā no̍ vayovṛdhaṃ ma̱hāṃta̍ṃ ga̱hvare̍ṣṭhaṃ ma̱hāṃta̍ṃ pū̱rvine̍ṣṭhā̱m
u̱graṃ vaco̍ apāvadhīḥ

ā tvā̱ ratha̍ṃ yatho̱taye̍ su̱mnāya̍ vartayāmasi
tu̱vi̱kū̱rmimṛ̍tī̱ṣaha̱miṃdra̱m̐ śavi̍ṣṭha sa̱tyati̍m

sa pū̱rvyo ma̍honāṃ vena̱ḥ kratu̍bhirānaje
yasya̱ dvārā̱ manu̍: pi̱tā de̱veṣu̱ dhiya̍ āna̱je

yadī̱ vaha̍ntyā̱śavo̱ bhrāja̍mānā rathe̱ṣṭhā
piba̍nto madi̱raṃ madhu̱ tatra̱ śravā̍ṃsi kṛṇvate

tyamu̍ vo̱ apra̍haṇaṃ gṛṇī̱ṣe śava̍sa̱spati̍m
iṃdra̍ṃ viśvā̱sāha̱ṃ nara̱m̐ śaci̍ṣṭhaṃ vi̱śvave̍dasa̱m

dadhikrāvṇo̍ akāriṣaṃ ji̱ṣṇoraśva̍sya vā̱jina̍:
su̱ra̱bhi no̱ mukhā̍ kara̱tpra na̱ āyū̍ṃṣi tāriṣat

purāṃ bhi̍ndu̱ryuvā̍ ka̱virami̍taujā ajāyata
indro̱ viśva̍sya̱ karma̍ṇo dha̱rttā va̱jrī pu̍ruṣṭu̱taḥ

Linked texts (6)