Pramāṇa · Search · About · API

Arshika 26

Ārṣika 26

Language
Sanskrit

26.2

daśati

26.1

pra pra̍ vastrā̱ṣṭrabhi̍ṣaṃ vaṃda̱dvīrā̱yeṃda̍ve
dhi̱yā vo̍ me̱dhasā̍taye pura̍ṃdhyā vi̍vāsati

26.2-2

ka̱śyapa̍sya sva̱rvido̍ yāvā̱huḥ sa̍yujā̱viti̍
yayo̱rviśva̍mapi̍ vrataṃ ya̱jñaṃ dhīrā̍ ni̱cāyya̍

26.3

arca̍ta̱ prārca̍ta̱ nara̍ḥ pri̱yame̍dhāso̱ arca̍ta
arca̍ṃtu putra̱kā uta purami̍ddhṛ̱ṇvarca̍ta

26.4

u̱kthama̍ṃdrā̍ya̱ śaṃsya̍ṃ vardha̍naṃ puruniḥṣidhè̍
śakro̱ yathā̍ su̱teṣu̍ ṇo rā̱raṇatsa̱khyeṣu̍ ca

26.5

viśvā̍narasya va̱spati̍manā̍natasya śavasaḥ
e̱vaiśca̍ carṣaṇī̱nāmūtī hu̍ve rathā̱nām

26.6

sa ghā̱ yaste̍ di̱vo naro̍ dhi̱yā ma̍rttasya śamataḥ
ūtī sa bṛ̍ha̱to di̱vo dviṣo̱ aṃho̱ na tarati̍

26.7

vibho̍ṣṭa̱ iṃdra̍ rādhaso vi̱bhvī rā̱tiḥ śa̍takrato
athā̍ no viśvacarṣaṇe yu̱mna̍ḥ su̱datra maṃhaya

26.8

vayam̐ścitte patatriṇo dvipāccatuṣpāda̍rjuni
uṣaḥ prārannṛtūm̐ranu divo antebhyaspari

26.9

amī ye devā sthana madhya ā rocane divaḥ
kadva ṛtaṃ kadanṛtaṃ kā pratnā va āhutiḥ

26.10

ṛcaḥ sāma yacāmahe yābhyāṃ karmāṇi kṛṇvate
vi te sadasi rājato yajñaṃ deveṣu vakṣataḥ

26.3-2

daśati

26.1-2

viśvāḥ pṛtanā abhibhūtaraṃ naraḥ sajūstatakṣurindraṃ jajanuśca rājase
kratve vare sthemannyāmurimutogramojiṣṭhaṃ tarasaṃ tarasvinam

26.2-3

śratte dadhāmi prathamāya manyave ' hanyaddasyuṃ naryaṃ viverapaḥ
ubhe yatvā rodasī dhāvatāmanu bhyāsātte śuṣmātpṛthivī cidadrivaḥ

26.3-3

sameta viśvā ojasā patiṃ divo ya eka iddūratithija̍nānām
sa pūrvyo nūtanamājigīṣaṃ taṃ vartanīranu vāvṛta eka it

26.4-2

ime ta indra te vayaṃ puruṣṭuta ye tvārabhya carāmasi prabhūvaso
na hi tvadanyo girvaṇo giraḥ saghatkṣoṇīriva prati taddharya no vacaḥ

26.5-2

carṣaṇīdhṛtaṃ maghavānamukthyāmindraṃ giro bṛhatīrabhyanūṣata
vāvṛdhānaṃ puruhūtaḥ suvṛktibhiramartyaṃ jaramāṇaṃ divedive

26.6-2

acchā̍ va̱ indra̍ṃ mataya̍ḥ sva̱ryuva̍ḥ sa̱dhrīcī̍rviśvā uśa̱tīranū̍ṣata
pari̍ ṣvajaṃta janayo yathā̱ pati̱ṃ marya̱ṃ na śu̱ṃdhyuṃ ma̍ghavānamūtaye̍

26.7-2

a̱bhi tyaṃ meṣa̍ṃ puruhū̱tamṛ̱gmiya̱mindra̍ṃ gī̱rbhirmada̍tā̱ vasvo̍ a̱rṇavam
yasya̱ dyāvo̱ na vi̱cara̍ṃti̱ mānu̍ṣaṃ bhuje ma̍ṃhi̱ṣṭhama̱bhi vipra̍marcata

26.8-2

tya꣫ su meṣa̍ṃ ma̱hayā̍ sva̱rvida꣫ śa̱taṃ yasya̍ su̱bhuva̍ḥ sā̱kamīra̍te
atya̱ṃ na vāja̍ṃ havana̱syada꣫ ra̱thameṃndra̍ṃ vavṛ̱tyāmava̍se suvṛ̱ktibhi̍ḥ

26.9-2

ghṛ̱tavatī̱ bhuva̍nānāmabhiśri̱yorvī pṛthvī madhu̍dughe su̱peśa̍sā
dyāvā̍pṛthi̱vī varu̍ṇasya̱ dharma̍ṇā̱ viṣka̍bhite a̱jare̱ bhūri̍retasā

26.10-2

u̱bhe yadi̍ndra roda̍sī ā̱paprātho̱ṣā i̍va
ma̱hāṃta̍ṃ tvā ma̱hīnā꣫ samrāja̍ṃ carṣaṇī̱nām
devī̍ ja̱nitrya̍jījanadbha̱drā ja̱nitrya̍jījanat

26.11

pra maṃdi̍ne pitu̱mada̍rcatā̱ vaco̱ yaḥ kṛ̱ṣṇaga̍rbhā nira̱hannṛ̱jiśva̍nā
ava̍syavo vṛṣa̍ṇaṃ vajrada̱kṣiṇa̍ṃ ma̱rutva̍ṃtaḥ sa̱khyāya̍ huvemahi

26.4-3

daśatiḥ

26.1-3

indra̍ su̱teṣu̱ some̍ṣu̱ kratu̍ṃ punīṣa u̱kthyam̍
vi̱de vṛ̱dhasya̱ dakṣa̍sya ma̱hān hi ṣaḥ

26.2-4

tamu̍ a̱bhi pra gā̍yata puruhū̱taṃ puru̍ṣṭutam
indra̍ṃ gī̱rbhistavi̍ṣīmā vivāsata

26.3-4

ta̍ṃ te̱ mada̍ṃ gṛṇīmasi̱ vṛṣa̍ṇaṃ pṛ̱tsu sāsa̍him
u̱ loka̱kṛtnumadrivo hariśriyam

26.4-4

yatsoma̍miṃdra vi̱ṣṇavi̱ yadvā̍ gha̱ trita̍ ṛ̱bhye
ya̱dvā ma̱rutsu̱ maṃda̍se̱ samiṃdu̍bhiḥ

26.5-3

e̱ḍu madho̱rmadi̍ṃtara̱m̐ siṃcā̍dhva̱ryo aṃdha̍saḥ
e̱vā hi vī̱ra stava̍te̱ sadā̍vṛdhaḥ

26.6-3

e̍ṃḍumiṃdrāya siṃcata pibā̍ti so̱myaṃ madhu̍
pra̱ rādhā̍m̐si codayate mahi̱tvanā̍

26.7-3

e̱to nvi̍ṃdra̱m̐ stavā̍ma sakhāya̱ stomya̱ṃ nara̍m
kṛ̱ṣṭīryo viśvā̍ a̱bhyastye̍ka̱ it

26.8-3

iṃdrā̍ya̱ sāma̍ gāyata viprāya bṛha̱te bṛ̱hat
bra̱hma̱kṛte̍ vipa̱ścite̍ pana̱syave̍

26.9-3

ya̱ eka̍ i̱ddidaya̍te̱ vasu̱ martā̍ya dā̱śuṣe̍
īśā̍no̱ apra̍tiṣkuta̱ iṃdrā̍ a̱ṃga

26.10-3

sakhā̍ya̱ ā śi̍ṣāmahe̱ bra̱hmaṃdrāya̍ vajri̱ṇe
stu̱ṣa ū̱ ṣu vo̱ nṛta̍māya dhṛ̱ṣṇave̍

26.5-4

daśati

Linked texts (10)