Arshika 27

Ārṣika 27

iti caturthaḥ prapāṭhakaḥ samāptaḥ
gṛ̱ṇe tadi̍ndra̱ te̱ śava̍ u̱pa̱māṃ de̍vatā̱taye̍
yada̱haṃsi̍ vṛ̱tramo̍ja̱sā śacīpate

yasya̍ tyaccha̍ṃba̱raṃ made̍ di̱vodā̍sā̱ya ra̍ṃdhaya̍ḥ
a̱yaṃ sa soma̍ iṃdra te su̱taḥ piva̍

eṃndra̍ no gadhi pri̱yaṃ sa̱trāji̱dago̍vya
gi̱rirna̍ vi̱śvata̍ḥ pṛ̱thuḥ pati̍rdi̱va̍ḥ

ya iṃd̍ra soma̱pāta̍mo̱ mada̍ḥ śaviṣṭha̱ ceta̍ti
yenā̍ ha̱ṃsi nya1triṇa̍ṃ tamīmahe

tuce tu̱nāya̱ tatsu no̱ drādhī̍ya̱ āyu̍rjī̱vase̍
ā̱dityā̍saḥ samahasaḥ kṛṇotana

vetthā̱ hi nirṛ̍tī̱nāṃ vajra̍hasta pari̱vṛja̍m
aharahaḥ śuṃdhyuḥ paripadā̍miva

apā̍mīvā̱mapa̍ sridha̱mapa̱ sedha̍ta du̱rmati̍m
ā̱dityā̍so yu̱yota̱nā no̱ aṃha̍saḥ

pibā soma̱miṃdra̱ maṃda̍tu tvā yaṃ te̍ su̱ṣāva̍ harya̱śvādri̍ḥ
sotu̍rbā̱hubhyā̱g̱ suya̍to̱ nārvā̍

Linked texts (1)