Pramāṇa · Search · About · API

Arshika 29

Ārṣika 29

Language
Sanskrit

29.2

daśati

29.1

svā̱do̱rityā̍ viṣū̱vato̱ madho̍ḥ pibaṃti gau̱rya̍ḥ
yā iṃdre̍ṇa sa̱yāva̍rī̱rvṛkṣā mada̍nti̱ śobha̍thā va̱svīranu̍ sva̱rājya̍m

29.2-2

i̱tthā hi soma̍ i̱nmado̱ brahma̍ ca̱kāra̱ vardha̍nam
śavi̍ṣṭha va̱jrinnoja̍sā pṛthi̱vyā niḥ śaśā̱ ṛddhi̱marca̍nnanu sva̱rājya̍m

29.3

iṃdro̍ ma̱dāya̍ vāvṛdhe̱ śava̍se vṛtra̱hā nṛbhi̍ḥ
taminma̍ha̱tsvāji̍ṣū̱tima̍rbhe havāmahe̱ sa vāje̍ṣu pra no ' viṣat

29.4

iṃdra̱ tubhya̍midadrivo ' nutta̍ṃ vajrinvī̱rya̍m
yaddha̱ tyaṃ mā̱yina̍ṃ mṛ̱gaṃ tava̱ tyanmā̱yayā̍va̱dhīrarca̍nnanu sva̱rājya̍m

29.5

prehya̱bhī̍hi dhṛṣṇu̱hi na te̱ vajro̱ ni ya̍ṃsate
iṃdra̱ nṛmṇā̍ṃ hi te̱ śavo̱ hano̍ vṛ̱traṃ jayā̱ apo ' rca̍nnanu sva̱rājya̍m

29.6

yadudī̍rata āja̱yo dhṛ̱ṣṇave̍ dhīyate̱ dhana̍m
yu̱ṃkṣvā ma̍dacyutā̱ harī̱ kaḥ hana̱ḥ ka̍ṃ vasau dadho 'smān i̍dra̱ vasau̍ dadhaḥ

29.7

akṣa̍nnamīmadaṃta̱ hyava̍ pri̱yā a̍dhūpata
asto̍ṣata svabhā̱navo̱ viprā̱ navi̍ṣṭhayā ma̱tī yojā̱ nviṃdra̍ te̱ harī̍

29.8

u̱po ṣu śṛ̍ṇu̱hī giro̍ maghavanmā̱tayā̍ iva
kadā̍ naḥ sūnṛ̍tāvataḥ kara̱ iddharya̍yāse̱ idyotā̱ nvi̍ndra te̱ harī̍

29.9

caṃdra̍mā a̱psvā̍ṃ3tarā su̍pa̱rṇo dhā̍vate di̱vi
na vo̍ hiraṇyanemayaḥ padaṃ viṃdaṃti vidyuto vi̱ttaṃ me̍ asya rodasī

29.10

prati̍ pri̱yata̍ma̱m̐ ratha̍ṃ vṛṣa̱ṇaṃ va̍su̱vāha̍nam
stotā̍ vāmaśvinā̱vṛṣi̱ stome̍bhirbhūṣati prati̱ mādhvī̱ mama̍ śruta̱m̐ hava̍m

29.3-2

daśati

29.1-2

ā te̍ agna idhīmahi dyu̱maṃta̍ṃ de̱vājara̍m
yaddha̱ syā te̱ panī̍yasī sa̱middīda̍yati̱ dyavīṣa̱m̐ sto̱tṛbhya̱ ā bha̍ra

29.2-3

a̱gniṃ na sva̱vṛkti̍bhirhotā̍raṃ tvā vṛṇīmahe
śī̱raṃ pā̍vakaśociṣaṃ vi vo made̍ ya̱jñeṣu̍ stī̱rṇaba̍rhiṣaṃ vi̱vakṣa̍se

29.3-3

ma̱he no̍ a̱dya bo̍dha̱yoṣo̍ rā̱ye di̍vitvatī
yathā̍'cinno abodhayaḥ satyaśravasi vāyye sujāte̱ aśva̍sūnṛte

29.4-2

bhadra̍ṃ no̱ api̍ vātaya̱ mano̱ dakṣa̍muta̱ kratum̍
athā̍ te sa̱khye a̍ṃdhaso vi vo̱ made̱ raṇā̱ gāvo̱ na yava̍se vivakṣase

29.5-2

kratvā̱ mahā̱m̐ anu̍ṣva̱dhaṃ bhīma ā vā̍vṛte śavaḥ
śriya̍ ṛ̱ṣva upā̍kayorni śi̱prī hari̍vāṃ dadhe̱ hasta̍yorvajra̱māya̍sam

29.6-2

sa ghā̱ taṃ vṛṣa̍ṇa̱ᳲ ratha̱madhi̍ tiṣṭhati go̱vida̍m
yaḥ pā̱traᳲ hāriyo̍janaṃ pū̱rṇamiṃdra̍ cike̱tati̱ yojā̱ nviṃdra̍ te̱ harī̍

29.7-2

a̱gniṃ taṃ ma̍nye̱ yo vasu̱rasta̱ṃ yaṃ yaṃti̍ dhe̱nava̍ḥ
asta̱marva̍ṃta ā̱śavo̱'staṃ ni̱tyāso̍ vā̱jina̱ iṣaṃᳲ sto̱tṛbhya̱ ā bha̍ra

29.8-2

na tama̍ṃho̱ na du̍ri̱taṃ de̍vāso̱ aṣṭa̱ martya̍m
sa̱joṣā̍so̱ yama̍rya̱mā mi̱tro naya̍ti̱ varu̍ṇo̱ ati̱ dveṣa̍ᳲ

29.4-3

daśati

29.1-3

pari̍ pra dhanveṃdrā̍ya̱ soma̍ svā̱durdurmi̱trāya̍ pū̱ṣṇe bhagā̍ya

29.2-4

pa̱ryū̍ ṣu pra dha̍nva vā̱jasā̍taye̱ pari̍ vṛ̱trāṇi̍ sa̱kṣaṇi̍ᳲ
dvi̱ṣasta̍ra̱dhyā ṛ̍ṇa̱yā na ī̍rase

29.3-4

pava̍sva soma ma̱hāṃtsa̍mu̱draḥ pi̱tā de̱vānā̱ṃ viśvā̱bhi dhāma̍

29.4-4

pava̍sva soma ma̱he dakṣā̍yāśvo̱ na nikto̍ vā̱jī dhanā̍ya

29.5-3

iṃdu̍ᳲ paviṣṭa̱ cāru̱rmadā̱yāpā̱mupa̍sthe ka̱virbhagā̍ya

29.6-3

anu̍ hi tvā su̱taḥ soma̱ madā̍masi ma̱he sama̍rya̱rājye̍
vājāṃᳲ a̱bhi pa̍vamāna̱ pra gā̍hase

29.7-3

ka ī̍ṃ vyaktā̱ nara̍ᳲ sanī̍ḍā ru̱drasya̍ maryā̱ athā̱ svaśvā̍ᳲ

29.8-3

agne̱ tama̱dyāśva̱ṃ na stomai̱ᳲ kratu̱ṃ na bha̱draᳲ hṛ̍di̱spṛśa̍m
ṛdhyāmā ta ohaiḥ

29.9-2

āvirmaryā ā vājaṃ vājino agamaṃ devasya savituḥ savam
svargām̐ arvanto jayata

29.10-2

pavasva soma dyumnī sudharo mahām̐ avonāman pūrvyaḥ

29.5-4

daśati

Linked texts (8)