Pramāṇa · Search · About · API

Arshika 32

Ārṣika 32

Language
Sanskrit

32.2

daśati

32.1

trika̍drukeṣu mahi̱ṣo yavā̍śiraṃ tuvi̱śuṣma̍stṛ̱patsoma̍mapibadviṣṇu̍nā
su̱taṃ yathāva̍śam
sa ī̍ṃ mamāda mahi̱ karma̍ karta̱ve ma̱hāmuru̱ṃ saina̍ṃ saścadde̱vo de̱vam̐
satya iṃdra̍ḥ satyamiṃdram

32.2-2

a̱yam̐ sa̱hasra̍mānavo dṛ̱śaḥ ka̱vīnā̍ṃ ma̱tirjyoti̍rvidharma̍
bra̱dhnaḥ sa̱mīcī̍ru̱ṣasa̱ḥ samai̍rayadare̱pasa̍ḥ sa̱ceta̍saḥ svasa̱re ma̱nyumaṃta̍ścitā̱ goḥ

32.3

iṃdra̍ yā̱hyupa̍ na̱ḥ parā̍vato̱ nāyamacchā̍ vi̱dyānī̍va sa̱tyapa̍tira̱stā rāje̍va
sa̱tyapa̍tiḥ
hvayā̍mahe tvā praya̍svaṃtaḥ su̱teṣvā pu̱trāso̱ na pi̱tara̍ṃ vāja̍sātaye̱ maṃhi̍ṣṭhaṃ
vāja̍sātaye

32.4

tamiṃdra̍ṃ johavīmi ma̱ghavāna̍mu̱graḥ satrā dadhā̍namaprati̍ṣkṛta̱ḥśravāḥsi̱ bhūri̍
maṃhi̍ṣṭho gī̱rbhirā ca̍ ya̱jñiyo vava̍rta rāyè no̱ viśvā̍ supa̱thā kṛ̍ṇotu va̱jrī

32.5

a̱stu śrauṣa̍ṭ puro a̱gniṃ dhi̱yā da̍dha̱ ā nu tyahva̍ryo di̱vyaṃ vṛ̍ṇīmahe
iṃdra̍vā̱yū vṛ̍ṇīmahe
yad krāṇā vi̱vasva̍te nābhā sa̱ṃdāya̱ navya̍se
adha̱ pra nū̱namupa̍ yaṃti dhī̱tayo̍ de̱vāḥ ṛhla na dhī̱taya̍ḥ

32.6

pra vo̱ mahe̱ mata̍yo yaṃtu viṣṇa̍ve ma̱rutva̍te girijjā hva̍yāmarū̱t
pra̱śadhāya pra yajya̍ve su̱khāda̍ye̱ tava̍se bhaṃda̍diṣṭaye̱ dhuni̍vratāya̱ śava̍se

32.7

a̱yā rucā hariyā punāno viśvā̱ dveṣāḥsi tarati̱ sayu̍gvabhi̱ḥ sūro̍
na sayu̍gvabhiḥ
dhārā̍ pṛ̱ṣṭhasya̍ rocate punā̱no a̍ru̱ṣo hari̍ḥ
viśvā̱ yadbhūpā pari̱yāsyṛkva̍bhiḥ sa̱ptāsye̍bhi̱rṛkva̍bhiḥ

32.8

a̱bhi tyaṃ de̱vaḥ sa̍vi̱tāra̍mo̱ṇyoḥ ka̱vikra̍tumarcā̱mi sa̱tyasa̍va̱ḥ ratnadhāmbhi̍ pri̱yaṃ ma̱tim
ūrdhvā yasyāmatirbhā adidyutatsavīmani hiraṇyapāṇiramimīta sukratuḥ
kṛpā svaḥ

32.9

agniṃ2 hotāraṃ manye dāsvaṃtaṃ vasoḥ sūnuṃ2 sahaso jātavedasaṃ vipraṃ na
jātavedasam
ya ūrdhvayā svadharo devo devācyā kṛpā
ghṛtasya vibhrāṣṭimanu śukraśociṣa ājuhvānasya sarpiṣaḥ

32.10

tava tyannaryaṃ nṛto 'pa iṃdra prathamaṃ pūrvyaṃ divi pravācyaṃ kṛtam
yo devasya śavasā prāriṇā asu riṇannapaḥ
bhuvo viśvamabhyadevamojasā videdūrjaṃ śatakraturvidediṣam

32.3-2

daśati

32.1-2

uccā te jātamaṃdhaso divi sadbhūmyā dade | ugraṃ śarma mahi śravaḥ

32.2-3

svādiṣṭhayā madiṣṭhayā pavasva soma dhārayā | iṃdrāya pātave sutaḥ

32.3-3

vṛṣā pavasva dhārayā marutvate ca matsaraḥ | viśvā dadhāna ojasā

32.4-2

yaste mado vareṇyastenā pavasvāṃdhasā | devāvīraghaśaḥsahā

32.5-2

tisro vāca udīrate gāvo mimaṃti dhenavaḥ | harireti kanikradat

32.6-2

iṃdrāyeṃdo marutvate pavasva madhumattamaḥ | arkasya yonimāsadam

32.7-2

asāvyaḥśurmadāyapsu dakṣo giriṣṭhāḥ | śyeno na yonimāsadat

32.8-2

pava̍sva̱ dakṣa̍sādhano de̱vebhya̍: pī̱taye̱ harè | ma̱rudbhyo̍ vā̱yave̱ mada̍:

32.9-2

pari̍ svā̱no gi̍ri̱ṣṭhā: pa̱vitre̍ somo a̱kṣara̍t | made̍ṣu sarva̱dhā a̍si

32.10-2

pari̍ pri̱yā di̱va: ka̱virvayā̍m̐si naptyorhita̍: | svā̱nairyā̍ti ka̱vikratu̍:

32.4-3

daśati

32.1-3

pra somā̍so mada̱cyuta̍: śravase no magho̱nām | su̱tā vi̱dathe̍ akramuḥ

32.2-4

pra somā̍so vipa̱ścito̱'po naya̍ṃta ū̱rmaya̍: | vanā̍ni mahi̱ṣā i̍va

32.3-4

pava̍sve̍do vṛṣā su̱ta: kṛ̱dhī no̍ yaśa̱so ja̍ne | viśvā̱ apa̱ dviṣo̍ jahi

32.4-4

vṛṣā̍ hyasi bhānunā dyu̱maṃta̍ṃ tvā havāmahe | pava̍māna svardṛśa̍m

32.5-3

iṃḍu̍: pa̱viṣṭa̱ cetana̍: priya̍: ka̱vīnāṃ mati̍: | sṛ̱jadaśva̍m̐ ra̱thīri̍va

32.6-3

a̱sṛ̍kṣata pra vā̱jino̱ gavyā̱ somā̍so a̱śvayā̍ | śu̱krāso̍ vī̱rayā̍śavaḥ

32.7-3

pava̍sva deva̱ āyu̍ṣa̱giṃdra̍ṃ gacchatu te̱ mada̍: | vā̱yumā ro̍ha̱ dharma̍ṇā

32.8-3

pava̍māno a̱jīja̍naddi̱vaści̱traṃ na tanya̱tum | jyoti̍rvaiśvāna̱raṃ bṛ̱hat

32.9-3

pari̍ svā̱nāsa̱ iṃda̍vo madā̍ya ba̱rhaṇā̍ gi̱rā | madho̍ arṣaṃti dhā̱rayā̍

32.10-3

pari̍ prā̱siṣya̍datka̱vi: siṃdho̍rū̱rmāvadhi̍ śri̱taḥ | kāru̍ṃ bibhratpu̍ruspṛ̱ham

32.5-4

daśati

Linked texts (10)