Arshika 33
Ārṣika 33
- Language
- Sanskrit
33.1
iti pañcamaḥ prapāṭhakaḥ samāptaḥ
upo̍ ṣu jā̱tama̱tura̱ṃ gobhi̱rbhaṃga̍ṃ pari̱ṣkṛtam̍ | iṃdu̍ṃ de̱vā a̍yāsiṣuḥ
33.2
pu̱nā̱no a̍kramīda̱bhi viśvā̱ mṛdho̍ vicarṣa̱ṇiḥ | śuṃbha̍ṃti̱ vipra̍ṃ dhī̱tibhi̍ḥ
33.3
ā̱viśa̍nkala̱śaḥ su̱to viśvā̱ arṣa̍nna̱bhi śriya̍ḥ | iṃdu̱riṃdrā̍ya dhīyate
33.4
a̱sa̱rji ra̱thyo yathā̍ pa̱vitre̍ ca̱mvo̍ḥ su̱taḥ | kā̱rṣmanvā̱jī nya̍kramīt
33.5
pra yadgāvo̱ na bhūrṇa̍yastve̱ṣā ayā̍so̱ akra̍muḥ | ghnaṃta̍ḥ kṛ̱ṣṇāmapa̱ tvacam̍
33.6
a̱pa̱ghnanpa̍vase̱ mṛdha̍ḥ kratu̱vitsoma matsa̱raḥ | nu̱dasvā̍de̱vayu̍ṃ ja̱nam
33.7
a̱yā pa̍vasva dhā̱rayā̱ yayā̱ sūrya̍ma̱roca̍yaḥ | hinvā̱no mānu̍ṣī̱rapa̍ḥ
33.8
sa pa̍vasva̱ ya ā̱vithedra̍ṃ vṛ̱trāya̱ haṃta̍ve | va̱vvi̱vāṃsa̍ṃ ma̱hīra̱paḥ
33.9
a̱yā vī̱tī pari̍ srava̱ yasta̱ iṃdo̱ made̱ṣvā | avā̍hannavatī̱rnava̍
33.10
pa̱ri̱ dyu̱kṣaḥ sa̍na̱drayi̱ṃ bhara̍dvājaṃ no̱ aṃdha̍sā | svā̱no arṣa̍ pa̱vitra̱ ā
Linked texts (5)
- Sāmavedīmantra — Sanskrit
- Pūrvārcika — Sanskrit
- Chandasikā — Sanskrit
- Sāmavedasaṃhitā (ed. Theodor Benfey) — Sanskrit
- Āgneyagāna — Sanskrit