Arshika 34

Ārṣika 34

a̍ci̱krada̱dvṛṣā̱ hari̍rma̱hānmi̱tro na darśa̍taḥ | sa̱ṃsūrye̍ṇa didyute

ā te̱ dakṣa̍ṃ mayo̱bhuva̱ṃ vahnima̱dyā vṛ̍ṇīmahe | pāṃta̱mā pu̍ru̱spṛham̍

a̱dhva̱ryo adri̍bhiḥ su̱taḥ soma̍ṃ pa̱vitra̱ ā na̍ya | pu̱nā̱hīṃdrā̍ya pātave

tara̍tsa̱ maṃdī̍ dhāvati̱ dhārā̍ su̱tasyāṃdha̍saḥ | tara̍tsa̱ maṃdī̍ dhāvati

ā pa̍vasva saha̱sriṇa̍ṃ ra̱yiṃ soma su̱vīryam̍ | a̱sme śravā̍ṃsi dhā̱raya̍

anu̍ pra̱tnāsa̱ āya̍vaḥ pa̱daṃ navī̍yo akramuḥ | ruce̍ ja̱naṃta̱ sūrya̍m

a̱rṣā soma̍ dyu̱matta̍mo̱'bhi droṇā̍ni ro̱ruva̍t | sīda̱nyonau̍ vane̱ṣvā

vṛṣā̍ soma dyu̱mām̐2 a̍si̱ vṛṣā̍ deva vṛṣavrataḥ | vṛṣā̱ dharmā̍ṇi dadhiṣe

i̱ṣe pa̍vasva dhāra̍yā ma̱jyamā̍no manī̱ṣibhi̍: | iṃdo̱ rucā̱bhi gā i̍hi

ma̱ṃdrayā̍ soma dhāra̍yā̱ vṛṣā̍ pavasva deva̱yuḥ | a̱vyā vāre̍bhira̱smayu̍:

a̱yā soma̍ su̱kṛtya̍yā ma̱hāṃtsanna̱bhyava̍rdhathāḥ | maṃdā̍na idvṛṣāyase

a̱yaṃ vi̍carṣaṇi̱rhita̍ḥ pava̍mānaḥ sa cetati | hinvhāna̱ āpya̍ṃ bṛ̱hat

pra na̱ iṃdo̍ ma̱he tu na ū̱rmiṃ na bibhra̍darṣasi | a̱bhi de̱vām̐2 a̍yā̱sya̍ḥ

a̱pa̱ghnanpa̍vate̱ mṛdho̱'pa somo̍ arā̱vṇa̍ḥ | gaccha̱nniṃdra̍sya niṣkṛ̱tam

Linked texts (6)