Arshika 35

Ārṣika 35

daśati

punā̱naḥ soma̍ dhāra̍yā̱po vasā̍no arṣasi
ā ratna̍dhā̱ yoni̍mṛ̱tasya̍ sīda̱syutso̍ de̱vo hira̍ṇyayaḥ

parī̍to ṣiṃcatā su̱ta̍ḥ somo̱ ya utta̱ma̍ḥ ha̱viḥ
dadha̱nvām̐2 yo naryo̍ a̱psvāṃ3ta̱rā su̱ṣāva̱ soma̱madri̍bhiḥ

ā soma̍ svā̱no adri̍bhi̱stiro vārā̍ṇyavyayā
jano̱ na puri̍ ca̱mvo̱rviśa̱ddhari̍: sado̱ vane̍ṣu dadhiṣe

pra soma̍ de̱vavī̍taye̱ siṃdhu̱rna pipye arṇa̍sā
a̱ṃśoḥ paya̍sā madi̱ro na jāgṛ̍vi̱racchā̱ kośa̍ṃ madhu̱ścuta̍m

soma̍ u̱ ṣāṇa̱ḥ sotṛ̍bhi̱radhi̍ ṣṇubhi̱ravī̍nām
aśvye̍va hari̍tā yāti dhārā̍yā ma̱ṃdrayā̍ yāti̱ dhārā̍yā

tavāhaṃ soma̍ rā̱raṇa sa̱khya i̍ṃdo di̱vedi̍ve
purū̍ṇi babhro̱ ni cara̍ṃti māmava̱ pari̍dhīm̱̐rati̱ tām̐ i̍hi

mṛ̱jyamā̍naḥ su̱hastyā̍ samu̱dre vāca̍ṃminvasi
ra̱yiṃ pi̱śaṃga̍ṃ bahulaṃ pu̍ru̱spṛha̍ṃ pavamānā̱bhya̍rṣasi

a̱bhi somā̍sa āyava̱ḥ pava̍ṃte madya̱ṃ mada̍m
samu̱drasyādhi̍ vi̱ṣṭape̍ manī̱ṣiṇo̱ matsa̍rāso mada̱cyuta̍ḥ

pu̱nānaḥ soma jāgṛ̍vi̱ravyā̱ vāre̍: pari̍ pra̱yaḥ
tvaṃ vipro̍ abhavo̱'ṃgi̍rastama̱ madhvā̍ ya̱jñaṃ mi̍mikṣa ṇaḥ

iṃdrā̍ya pavate̱ mada̱ḥ somo̍ ma̱rutva̍te su̱taḥ
sa̱hasra̍dhāro̱ atyavya̍marṣati̱ tamī̍ mṛjaṃtyāyavaḥ

pava̍sva vāja̱sāta̍mo̱'bhi viśvā̍ni vā̱ryā̍
tvam̐ sa̍mu̱draḥ pra̍tha̱me vidha̍rma̱n de̱vebhya̱ḥ soma matsa̍raḥ

pava̍mānā asṛkṣata pa̱vitra̱mati̱ dhāra̍yā
ma̱rutva̍ṃto matsa̱rā iṃdri̍yā ha̱yā medhāma̱bhi prayām̐̍si ca

daśati

pra tu̱ dra̍va̱ pari̱ kośa̱ṃ ni ṣī̍da̱ nṛbhi̍: punā̱no a̱bhi vāja̍marṣa
aśva̍ṃ na tvā vā̱jina̍ṃ ma̱rjaya̍ṃto̱'cchā ba̱rhī ra̍śa̱nābhi̍rnayaṃti

pra kā̱vyamu̱śane̍va bruvā̱ṇo de̱vo de̱vānā̱ṃ jani̍mā vivakti
ma̱hi̱vra̱taḥ śuci̍baṃdhuḥ pāva̱kaḥ padā varā̍ho a̱bhye̍ti̱ rebha̍n

ti̱sro vāca̍ īrayati̱ pra vahni̍rṛ̱tasya̍ dhī̱tiṃ brahma̍ṇo manī̱ṣām
gāvo̍ yaṃti gopa̍tiṃ pṛ̱cchamā̍nā̱ḥ soma̍ṃ yaṃti ma̱tayo̍ vāvaśā̱nāḥ

a̱sya preṣā̍ he̱manā̍ pū̱yamā̍no de̱vo de̱vebhi̍: samapṛkta̱ rasa̍m
su̱taḥ pa̱vitra̱ṃ paryye̍ti̱ rebha̱nmite̍va sa̱dma pa̱śuma̍ṃti̱ hotā̍

soma̍: pavate̱ jani̍tā matī̱nāṃ jani̍tā di̱vo jani̍tā pṛ̍thi̱vyāḥ
ja̍ni̱tāgnerjani̍tā sūrya̍sya jani̱teṃdra̍sya jani̱tota viṣṇo̍:

a̱bhi tri̱pṛ̱ṣṭhaṃ vṛṣa̍ṇaṃ vayo̱dhāma̱ṅgoṣi̍ṇamavāvaśaṃta̱ vāṇī̍:
vanā̱ vasā̍no varu̍ṇo̱ na siṃdhurvi ratna̍dhā dayate̱ vāryā̍ṇi

akrā̍tsamu̱draḥ pra̍tha̱me vi̍dharma̍ janaya̍npra̱jā bhuvana̍sya go̱pāḥ
vṛṣā̍ pa̱vitre̱ adhi̱ sāno̱ avye̍ bṛ̱hatsomo̍ vāvṛdhe svā̱no adri̍:

kani̍krada̱ddhari̍rā sṛjyamā̍naḥ sīda̱nvana̍sya jaṭhare̍ punā̱naḥ
nṛbhi̍rya̱taḥ kṛ̍ṇute̱ nirṇija̱ṃ gāmato̍ ma̱tiṃ ja̍nayata sva̱dhābhi̍:

Linked texts (7)