Arshika 36

Ārṣika 36

e̱ṣa sya te̱ madhu̍māgm̐ i̍ndra̱ somo̱ vṛṣā̍ vṛṣṇa̱ḥ pari̍ pa̱vitre̍ akṣāḥ
sa̱hasra̍dāḥ śa̱tadā̱ bhūri̍dāvā śaśva̱ttama̍ṃ ba̱rhirā vā̱jya̍sthāt

pava̍sva̱ soma̍ ma̱dhumā̍²꣫ ṛ̱tāvā̱po vasā̍no̱ adhi̱ sāno̱ avye̍
ava̱ droṇā̍ni ghṛ̱tava̍nti roha̱ maṃdi̍tamo matsa̱ra iṃdra̍pānaḥ

daśati

pra senā̍nīḥ śūro̱ agre̱ rathā̍nā̱ṃ gavya̍nneti̱ harṣa̍te asya̱ senā̍
bha̱drāṅkṛ̱ṇvanniṃdra̍ha̱vā̍tsakhibhya̱ ā somo̱ vastrā̍ rabha̱sāni̍ datte

pra te̱ dhārā̱ madhu̍matīrasṛgra̱nvāra̱ṃ yatpū̱to atyeṣyavyam̍
pava̍māna pavase̱ dhāma̱ gonā̍ṃ jana̱yantsūrya̍mapinvo̱ arkaiḥ

pra gā̍yatābhyarcā̱ma de̱vāṃtsoma̍ḥ Hinotu ma̱hate̱ dhanā̍ya
svā̱duḥ pava̍tāmati̱ vāra̱mavya̱mā sī̍datu ka̱laśa̍ṃ de̱va iṃḍu̍ḥ

pra hi̍nvā̱no ja̍ni̱tā roda̍syo̱ ratho̱ na vāja̍²꣫ sani̱ṣanna̍yāsīt
iṃdra̍ṃ ga̱hrāyu̍dhā̱ saṃśi̍śāno̱ viśvā̱ vasu̱ hasta̍yorā̱dadhā̍naḥ

tanna̍dyadī̱ mana̍so̱ vena̍to̱ vāgjyeṣṭha̍sya̱ dharma̍ṇyu̱ttora̍nīke
ādīmāya̱nvara̍mā vāvaśā̱nā ju̱ṣṭaṃ pati̍ṃ ka̱laśe̱ gāva̱ iṃdum

sā̱kamu̍kṣo ma̱rmṛjya̍ṃta̱ svasā̍ro̱ daśa̱ dhīra̍sya dhī̱tayo̍ dhanu̱trīḥ
hari̱ḥ parya̍drava̱jjāḥ sūrya̍sya̱ droṇa̍ṃ nana̱kṣe atyo̱ na vā̱jī

adhi̱ yada̍sminvā̱jinī̍va śu̱bha spardha̍nte̱ dhiya̱ḥ sūre̱ na viśa̍ḥ
apo̍ vṛṇā̱naḥ pa̍vate kavī̱yāntkṣa̍tra̱ṃ na pa̱śuvardha̍nāya̱ manma̍

indu̍rvā̱jī pava̍te̱ gonyo̍ghā̱ indre̱ soma̍ : sa̱ha inva̱nmadā̍ya
hanti̱ rakṣo̱ bādha̍te̱ parya̍rā̱tiṃ vari̍vaskṛ̱ṇvanvṛ̱jana̍sya̱ rājā̍

a̱yā pa̍vā pa̱vasvainā̱ vasū̍ni̱ māśca̍tva̱ indo̱ sara̍si̱ pra dha̍nva
bra̱dhnaści̱dyasya̍ vā̱to na jū̱tiṃ pu̍rume̱dhāści̍ttakave̱ nara̍ṃ dhā̱t

mahattatsomo̍ mahi̱ṣaśca̍kārā̱pāṃ yadgarbho 'vṛ̍ṇīta de̱vān
ada̍dhādi̍ndre̱ pava̍māna̱ ojo̱ 'jana̍ya̱tsūrye̱ jyoti̱rindu̍:

a̱sarji̱ vakvā̱ rathye̱ yathā̱jau dhi̱yā ma̍no̱tā pra̍tha̱mā ma̍nī̱ṣā
daśa̍ svasā̍ro̱ adhi̱ sāno̱ avye̍ mṛ̱jaṃti̱ vahni̱ṃ sada̍neṣva̱ccha̍

a̱pāmi̱vormi̱ryasta̍rturā̱ṇaḥ pra manī̱ṣā ī̍rate̱ soma̍maccha
nama̱sya̍ntīrupa̍ ca̱ yaṃti̱ saṃ cā̍ca viśaṃtyu̱śatī̍ru̱śaṃta̍m

daśati

Linked texts (7)