Arshika 37
Ārṣika 37
- Language
- Sanskrit
37.1
ardhaprapāṭhakaḥ
puro̍ji̱tī vo̱ aṃdha̍saḥ su̱tāya̍ mādayi̱tnave̍
apa̍ śvāna̱॰ śthi̍ṣṭana̱ sakhā̍yo dī̱rghaji̍hvyam
37.2
a̱yaṃ pū̱ṣā ra̱yirbha̍ga̱ḥ soma̍ : punā̱no a̍rṣati
pati̱rviśva̍sya̱ bhūma̍no̱ vya̍khyadroda̍sī u̱bhe
37.3
su̱tāso̱ madhu̍mattamā̱ḥ somā̱ iṃdrā̍ya maṃdi̱naḥ
pa̱vi̱trava̍nto a̱kṣara̍ṃ de̱vānga̍cchaṃtu vo̱ madā̍:
37.4
'somāḥ pava̍ta iṃdavo'smabhya̍ṃ gātu̱vitta̍māḥ
mitrāḥ svānā arepasaḥ svādhyaḥ svarvida̍ḥ
37.5
a̱bhī no vā̱jasā̍tama̱m̐ ra̱yima̍rṣa śata̱spṛha̍m
iṃdo̍ sa̱hasra̍bharṇasaṃ tuvidyumnaṃ vibhāsa̱ham
37.6
a̱bhī nava̍ṃte a̱druha̍ḥ pri̱yamiṃdra̍sya̱ kāmya̍m
va̱tsaṃ na pūrva̍ āyu̱ni jā̱taḥ ri̍haṃti mā̱tara̍ḥ
37.7
ā harya̍tāya dhṛṣṇa̱ve dhanu̍ṣṭanvaṃti paum̐syam
śu̱krā vi ya̍ṃtyasu̱rāya̱ nirṇi̍je vi̱pāmagre̍ ma̱hīyuva̍ḥ
37.8
pari̱ tyam̐ harya̍ta̱ḥ hari̍ ba̱bhruṃ pu̱naṃti̱ vāre̍ṇa
yo de̱vānviśvā̍m̐ i̱tpari̱ made̍na sa̱ha gaccha̍ti
Linked texts (8)
- Kauthuma (Svādhyāya Maṇḍala edition, Pāraḍī) — Sanskrit
- Chandasikā — Sanskrit
- Sāmavedīmantra — Sanskrit
- Pūrvārcika — Sanskrit
- Chandasīsaṃhitā — Sanskrit
- Āgneyagāna — Sanskrit
- Geyagāna — Sanskrit
- Sāmavedapāda — Sanskrit