Arshika 38

Ārṣika 38

pra su̱nvānāyā̍ndha̍so marto̍ na vaṣṭa̱ tadvaca̍ḥ
apa̱ śvāna̍ma̱rādha̍sam̐ ha̱tā makha̍ṃ na bhṛgavaḥ

daśati

a̱bhi pri̱yāṇi̍ pavate cano̱hito̱ nāmāni̍ ya̱hvo adhi̱ yeṣu̱ vardha̍te
ā sūrya̍sya bṛ̱ha̱to bṛ̱hannadhi̱ ratha̍ṃ vi̱ṣvaṃca̍maruhadvicakṣa̱ṇaḥ

a̱coda̍so no dhanva̱ṃtviṃda̍va̱ḥ pra svā̱nāso̍ bṛ̱hadde̱veṣu̍ ha̱raya̍ḥ
vi ci̱daśna̍nā i̱ṣayo̱ arā̍tayo̱'ryo na̍ḥ saṃtu̱ sani̍ṣaṃtu no̱ dhiya̍ḥ

eṣa pra kośe madhumām̐ acikradadiṃdrasya vajro vapuṣo vapuṣṭamaḥ
abhyūmṛtasya sudughā ghṛtaścuto vāśrā arṣati payasā ca dhenavaḥ

pro ayāsīdiṃduriṃdrasya niṣkṛtam̐ sakhā sakhyurna pra mināti saṃgiram
marya iva yuvatibhiḥ samarṣati somaḥ kalaśe śatayāmanā pathā

dhartā divaḥ pavate kṛtvyo raso datto devānāman‌umādyo nṛbhiḥ
hariḥ sṛjāno atyo na satvabhirvṛthā pājāṃsi kṛṇuṣe nadīṣvā

vṛṣā matīnāṃ pavate vicakṣaṇaḥ somo ahvāṃ pratarītoṣasāṃ divaḥ
prāṇā siṃdhūnāṃ kalaśām̐ acikradadiṃdrasya hārdyāviśanmanīṣibhiḥ

trirasmai sapta dhenavo duduhire satyāmāśiraṃ parame vyomani
catvāryanyā bhuvanāni nirṇije cārūṇi cakre yadṛtairavardhata

iṃdrāya soma suṣutaḥ pari sravāpāmīvā bhavatu rakṣasā saha
mā te rasasya matsata dvayāvino draviṇasvaṃta iha saṃvidevaḥ

asāvi somo aruṣo vṛṣā harī rājeva dasmo abhi gā acikradat
punāno vāramatyeṣyavyayam̐ śyeno na yoniṃ ghṛtavaṃtamāsadat

pra devamaṃchā madhumaṃta iṃdavo ' siṣyadaṃta gāva ā na dhenavaḥ
barhiṣado vacanāvaṃta ūdhabhiḥ parisrutamusriyā nirṇijaṃ dhire

aṃjate vyaṃjate samaṃjate kratum̐ rihaṃti madhvābhyaṃjate
siṃdhorucchvāse patayaṃtamukṣaṇam̐ hiraṇyapāvāḥ paśumapsu gṛbhṇate

pa̱vitra̍ṃ te̱ vita̍ta̱ṃ brahma̍ṇaspate pra̱bhurgātrā̍ṇi̱ parye̍ṣi vi̱śvata̍:
a̱ta̱ptata̍nū̱rna tadā̱mo a̍śnute śṛ̱tāsa̱ idvaha̍nta̱: saṃ tadā̍śata

Linked texts (7)