Arshika 39
Ārṣika 39
- Language
- Sanskrit
Contents
- 39.4-3 — 2 parts
39.2
daśati
39.1
iṃdra̍maccha su̱tā i̱me vṛṣa̍ṇaṃ yaṃtu ha̱raya̍:
śru̱ṣṭe jātāsa̱ iṃda̍va̱: sva̱rvida̍:
39.2-2
pra dhanvā soma jāgṛ̍vi̱riṃdrā̍yeṃdo̱ pari̍ srava
dyu̱maṃta̍ṃ śu̱ṣmamā bha̍ra sva̱rvida̍m
39.3
sakhā̍ya̱ ā ni ṣī̍data punā̱nāya̱ pra gā̍yata
śi̱śuṃ na ya̱jñai: pari̍ bhūṣata śri̱ye
39.4
taṃ va̍: sakhā̍yo̱ madā̍ya punānama̱bhi gā̍yata
śi̱śuṃ na ha̱vyai: sva̍daya̍ṃta gū̱rtibhi̍:
39.5
prāṇā śi̱śurma̍hī̱nām̐ hinva̱nnṛ̱tasya̍ dī̱dhiti̍m
viśvā̱ pari̍ pri̱yā bhu̍va̱dadha̱ dvitā
39.6
pava̍sva deva̱vīta̍ya̱ iṃdo̱ dhārā̍bhiroja̍sā
ā kala̍śaṃ madhu̱māṃtsoma̍ na̱ḥ sada̍:
39.7
soma̍: punā̱na ū̱rmiṇāvya̱ṃ vāra̱ṃ vi dhā̍vati
agre̍ vā̱caḥ pa̍vamā̱naḥ kani̍kradat
39.8
pra pu̍nā̱nāya̍ ve̱dhase̱ somā̍ya̱ vaca̍ ucyate
bhṛti̱ṃ na bharā ma̱tibhi̍rjujo̱ṣate̍
39.9
goma̍nna̱ iṃdo̱ aśva̍vatsa̱taḥ su̱dakṣa̱ dhani̍va
śuci̍ṃ ca̱ varṇa̍madhi̱ goṣu̍ dhāraya
39.10
a̱smabhya̍ṃ tvā vasu̱vida̱mabhi vāṇī̍ra̱nūṣata̍
gobhi̍ṣṭe̱ varṇa̍mabhi vāsayāmasi
39.11
pava̍te ha̱ryato̱ hari̱rati̱ hvarā̍ṃsi ra̱ṃhyā
a̱bhya̍rṣa sto̱tṛbhyo̍ vī̱rava̱dyaśa̍ḥ
39.12
pari̱ kośa̍ṃ madhu̱ścuta̱ḥ soma̍ḥ punā̱no a̍rṣati
a̱bhi vāṇī̍ṛ̱ṣīṇā̍ṃ sa̱pta nū̍ṣata
39.3-2
daśati
39.1-2
pava̍sva̱ madhu̍mattama̱ iṃdrāya soma kratu̱vitta̍mo mada̍ḥ
mahi̍ dyu̱kṣatta̍mo mada̍ḥ
39.2-3
a̱bhi dyu̱mnaṃ bṛ̱hadyaśa̱ iṣa̍spate didī̱hi de̍va deva̱yum
vi kośa̍ṃ madhya̱maṃ yu̍va
39.6-2
ā sotā̱ pari̍ ṣiṃcatāśva̱ṃ na stoma̍ma̱tura̍ṃ raja̱stura̍m
vana̱prakṣa̍muda̱pruta̍m
39.4-2
etamū tyaṃ madacyutaṃ sahasradhāraṃ vṛṣabhaṃ divo'hram
viśvā vasūni bibhratam
39.5-2
sa sunve yo vasūnāṃ yo rāyāmānetā ya iḍānām
somo yaḥ sumniṭīnām
39.6-3
tvaṃ hyaṅga daivvaṃ pavamāna janimāni dyumattamaḥ
amṛtatvāya ghoṣayan
39.7-2
eṣa sya dhārayā suto 'vyā vārebhiḥ pavate madiṃtamaḥ
krīḍannūrmirapāmiva
39.8-2
ya usriyā api yā aṃtaraśmani nirgā akṛṃtadojasā
abhi vrajaṃ tanviṣe gavyamaśvyaṃ varmīva dhṛṣṇavā ruja
o3m varmīva dhṛṣṇavā ruja
39.4-3
daśati
39.4-3.p1
iti ṣaṣṭhaḥ prapāṭhakaḥ samāptaḥ
39.4-3.p2
iti pūrvārcikaḥ samāptam || atha sāmavedottarārcike prathamaḥ prapāṭhakaḥ
Linked texts (7)
- Kauthuma (Svādhyāya Maṇḍala edition, Pāraḍī) — Sanskrit
- Sāmavedīmantra — Sanskrit
- Chandasikā — Sanskrit
- Āgneyagāna — Sanskrit
- Pūrvārcika — Sanskrit
- Chandasīsaṃhitā — Sanskrit
- Geyagāna — Sanskrit