Arshika 40
Ārṣika 40
- Language
- Sanskrit
40.1
om || namaḥ sāmavedāya || śrīgaṇeśāya namaḥ || om
upāsyai gāyatā naraḥ pavamānāyenda̍ve | abhi devām̐2 iyakṣate
40.2
a̱bhi te madhunā payo 'tharvāṇo aśiśrayuḥ | de̱vaṃ de̱vāya devayu
40.3
sa naḥ pa̍vasva śaṃ gave śaṃ janāya śamarva̍te | śaṃ2 rājannoṣadhībhyaḥ
40.1-2
1
da̍vidyutatyā rucā pariṣṭobha̍ntyā kṛpā | somāḥ śu̱krā gavāśiraḥ
40.2-2
hinvāno hetubhirhita ā vājaṃ vājyakramīta | sīdaṃto vanuṣo yathā
40.3-2
ṛdhaksoma svastaye saṃjagmāno divā kave| pa̍vasva sū̱ryo dṛśe
40.1-3
2
pavamānasya te kave vāji̍ntsargā asṛkṣata | arvaṃto na śrava̱sya̍vaḥ
40.2-3
acchā kośaṃ madhuścutamasṛgraṃ vāre avyaye | avāvaśaṃta dhīttayaḥ
40.3-3
acchā samudramiṃdavo 'staṃ gāvo na dhenavaḥ | a̱gmannṛtasya yonimā
40.1-4
3
agna ā yāhi vītaye gṛṇāno havyadātaye | ni hotā satsi barhiṣi̍i
40.2-4
taṃ tvā samidbhiraṃgiro ghṛtena vardhayāmasi | bṛha̱cchocā yaviṣṭhya
40.3-4
sa naḥ pṛthu śravāyyamacchā deva vivāsasi | bṛhadagne suvīryam
40.1-5
4
ā no mitrāvaruṇā ghṛtairgavyū̍timukṣatam | madhvā rajāṃsi sukratū
40.2-5
uruśaṃsā namovṛdhā maddhā dakṣasya rājathaḥ | dvāghiṣṭhābhiḥ śucivratā
40.3-5
gṛṇānā jamadagninā yonāvṛtasya sīdatam | pātagṃ somamṛtāvṛdhā