Arshika 49
Ārṣika 49
- Language
- Sanskrit
Contents
- 49.3-6 — 2 parts
49.1
svādi̍ṣṭhayā̱ madi̍ṣṭhayā̱ pava̍sva soma̱ dhāra̍yā | iṃdrā̍ya̱ pāta̍ve su̱taḥ
49.2
rakṣo̱hā vi̱śvaca̍rṣaṇi̱rabhi yoni̱mayò̍hate | dròṇe̍ sa̱dhastha̍māsadat
49.3
va̱ri̱vo̱dhāta̍mo bhuvo̱ ma²꣯hiṣṭho vṛtra̱haṃta̍maḥ | parṣi̱ rādho̍ ma̱ghonā̍m
49.1-2
15
pava̍sva̱ madhu̍mattama̱ iṃdrā̍ya̱ soma̱ kratu̍vittamo̱ mada̍: | ma̱hi dyu̱kṣatta̍mo̱ mada̍:
49.2-2
yasya̍ te pī̱tvā vṛ̍ṣa̱bho vṛ̍ṣāya̱te'sya̍ pī̱tvā sva̍rvi̱da̍ḥ
sa su̱prake̱to a̱bhya̍kramī̱diṣo̱'ṅgā vāja̍ṃ nai̱taśa̍:
49.1-3
16
iṃdra̍maccha su̱tā i̱me vṛṣa̍ṇaṃ yaṃtu̱ hara̍yaḥ
śru̱ṣṭe jātā̍sa̱ iṃda̍vaḥ sva̱rvida̍:
49.2-3
a̱yaṃ bharā̍ya sā̱nasi̱riṃdrā̍ya pavate su̱taḥ
somo̍ jai̱trasya̍ cetati̱ yathā̍ vi̱de
49.3-2
a̱syediṃdro̱ made̱ṣvā grābha̍ṃ gṛbhṇāti sā̱nasi̍m
vajra̍ṃ ca vṛṣa̱ṇaṃ bhara̍tsa̱mapsu̱jit
49.1-4
17
pu̱ro̱jitī̍ vo̱ aṃdha̍saḥ su̱tāya̍ mādayi̱tnave̍
apa̍ śvā̱nà ślathiṣṭana̱ sakhā̍yo dī̱rghaji̍hvyam
49.2-4
yo dhā̱rayā̍ pāvaka̱yā pari̱prasyaṃda̍te su̱taḥ | iṃdu̱raśvo̍ na kṛ̱tvya̍:
49.3-3
taṃ du̍ro̱ṣama̱bhī nara̍:̱ soma̍ṃ vi̱śvācyā̍ dhi̱yā | ya̱jñāya̍ sa̱ṃvada̍yaḥ
49.1-5
18
a̱bhi priyāṇi̍ pavate cano̱hito̱ nāmāni̍ ya̱hvo adhi̱ yeṣu̱ vardha̍te
ā sūrya̍sya bṛ̱hato̍ bṛ̱hannadhi̱ ratha̍ṃ vi̱ṣvaṃca̍maruhadvicakṣaṇaḥ
49.2-5
ṛ̱tasya̍ ji̱hvā pa̍vate̱ madhu̍ pri̱yaṃ vaktā̱ pati̍rdhiyo a̱syā ada̍bhyaḥ
dadhā̍ti pu̱traḥ pitro̍ra̱pīcya̍3̱nnāma̍ tṛ̱tīya̱madhi̍ roca̱ne di̱vaḥ
49.3-4
ava̍ dyu̱tānaḥ kalaśām̐2 acikradannṛbhi̍rmṛjyamā̱ṇaḥ kośe̍ ā hiraṇyaye̍
a̱bhī ṛ̱tasya̍ doha̍nā anūṣatādhi̍ tri̱pṛ̱ṣṭha u̱ṣaso̱ vi rā̍jasi
49.1-6
19
ya̱jñāya̍jñā vo agna̍ye gi̱rāgi̍rā ca̱ dada̍se
prapra̍ va̱yama̱mṛta̍ṃ jātavedasaṃ pri̱yaṃ mi̱traṃ na śa̍ṃsiṣam
49.2-6
ū̱rjo napā̍ta̱ḥ sa hi̱nāya̍ma̱smayu̱rdāśe̍ma ha̱vyadāta̍ye
bhuva̱dvāje̍ṣvavi̱tā bhuva̱dvṛdha̍ uta trā̱tā ta̱nūnām
49.1-7
20
e̱vvo̍ ṣu bravāṇi te'gna i̱ttherā̱ gira̍ḥ | e̱bhirva̍rdhāsa̱ iṃdu̍bhiḥ
49.2-7
yatra̍ kvā ca te̱ mano̱ dakṣa̱ṃ dadha̍sa̱ uttara̍m | tatra̍ yo̱niṃ kṛ̍ṇavase
49.3-5
na hi te̍ pū̱rttamakṣi̍pa̱dbhuva̱nnemā̍nāṃ pate | athā̍ ḍuvo vanavase
49.1-8
21
a̱yamu̍ tvāma̱pūrvya̱ sthūra̍ṃ na ka̱ccidṛ̍ra̱to'va̍syavaḥ| va̱jriṃ citra̍ṃ havāmahe
49.2-8
upa̍ tvā karma̱nnūta̍ye̱ sa no̍ yu̱vogra̱ścakrāma̱ yo dhṛ̱ṣat
tvāmiddhvi̱tāra̍ṃ vavṛmahe̱ sakhā̍ya̱ iṃdra̍ sāna̱sim
49.1-9
22
adhā̱ hīṃdra̍ girvaṇa̱ upa̍ tvā̱ kāma̍ īmahe̱ sasṛ̍gmahe
u̱deva̍ gmaṃta u̱dabhi̍ḥ
49.2-9
vā̱rṇā vā̱yvyā̍bhirvardhaṃti śūra̱ brahmā̍ṇi
vā̱vṛdhā̱āṃsa̍ṃ cidadrivo di̱vedi̍ve
49.3-6
yu̱jaṃti̱ harī̍ iṣi̱rasya̍ gā̱thayo̱rau ratha̍ uruyuge vacoyujā
iṃdrāvāho sva̱rvidā̍
49.3-6.p1
53
49.3-6.p2
iti ardhaprapāṭhakaḥ
Linked texts (9)
- Kauthuma (Svādhyāya Maṇḍala edition, Pāraḍī) — Sanskrit
- Chandasīsaṃhitā — Sanskrit
- Sāmavedīmantra — Sanskrit
- Āgneyagāna — Sanskrit
- Uttaraṛc — Sanskrit
- Uttarārcika — Sanskrit
- Pūrvottarārcika — Sanskrit
- Uttarārcic — Sanskrit
- Sāmavedapāda — Sanskrit