Arshika 5

Ārṣika 5

daśati

ā juhotā ha̱viṣā̱ martya̍ṃdha̱ṃ ni hotā̍raṃ gṛ̱hapa̍tiṃ dadhidham
iḍa̍spa̱de nama̍sā rāta̱havya̍ḥ saparya̍tā yaja̱taṃ pastyā̍nām

ci̱tra i̱kśiśo̱stara̍ṇasya va̱kṣatho̱ na yo mā̱tarāvanve̍ti̱ dhāta̍ve
anū̍dhā̱ yadajī̍janada̱dhā ci̱dā va̍va̱kṣatsa̱dyo ma̱hi dū̱tyāṃ1̱̍ cara̍n

i̱daṃ ta̱ eka̍ṃ pa̱ra ū̱ ta eka̍ṃ tṛ̱tīye̍na̱ jyoti̍ṣā̱ saṃ vi̍śasva
sa̱ṃve̱śa̱nasta̱nve̍3̱ścāru̍redhi pi̱yo de̱vānā̍ṃ pa̱ra̱me ja̱nitre̍

i̱mam̐ stoma̍ma̱rhate̍ jāta̱veda̍se̱ rathamiva̱ saṃ ma̍hemā manī̱ṣayā̍
bha̱drā hi na̍ḥ prama̱tira̍sya sa̱ṃsadyagne̍ sa̱khye mā ri̍ṣāma va̱yaṃ tava̍

mūrdhā̍naṃ di̱vo a̍ra̱tiṃ pṛ̍thi̱vyā vaiᳵśvāna̱ramṛ̱ta ā jā̱tama̱gnim
ka̱vim̐ sa̱mrāja̱mati̍thi̱ṃ janā̍nāmā̱sanna̱: pātra̍ṃ janayaṃta de̱vāḥ

vi tvadāpo̍ na parva̍tasya pṛ̱ṣṭhādu̱kthebhi̍ragne janayaṃta de̱vāḥ
taṃ tvā̱ gira̍ḥ suṣṭu̱tīrvā̍jayaṃtyā̱jiṃ na girvavāhaso jigyu̱raśvā̍ḥ

ā vo̱ rājā̍namadhva̱rasya̍ ru̱dram̐ hotā̍ram̐ satya̱yaja̍ṃ roda̍syoḥ
a̱gniṃ pu̱rā ta̍nayi̱tnora̱cittāᳵddhira̍ṇyarūpamava̍se kṛṇudhvam

i̍ṃdhe̱ rājā̱ sama̱ryo namo̍bhi̱ryasya̱ pratī̍ka̱māhu̍taṃ ghṛ̱tena̍
naro̍ ha̱vyebhi̍rīḍate sabādha̱ āgni̱raya̍mu̱ṣasā̱maśo̍ci

pra ke̱tunā̍ bṛ̱hatā yā̍tya̱gnirārā roda̍sī vṛṣa̱bho ro̍ravīti
di̱vaści̱daṃtā̱ḍupa̍māmudāna̱ḍapāmu̱pasthe̍ mahi̱ṣo va̍vardha

a̱gniṃ naro̱ dīdhi̍tibhirara̱ṇyorhasta̍cyutaṃ janayata praśa̱stam̍
dū̱re̱dṛśa̍ṃ gṛ̱hapa̍timatha̱vyum

Linked texts (6)