Arshika 50

Ārṣika 50

pā̱ṃtamā vo̱ aṃdha̍sa̱ iṃd̍rama̱bhi pra gā̍yata
vi̱śvā̱sāha̍ṃ śatakratuṃ ma̱ṃhiṣṭha̍ṃ carṣaṇī̱nām

pu̱ru̱hūtaṃ pu̍ruṣṭu̱taṃ gā̱thānya̍ṃ3̱ sana̍śrutam | iṃdra̱ iti̍ bravītana

iṃdra̱ inno ma̱honāṃ dātā̍ vājā̍nāṃ nṛ̱tuḥ | ma̱hām̐2abhiṣṭvā yamat

1
pra va̱ iṃdrā̍ya māda̱naṃ harya̍śvāya gāyata | sakhāyaḥ soma̱pāvne̍

śaṃse̍du̱kthaṃ su̱dāna̍va u̱ta dyu̱kṣaṃ yathā̱ nara̍ḥ | ca̱kṛmā sa̱tyarādhase

tvaṃ na̍ iṃdra vāja̱yustvaṃ gavyu̍ḥ śatakrato | tvaṃ hira̍ṇya̱yurvaso̍

2
vaya̍mu tvā tadida̱rthā iṃdra̍ vā̱yaṃta̍ḥ sakhāyaḥ | kaṇvā̍ u̱kthebhi̍rjaraṃte

na ghema̍nya̱dā pa̍pana̱ vajrinnapa̍so̱ navi̍ṣṭau | tavedu̱ stoma̍ściketa

iccha̍ṃti de̱vāḥ su̱nvaṃta̍ṃ na svapnā̍ya spṛhayaṃti | yaṃti̍ pramā̱dama̍taṃdrāḥ

3
iṃdrā̍ya̱ maddha̍ne su̱taṃ pari̍ ṣṭobhaṃtu no̱ gira̍ḥ | a̱rkamarca̍tu kā̱rava̍ḥ

yasmi̱nviśvā̱ adhi̱ śriyo̱ raṇa̍ṃti sa̱pta sa̱ṃsada̍ḥ | iṃdra̍ṃ su̱te ha̍vāmahe

tri̱ka̱dru̱keṣu̍ ceta̱naṃ de̱vāso̍ ya̱jñama̍nvata | tamidva̍rdhaṃtu no̱ gira̍ḥ

4
a̱yaṃ ta̍ iṃdra̱ somo̍ ni̱pūto̱ adhi̍ ba̱rhiṣi̍ | ehī̍masya dra̱vā pi̍ba

śā̱cigo̍ śā̱cipu̍janāyam̐ raṇāya̍ te su̱taḥ | ākhaṃḍala̱ pra hū̍yase

yaste̱ śa‍ṛṅgavṛṣo̱ napā̱tpraṇapā̱tkuṇḍa̍pāyya̍ḥ | nya1̍smiṃ dadhra̱ ā mana̍ḥ || 3

Linked texts (5)