Pramāṇa · Search · About · API

Arshika 56

Ārṣika 56

Language
Sanskrit

56.1

iṃdra̍ su̱teṣu̱ some̍ṣu̱ kratu̍ṃ punīṣa u̱kthya̍m
vi̱de vṛ̱dhasya̱ dakṣa̍sya ma̱hnā hi ṣaḥ

56.2

sa pratha̱me vyoma̍ni de̱vānā̍ṃ sadane vṛdha̍ḥ
su̱pāra̍ḥ su̱śrava̍stamaḥ sama̱psu̱jit

56.3

tamu̍ hruve vājasātaya̱ iṃdra̍ṃ bharāya̱ śuṣmi̍ṇam
bhavā̍ naḥ su̱mne a̍ṃta̱maḥ sakhā̍ vṛ̱dhe

56.1-2

12
e̱nā vo a̱gniṃ nama̍so̱rjo napā̍ta̱mā hu̍ve
pri̱yaṃ ceti̍ṣṭhamara̱tiṃ sva̍dhva̱raṃ viśva̍sya dū̱tama̱mṛta̍m

56.2-2

sa yoja̍te aru̱ṣā viśva̍bhojasā̱ sa dudra̍va̱tsvāhu̍taḥ
su̱brahmā̍ ya̱jñaḥ su̱śamī̱ vasū̍nāṃ de̱vaṃ rādho̱ janā̍nām

56.1-3

13
pratyu̍ ada̱rśyyāya̱tyu 3 hu̍tī duhi̱tā di̱vaḥ
a̱po ma̱hī vṛ̍ṇute̱ cakṣu̍ṣā̱ tamo̱ jyoti̍ṣkṛṇoti sū̱narī̍

56.2-3

udu̱sriyā̍ḥ sṛjate̱ sūrya̱ḥ sacā̍ u̱dyannakṣa̍trama̱rciva̍t
tavedu̍ṣo vyu̍ṣi̱ sūrya̍sya ca̱ saṃ bha̱ktena̍ gamemahi

56.1-4

14
i̱mā u̍ vāṃ di̱viṣṭa̍ya u̱srā ha̍vaṃte aśvinā
a̱yaṃ vā̍ma̱hve ' va̍se śacīvasū vi̱śaṃvi̍śa̱ṃ hi gaccha̍thaḥ

56.2-4

yu̱vaṃ ci̱traṃ da̍dathu̱rbhoja̍naṃ narā̱ code̍thāṃ sūnṛ̍tāvate
arvāñcaḥ samanasā ni yacchataṃ pibataḥ somyaṃ madhu

56.1-5

15
asya pratnāmannu dyutaḥ śukraṃ duduhre adhrayaḥ | payaḥ sahasrasāmṛṣim

56.2-5

ayaṃ sūrya ivopadṛgayaṃḥ sarāṃsi dhāvati | sapta pravata ā divam

56.16

ayaṃ viśvāni tiṣṭhati punāno bhuvanopari| somo devo na sūryaḥ || 3

Linked texts (8)