Pramāṇa · Search · About · API

Arshika 6

Ārṣika 6

Language
Sanskrit

6.2

daśati

6.1

abo̍dhya̱gniḥ sa̱midhā̱ janā̍nā̱ṃ prati̍ dhe̱numi̍vāya̱tīmu̱ṣāsam̍
yahvā̍ iva̱ pra va̱yāmu̱jjihā̍nā̱ḥ pra bhā̱nava̍ḥ sasrate̱ nāka̱maccha̍

6.2-2

pra bhūrjaya̍ntaṃ ma̱hāṃ vi̍po̱dhoṃ mū̱raira̍mū̱raṃ purāṃ da̱rmāṇam̍
naya̍taṃ gī̱rbhirvanā̱ dhiya̍ṃ dhā hari̍śmaśru̱ṃ na vama̍ṇā dhana̱rcim

6.3

śu̱kraṃ te̍ a̱nyadya̱jata̍ṃ te a̱nyadviṣu̍rūpe̱ aha̍nī̱ dyauri̍vāsi
viśvā̱ hi mā̱yā ava̍si svadhāvanbha̱drā te̍ pūṣanni̱ha rā̱tira̍stu

6.4

i̱ḍāma̍gne puru̱daṃsa̍ṃ sa̱niṃ goḥ śaśva̍ttama̱ṃ hava̍mānāya sādha
syānna̍ḥ sū̱nustana̍yo vi̱jāvāgne̱ sā te̍ su̱mati̍rbhūtva̱sme

6.5

pra hotā̍ jā̱to ma̱hānnabho̍vi̱nnṛṣada̍nā sīdada̱pāṃ viva̍rte
dadhryo̍ dhā̱yi su̱te vayā̍si ya̱ntā vasū̍ni vi̱dhate̍ tanū̱pāḥ

6.6

pra sa̱mrāja̍masurasya pra̱śasta̍ṃ pu̱ṃsaḥ kṛ̍ṣṭī̱nāmanu̍mā̱dyasya̍
indra̍syeva̱ pra ta̍vasaskṛ̱tāni̱ vanda̍dvārā vaṃda̍mānā vivaṣṭu

6.7

ara̍ṇyo̱rnihi̍to jā̱tave̍dā̱ garbha̍ i̱vetsubhṛ̍to̱ garbhi̍ṇībhiḥ
di̱vedi̍va̱ īḍyo̍ jā̱gṛva̍dbhirha̱viṣma̍dbhirmanu̱ṣye̍bhi̱ragni̍ḥ

6.8

sanādagne̍ mṛ̱ṇasi̍ yātu̱dhānā̱n na tvā̱ rakṣā̍ṃsi pṛrtanā̱su ji̍gyuḥ
anu̍ daha saha̍mūrānkravyādo mā te̍ he̱tyā mu̍kṣata̱ daivyā̍yāḥ

6.3-2

daśati

6.1-2

agna̱ oji̍ṣṭhamā bha̍ra dyu̱mnama̱smabhya̍madhrigo
pra no̍ rā̱ye pa̍nīyase̱ ratna̍ vā̱jāya̱ paṃthā̍m

6.2-3

yadi̍ vī̱ro anu̍ ṣyāda̱gnimi̍ndhīta̱ martya̍ḥ
ānu̱ṣagde̱vyamā̍nu̱ṣakaśarma̍ bhatīta̱ daivya̍m

6.3-3

tveṣaste̍ dhūma ṛ̱ṇvati̍ di̱vi saṃ chukra āta̍taḥ
sūro̱ na hi dyu̱tā tvaṃ kṛpā pā̍vaka roca̍se

6.4-2

tvaṃ hi kṣaita̍vadya̱śo 'gne̍ mi̱tro na patya̍se
tvaṃ vica̍rṣaṇe śravo̱ vaso̍ pu̱ṣṭiṃ na pu̱ṣyasi̍

6.5-2

prā̱tara̱gniḥ pu̍rupri̱yo viśa̍ stave̱tāti̍thiḥ
viśve̱ yasmi̍nnama̱rtye ha̱vyaṃ martā̍sa̱ īdha̍te

6.6-2

yadva̍āhi̱ṣṭhaṃ tada̱gnaye̍ bṛ̱hada̍rca vibhāvaso
mahi̍ṣīva tvadra̱yistvadvājā̱ udī̍rate

6.7-2

vi̱śovi̍śo vo̱ ati̍thiṃ vājaya̍ṃtaḥ pu̱rupri̱yam
a̱gniṃ vo̍ du̱ryaṃ vaca̍ stu̱ṣe śū̱ṣasya̍ ma̱nmabhi̍ḥ

6.8-2

bṛhadvayo̱ hi bhā̱nave'rcā̍ de̱vāyā̍gnaye̍
yaṃ mi̱traṃ na praśa̱staye̱ marttā̍so dadhi̱re pura̍:

6.6-3

a̱ganma̍ vṛtra̱hanta̍ma̱ṃ jyeṣṭha̍ma̱gnimā̍na̱vam
ya sya śruta̍rvā̱nāya̍ bṛhadanīka idhyate̍

6.10

jā̱taḥ pare̍ṇa̱ dharma̍ṇā̱ yatsa̱vṛdbhi̱: sahā̍bhuvaḥ
pi̱tā yatkaśyapa̱syāgniḥ śra̱ddhā mātā manu̍: ka̱viḥ

6.4-3

daśati

6.1-3

soma̍ rājā̍na̱ṃ varu̍ṇama̱gnima̱nvāra̍bhāmahe
ā̍di̱tyaṃ viṣṇūṃ sūrya̍ bra̱hmāṇa̍ṃ ca̱ bṛha̱spati̍m

6.2-4

i̱ta e̱ta udā̍ruhandivaḥ pṛ̱ṣṭhānyā ruhan̍
pra bhūrjayo yathā pa̱thodyāmaṃgi̍raso yayuḥ

6.3-4

rā̱ye a̍gne ma̱he vā dānā̍ya sa̱midhīmahi
ī̍ḍi̱ṣvā hi ma̱he vṛṣa̍n dyāvā hotrā̍ya pṛthi̱vī

6.4-4

da̱dhanve̍vā yadī̱manu̍ voca̱dbrahmeti veru̱ tat
pari̱ viśvā̍ni kāvyā nemi̍śca̱krama̍ivābhuvat

6.5-3

pratya̍gne hara̍sā haraḥ śṛṇī̱hi vi̱śvata̱spari̍
yā̱tudhānasya rakṣa̍so̱ balaṃ nyubjā vī̱ryyam

6.6-4

tvamagne̍ vasūm̐2ri̱ha ru̱drām̐ ādityām̐2 u̱ta
ya̱jñā sva̍dha̱raṃ ja̍na̱ṃ manu̍jātaṃ ghṛtapruṣam

6.5-4

daśati

Linked texts (10)