Arshika 62

Ārṣika 62

iṃdra̱midgā̍thi̱no bṛ̱hadiṃdra̍ma̱rkebhi̍ra̱rkiṇa̍ḥ | iṃdra̱ṃ vāṇī̍ranūṣata

iṃdra̱ iddharyo̱ḥ sacā̱ saṃmi̍śla̱ ā vaco̍yujā | iṃdro̍ va̱jrī hira̍ṇyayaḥ

iṃdra̱ vāje̍ṣu no 'va sa̱hasra̍pradhaneṣu ca | ugra u̱grābhi̍rū̱tibhi̍ḥ

iṃdro̍ dī̱rghāya̱ cakṣa̍sa̱ ā sūrya̍m̐ rohayaddi̱vi | vi gobhi̱radri̍mairayat

indre̍ a̱gnā namo̍ bṛ̱hatsu̍vṛ̱ktime̍rayāmahe | dhi̱yā dhenā̍ ava̱syava̍ḥ

tā hi śaśva̍ṃta īḍa̍ta i̱tthā viprā̍sa ū̱taye̍ | sa̱bādho̱ vāja̍sātaye

tā vā̍ṃ gī̱rbhirvi̍pa̱nyuva̍ḥ praya̱svaṃto̍ havāmahe | medha̍sātā sani̱ṣyava̍ḥ ||3

vṛṣā̍ pavasva̱ dhāra̍yā ma̱rutva̍te ca ma̱tsara̍: | viśvā̱ dadhā̍na̱ oja̍sā

taṃ tvā̱ dhartā̍ramo̱ṇyo̍3ḥ pava̍māna sva̱rdṛśa̍m | hi̱nve vāje̍ṣu vā̱jina̍m

a̱yā ci̱tto vi̍pāna̱yā hari̍: pavasva̱ dhāra̍yā | yu̱jaṃ vāje̍ṣu codaya̍

10
vṛṣā̱ śoṇo̍ abhikani̱krada̱dgā nada̍yanneṣi pṛthi̱vīmu̱ta dyām
iṃdra̍syeva va̱gnurā śṛ̍ṇva ājau pra̱codaya̍nnarṣasi̱ vāca̍me̱mām

ra̱sāyya̍: paya̍sā̱ pinva̍māna̱ īra̍yanneṣi madhumaṃtama̱śūm
pava̍māna sa̱ṃtani̍meṣi kṛ̱ṇvanniṃdrā̍ya soma̱ pari̍ṣicyamā̱naḥ

e̱vā pa̍vasva madi̱ro madā̱yodgrāma̍sya namayanva̱dhasna̍m
pari̱ varṇa̱ṃ bhara̍māṇo ru̱śaṃta̍ṃ gavyu̱rno arṣa̱ pari̍ soma si̱ktaḥ

11
tvāmiddhi havā̍mahe sā̱tau vāja̍sya kā̱rava̍:
tvāṃ vṛ̍treṣviṃdra̱ satpa̍tiṃ nara̍stvāṃ kāṣṭhā̍svarva̍taḥ

sa tvaṃ na̍ścitra vajrahasta dhṛṣṇuyā mah stavā̱no a̍drivaḥ
gāmaśva̍ṃ ra̱thyamiṃdra̱ saṃ ki̍ra sa̱trā vāja̍ṃ na ji̱gyuṣe̍

12
a̱bhi pra va̍: su̱rādha̍sa̱miṃdra̍marca̱ yathā̍ vi̱de
yo ja̱ritṛ̍bhyo ma̱ghavā̍ puru̱vasu̍: sa̱hasre̍ṇeva śikṣa̍ti

śa̱tānī̍keva̱ pra ji̍gāti dhṛṣṇu̱yā haṃti̍ vṛ̱trāṇi̍ dā̱śuṣe̍
gi̱reriva̱ pra rasā̍ asya pinvire da̱trāṇi̍ puru̱bhoja̍saḥ

13
tvāmidā hyo naro̱'pī̍pyanpava̱jriñbhūṇa̍yaḥ
sa iṃdra̱ stoma̍vāhasa i̱ha śru̱dhyupa̍ svasa̱ramā ga̍hi

matsvā̍ suśiprinddha̱ri̱va̱stamī̍mahe̱ tvayā̍ bhūṣaṃti ve̱dhasa̍:
tava̱ śravā̍m̐syupa̱mānyu̱kthya̍ su̱teṣvi̍dra girvaṇaḥ

14
yaste̱ mado̱ vare̍ṇya̱stenā̍ pavasvāṃdhasā | de̱vā̱vīra̍ghaśaṃsā̱hā

ja̱ghnirvṛ̱trama̍mitri̱yam̐ sasni̱rvāja̍ṃ divedive | go̱ṣāti̍raśva̱sā a̍si

saṃmi̍kṣlo a̱ruṣo̍ bhuva̱ḥ sūpa̍sthābhirna dhe̱nubhi̍: | sīda̍ñchye̱no na yoni̱mā̍||3

Linked texts (7)