Arshika 66

Ārṣika 66

e̱ta sṛ̍gramiṃdavasti̱raḥ pa̱vitra̍māśavaḥ | viśvā̱nya̱bhi saubha̍gā

vi̱ghnaṃto̍ duri̱tā pu̱ru su̱gā to̱kāya̍ vā̱jina̍ḥ | tmanā̍ kṛ̱ṇvaṃto̍ a̱rvata̍ḥ

kṛ̱ṇvaṃto̍ va̱rivo̱ gave̍'bhyarṣati suṣṭu̱tim | iḍā̍ma̱smabhya̍ṃ sa̱ṃyatam̍ || 3

rājñā̍ me̱dhābhi̍rīyate pa̱vamā̍no manā̱vadhi̍ | a̱ṃtari̍kṣeṇa yātave

ā na̍ḥ soma saho̱ juvo̍ rū̱paṃ na varca̍se bhara | su̱ṣā̱ṇo de̱vavī̍taye

ā na̍ iṃdo śata̱gvina̱ṃ gavā̱ṃ poṣa̍ṃ sva̱styam̍ | vahā̱ bhaga̍tti̱mūtaye̍ ||3

taṃ tvā̍ nṛ̱mṇāni̱ bibhra̍ta̱ḥ sadha̍stheṣu ma̱ho di̱vaḥ | cāru̍ṃ sukṛ̱tyaye̍mahe

saṃvṛ̍ktadhṛ̱ṣṇumu̍kthya̍ṃ ma̱hāma̱hivra̍taṃ mada̍m | śa̱taṃ puro rurutsā̱ṇim

a̱tastvā̍ ra̱yira̱bhyadā̍jā̱nam̐ sukrato diva̍: | su̱pa̱rṇo a̍vya̱thī bhara̍t

adhā̍ hi̱nvāna i̍ndri̱yaṃ jyayo̍ ma̱hitvamāna̍śe | a̱bhi̱ṣṭi̱kṛdvica̍rṣaṇiḥ

viśva̍smā i sva̱rdṛśe sā̱dhāra̍ṇam̐ raja̍stu̱ram | go̱pāmṛ̱tasya̍ vibhṛ̍ta̱m

Linked texts (4)