Arshika 67
Ārṣika 67
- Language
- Sanskrit
Contents
- 67.3-13 — 2 parts
67.1
3
i̱ṣe pa̍vasva dhā̱rayā̍ mṛ̱jyamā̍no manī̱ṣibhi̍: | indo̍ ru̱cābhi gā i̍hi
67.2
pu̱nā̱no va̍rivaskṛ̱dhyūrja̍ṃ janāya girvaṇaḥ | hare̍ sṛjā̱na ā̱śira̍m
67.3
pu̱nā̱no de̍va̱vīta̍ya̱ indra̍sya yā̱hi niṣkṛ̍tam | dyu̱tā̱no vā̱jibhi̍rhi̱taḥ
67.1-2
4
a̱gninā̱gniḥ sami̍dhyate ka̱virgṛ̱hapa̍ti̱ryuvā̍ | ha̱vya̱vāḍju̱hvāsya̍:
67.2-2
yastvā̍magne ha̱viṣpa̍tirdū̱taṃ de̍va sa̱parya̍ti | tasya̍ sma prāvi̱tā bha̍va
67.3-2
yo a̱gniṃ de̍va̱vīta̍ye ha̱viṣmā̱m̐ āvi̍vāsati | tasmai̍ pāvaka mṛḍaya
67.1-3
5
mitram̐̍ huve pū̱tada̍kṣaṃ varu̍ṇaṃ ca ri̱śāda̍sam | dhiya̍ṃ ghṛ̱tācī̱ṃ sādha̍ntā
67.2-3
ṛ̱tena̍ mitrāvaruṇāvṛtāvṛ̱dhāvṛ̍ta̱spṛśā̍ | kratu̍ṃ bṛ̱hanta̍māśāthe
67.3-3
ka̱vī no̍ mitrāvaruṇā tuvijā̱tā u̍ru̱kṣayā̍ | dakṣa̍ṃ dadhāte a̱pasa̍m
67.1-4
6
indre̍ṇa̱ sam̐ hi dṛkṣa̍se saṃjagmā̱no abi̍bhyuṣā | mandū sa̍māna̱varca̍sā
67.2-4
ahā̍dvaha̱ svadhā̱manu̱ puna̱rgarbha̍tva̱meri̍re | dadhā̍nā̱ nāma̍ ya̱jñiya̍m
67.3-4
vī̱ḷu ci̍dṛ̱ḷuha̍tornu̱vidguhā̍ ci̱dindra̱ vahni̍bhiḥ | avi̍ṃda u̱sriyā̱ anu̍
67.1-5
7
tā hu̍ve̱ yayo̍ri̱daṃ pa̱pne viśva̍ṃ pu̱rā kṛ̱tam | indrā̍gnī̱ na mardha̍taḥ
67.2-5
u̱grā vi̍gha̱ninā̍ mṛdha̱ indrā̍gnī̱ havā̍mahe | tā no̍ mṛḷāta ī̱dṛśe̍
67.3-5
• hatho vṛtrā̱ṇyāryā̍ ha̱tho dāsā̍ni̱ satpatī | ha̱tho viśvā̱ apa̱ dviṣa̍:
67.1-6
8
a̱bhi somā̍sa̱ āya̍vaḥ pava̍ṃte ma̱dyaṃ mada̍m
sa̱mu̱drasyādhi̍ vi̱ṣṭape̍ manī̱ṣiṇo̱ matsa̍rāso mada̱cyuta̍ḥ
67.2-6
tara̍tsamu̱draṃ pa̍vamāna ū̱rmiṇā̱ rājā̍ de̱va ṛ̱taṃ bṛ̱hat
a̱rṣā mi̱trasya̱ varu̍ṇasya̱ dharma̍ṇā pra hinva̱āna ṛ̱taṃ bṛ̱hat
67.3-6
nṛ̱bhirya̱māṇo̍ harya̱to vi̍cakṣa̱ṇo rājā̍ de̱vaḥ sa̍mu̱draḥ
67.1-7
6
ti̱sro vāca̍ īrayati̱ pra vahni̍rṛ̱tasya̍ dhī̱tiṃ brahma̍ṇo manī̱ṣām
gāvo̍ yaṃti gopa̱tiṃ pṛ̱cchamā̍nā̱ḥ soma̍ṃ yaṃti matayo̍ vāvaśā̱nāḥ
67.2-7
soma̱ṃ gāvo̍ dhe̱navo̍ vāvaśā̱nāḥ soma̱ṃ viprā̍ ma̱tibhi̍: pṛ̱cchamā̍nāḥ
soma̍: su̱ta ṛcyate pū̱yamā̍na̱ḥ some̍ a̱rkāstriṣṭubha̍: saṃ na̍vaṃte
67.3-7
e̱vā na̍ḥ soma pariṣicyamāna ā pava̍sva pūyamānaḥ sva̱sti
iṃdra̱mā vi̍śa bṛ̱hatā made̍na̱ vardha̍yā̱ vāca̍ṃ jana̱yā pura̍ṃdhim
67.1-8
10
yaddyāva̍ iṃdra te śa̱taṃ śata̱ṃ bhūmī̍ru̱ta syuḥ
na tvā̍ vajrintsahasra̱ṃ sūryā̱ anu̱ na jātama̍ṣṭa̱ roda̍sī
67.2-8
ā pa̱pratha mahi̱nā vṛṣṇya̍ā vṛṣa̱nviśvā̍ śaviṣṭha̱ śava̍sā
a̱smām̐ a̍va maghavangòma̍ti vra̱je vajri̍ṃ ci̱trābhi̍rū̱tibhi̍:
67.1-9
11
va̱yaṃ gha̍ tvā sutāvaṃta̱ āpo̱ na vṛ̱ktaba̍rhiṣaḥ
pa̱vitra̍sya prasrava̍ṇeṣu vṛtraha̱npari̍ sto̱tāra̍ āsate
67.2-9
svara̍nti tvā su̱te naro̱ vaso̍ ni̱reka̍ u̱kthina̍:
ka̱dā su̱taṃ tṛ̱ṣāṇa òka̱ ā ga̍ma̱dindra̍ sva̱bdīva̍ va̱ṃsaga̍:
67.3-8
ka̱ṇvebhi̍rdhṛ̱ṣṇavā dhṛ̱ṣanmana̍ darṣi̱ saha̍sriṇam
pi̱śaṅga̍rūpaṃ maghavanvicarṣaṇe ma̱kṣū goma̍ntamīmahe
67.1-10
12
tara̍ṇi̱ritsi̍ṣāsati̱ vāja̍ṃ pu̱raṃdhyā̍ yu̱jā
ā va̱ indra̍ṃ puru̱hūta̍ṃ name gi̱rā ne̱miṃ ta̱ṣṭeva̍ su̱druvam̍
67.2-10
na du̍ṣṭu̱tirma̍rtyo̱ṇo de̱ṣu śa̍syate̱ na sredha̍ntaḥ ra̱yirna̍śat
su̱śakti̱rinma̍ghava̱ṃ tubhya̍ṃ māva̱te de̱ṣṇaṃ yatpārye̍ di̱vi
67.1-11
13
ti̱sro vāca̱ udī̍rate̱ gāvo̍ mimanti dhe̱nava̍: | hari̍reti kani̱krada̍t
67.2-11
a̱bhi brahmèriranūṣata̱ yahvī̍rṛta̱sya mā̱tara̍: | ma̱rmṛ̱jaya̍ntīrdi̱vaḥ śiśum
67.3-9
rāya̍: sa̱mudrām̐śca̱turo̍ 'smabhya̍ soma vi̱śvata̍: | ā pa̍vasva sahasriṇaḥ
67.1-12
14
su̱tāso̱ madhu̍mattamā̱ḥ somā̱ indrā̍ya ma̍ndina̍:
pa̱vitra̍vanto akṣara̱n devānga̍cchantu vo madāḥ
67.2-12
indurindrā̍ya pavata̱ iti̍ de̱vāso̍ abruvan
vāca̱spati̍rmakhasyate vi̱śvasyeśāna̱ oja̍saḥ
67.3-10
sa̱hasra̍dhāraḥ pavate sa̱mudro vā̱camī̍ṅkhyaḥ
soma̍spatī rayī̱ṇām̐ sakhendra̍sya di̱vedi̍ve
67.1-13
15
pa̱vitra̍ṃ te̱ vita̍taṃ brahmaṇaspate̱ prabhurgātrā̍ṇi̱ parye̍ṣi vi̱śvata̍:
a̱ta̱ptata̱nūrna tadā̱mo a̍śnute śaṛ̱tāsa̱ idvahaṃtaḥ saṃ tadā̍śata
67.2-13
tapo̍ṣvi̱traṃ vita̍taṃ di̱vaspa̱de ' rdhaṃto asya̱ taṃta̍vo vyasthiran
ava̍ṃtyasya pavi̱tāra̍māśa̱vo di̱vaḥ pṛ̱ṣṭhamadhi̍ rohaṃti̱ teja̍sā
67.3-11
a̱rūrucadu̱ṣasaḥ pṛśni̍ragri̱ya u̱kṣā mi̍meti̱ bhuva̍neṣu vā̱jaya̍ḥ
mā̱yā̱vino̍ mamire asya mā̱yayā nṛ̱cakṣa̍saḥ pi̱taro̱ garbha̍mā dadhuḥ
67.1-14
16
pra ma̱ṃhiṣṭhā̍ya gāyata ṛ̱tāvne̍ bṛ̱hate śukaśo̍ciṣe
upa̍stutāso a̱gnaye̍
67.2-14
ā va̍ṃsate ma̱ghavā vī̱rava̱dyaśaḥ sami̍ddho dyu̱mnyāhu̍taḥ
ku̱vinno̍ asya su̱ma̍tirbhavī̱yasyahā vāje̍bhirā̱gama̍t
67.1-15
17
taṃ te̱ mada̍ṃ gṛṇīmasi̱ vṛṣa̍ṇaṃ pṛ̱tsu sāsa̱him
u loka̱kṛtnu̍madrivo hariśri̱yam
67.2-15
yena̱ jyotī̍ṃṣyāya̱ve mana̍ve ca vi̱vedi̍tha
maṃdā̍no asya ba̱rhiṣo vi rā̍jasi
67.3-12
tada̱dyā citta u̱kthino ' nu̍ ṣṭuvaṃti pū̱rvathā̍
vṛ̱ṣapa̍tnī̱rapo̍ jayā di̱vedi̍ve
67.1-16
18
śru̱dhī hava̍ṃ ti̱raśyā̱ iṃdra̱ yastvā saparya̍ti
su̱vīrya̍sya goma̍to rā̱yaspū̱rdhi ma̱hām̐ asi̍
67.2-16
yasta̱ iṃdra̱ navī̍yasīṃ gira̍ṃ ma̱ṃdrāmajī̍janat
cikittvinmanasa̱ṃ dhiya̱ṃ pratnā̍mṛ̱tasya̍ pi̱pyuṣī̍m
67.3-13
tamu̍ ṣṭavāma̱ yaṃ gira̱ indra̍mu̱kthāni̍ vāvṛ̱dhuḥ
pu̱ru̱ṇya̍sya pauṃsyā̍ siṣāsaṃto vanāmahe
67.3-13.p1
16
67.3-13.p2
iti dvitīyaḥ prapāṭhakaḥ
Linked texts (9)
- Kauthuma (Svādhyāya Maṇḍala edition, Pāraḍī) — Sanskrit
- Chandasīsaṃhitā — Sanskrit
- Sāmavedīmantra — Sanskrit
- Āgneyagāna — Sanskrit
- Sāmavedapāda — Sanskrit
- Uttaraṛc — Sanskrit
- Uttarārcika — Sanskrit
- Pūrvottarārcika — Sanskrit
- Subodhinīpaddhati — Śivarāma 1615, Sanskrit