Pramāṇa · Search · About · API

Arshika 70

Ārṣika 70

Language
Sanskrit

70.1

4
hi̱nvaṃti̱ sūra̱musra̍ya̱ḥ svasā̍ro jā̱maya̱spati̍m | ma̱hāmiṃdu̍ṃ ma̱hīyuva̍ḥ

70.2

pa̱va̱māna̍ ru̱cāru̍cā de̱va de̱vebhya̍ḥ su̱taḥ | viśvā̱ vasū̍nyā vi̍śa

70.3

ā pa̍vamāna su̱ṣṭu̱tiṃ vṛṣṭiṃ de̱vebhyo̱ duva̍ḥ | iṣe pa̍vasva sa̱ṃyata̍m

70.1-2

5
ja̱nasya̍ go̱pā a̍janiṣṭa̱ jāgṛ̍vi̱ra̱gniḥ su̱dakṣa̍ḥ suvi̱tāya̱ navya̍se
ghṛ̱tapra̍tīko bṛ̱ha̱tā di̍vi̱spṛśā̍ dyu̱madvi bhā̍ti bhara̱tebhya̱ḥ śuci̍ḥ

70.2-2

tvāma̍gne̱ aṃgi̍raso̱ guhā̍ hi̱tamanva̍viṃda̱ñchiśriyā̱ṇaṃ vane̍vane
sa jā̍yase ma̱thyamā̍na̱ḥ saho̍ ma̱hattvāmāhu̱ḥ saha̍saspu̱tramaṃgi̍raḥ

70.3-2

ya̱jñasya̍ ke̱tuṃ pra̍tha̱maṃ pu̱rohi̍tama̱gniṃ nara̱striṣa̍dha̱sthe sa̍miṃdhate
iṃdre̍ṇa de̱vaiḥ saratha̱ṃ sa ba̱rhiṣi̱ sīda̍nni̱ hotā̍ yaja̱thāya̍ sukratu̍ḥ

70.1-3

6
a̱yaṃ vā̍ṃ mitrāvaruṇā su̱taḥ soma̍ ṛtāvṛdhā | mamedi̱ha śru̍ta̱ṃ hava̍m

70.2-3

rājñā̱nāva̍na̱bhidru̱hā dhru̱ve sada̍syutta̱me | sa̱hasra̍sthūṇa̱ ā̱śāte̍

70.7

tā samrājā̍ ghṛ̱tāsu̍tī ā̱dityā dānu̍naspatī | sace̍te anava̱hvaram̍ ||3

Linked texts (7)