Arshika 8

Ārṣika 8

daśati

pra ma̍ndi̱ṣṭhāya̍ gāyata ṛ̱tāvne̍ bṛ̱hate̍ śu̱kraśo̍ciṣe
upa̍stu̱tāso̍ a̱gnaye̍

pra so a̍gne̱ tavo̱tibhi̍ḥ su̱vīrā̍bhistarati vā̱jakarma̍bhiḥ
yasya̱ tvaᳵ sa̱khyamāvi̍tha

taṃ gū̱ṃrdhayā̍ sva̱rṇara̍ṃ de̱vāso̍ de̱vama̍ra̱tiṃ da̍dhanvire
de̱vatrā̍ ha̱vyamūhi̍ṣe

mā no̍ hṛṇīthā̱ ati̍thiṃ vasu̱ragniḥ purupra̍śasta e̱ṣaḥ
yaḥ su̱hotā̱ svadhva̍raḥ

bhadro̍ no a̱gnirāhu̍to bha̱drā rā̱tiḥ su̍bhaga̱ bhadro adhva̍raḥ
bhadrā uta praśastayaḥ

yaji̍ṣṭhaṃ tvā vavṛmahe de̱vaṃ de̍va̱trā hotā̍rama̱martya̍m
a̱sya ya̱jñasya̍ su̱kratu̍m

tada̍gne dyu̱mnamā bhara yatsāsāhā sadane kaṃ cidatriṇam
manyuṃ jana̍sya dūḍhyam

yadvā̍ u vi̱śvapa̍tiḥ śitaḥ su̱prīto manu̍ṣo viśe
viśve̱dagniḥ prati̱ rakṣāṃsi sedhati

Linked texts (9)