Arshika 82
Ārṣika 82
- Language
- Sanskrit
82.1
iṃdro̍ ma̱dāya̍ vāvṛdhe̱ śava̍se vṛtra̱hā nṛbhi̍ḥ
taminmahatsvājiṣūtima̍rbhe ha̍vāmahe̱ sa vāje̍ṣu̱ pra no̍'viṣat
82.2
a̱si hi vī̱ra se̍nyo̱ 'si̍ bhūri̍ parā̱dadi̍ḥ
a̱si da̱bhrasya̍ cidṛdho yaja̍mānāya śikṣasi sunva̱te bhūri̍ te̱ vasu̍
82.3
yaḍudī̍rata̱ āja̍yaḥ °
82.1-2
14
svā̱dori̱tyā vi̍ṣū̱vata̍ḥ °
82.2-2
tā a̍sya pṛśanāyuva̱ḥ soma̍gṃ śrīṇaṃti pṛśnayaḥ
priyā iṃdra̍sya dhe̱navo̱ vajra̍gṃ hinvaṃti sāya̱kaṃ vasvī̱ranu̍ sva̱rājya̍m
82.3-2
tā a̍sya̱ nama̍sā sa̱haḥ sapa̍ryaṃti pracetasaḥ
vra̱tānya̍sya saścire pu̱rāṇi̍ pū̱rvaci̍ttaye vasvī̱ranu̍ sva̱rājya̍m
82.1-3
15
a̱sāvya̱gguṃśurmadā̱yāpsu dakṣo̍ giri̱ṣṭhāḥ | śye̱no na yoni̍māsadat
82.2-3
śubhramaṃdho̍ de̱vavā̍tama̱psu dhau̱taṃ nṛbhi̍ḥ su̱tam | svada̍ṃti gāva̱ḥ payo̍bhiḥ
82.3-3
ādī̍ma̱śvaṃ na hetā̍ramaśūśubhannamṛ̱tāya̍ | madho̱ rasa̱gṃ sa̍dha̱māde̍
82.1-4
16
a̱bhi dyu̱mnaṃ bṛ̱hadyaśa̱ iṣa̍pyate didī̱hi de̍va de̱vayum
vi kośa̍ṃ madhya̱maṃ yu̍va
82.2-4
ā va̍cyasva suda̱kṣa ca̱mvo̍ḥ su̱to vi̱śāṃ vahni̱rna vi̱śpati̍ḥ
vṛ̱ṣṭiṃ diva̍ḥ pa̱vasva rī̱tima̱po jinva̱ngavi̍ṣṭaye̱ dhiya̍ḥ
82.1-5
17
° prā̱ṇā śiśu̍rma̱hīnā̱gṃ hinva̱nnṛ̱tasya̍ dī̱dhiti̍m
viśvā̱ pari̍ pri̱yā bhu̍vadadha dvi̱tā
82.2-5
upa̍ tri̱tasya̍ pā̱ṣyo̍3'rbhakta yaduhā padam
ya̱jñasya̍ sa̱pta dhāmā̍bhiradha̱ priyam
82.3-4
trīṇi̍ tri̱tasya̍ dhā̱rayā̍ pṛ̱ṣṭheṣvaira̍yadvi̱yam
mimī̍te asya̱ yoja̍nā̱ vi su̱kratu̍ :
82.1-6
18
pava̍sva vājasātaye pavitre̍ dhā̱rayā̍ su̱taḥ
iṃdrā̍ya soma̱ viṣṇa̍ve de̱vebhyo̱ madhu̍mattaraḥ
82.2-6
tvām̐ ri̍haṃti dhī̱tayo̱ hari̍ṃ pa̱vitre̍ a̱rdruha̍ḥ
va̱tsaṃ jā̱taṃ na mā̱tara̍ḥ pavamānā vi̱dharma̍ṇi
82.3-5
tvaṃ dyāṃ ca̍ mahi̱vrata̍ pṛthi̱vīṃ cāti̍ ja̱bhriṣe
prati̍ drā̱pima̍muṃcathāḥ pavamāna mahi̱tvanā̍
82.1-7
16
īṃḍu̍rvā̱jī pa̍vate go̱vyo̱dhā iṃdre̍ somaḥ saha̱ invanmadā̍ya
haṃti̱ rakṣo̱ bādha̍te paryarā̍tiṃ varivaskṛṇvanvṛjanasya rājā
82.2-7
adha̍ dhā̱rayā̱ madhvā̍ pṛcā̱nasti̱ro roma̍ pavate adridugdhaḥ
iṃḍu̍riṃdra̍sya sa̱khyaṃ ju̍ṣā̱ṇo de̱vo de̱vasya̍ matsa̱ro madā̍ya
82.3-6
a̱bhi vra̱tāni̍ pavate punā̱no de̱vo de̱vām̐svena̱ rasena̍ pṛ̱ṃcan
iṃḍu̱rdharmā̍ṇyṛ̱tuthā vasā̍no̱ daśa̱ kṣipo̍ avyata̱ sāno̱ avye̍
82.1-8
20
ā te̍ agna idhīmahi dyu̱maṃta̍ṃ de̱vā̱jara̍m
yaddha̱ syā te̱ panī̍yasī sa̱middīda̍yati dyavī̱ṣam̐ sto̱tṛbhya̱ ā bha̍ra
82.2-8
ā te̍ agna ṛ̱cā ha̱viḥ śu̱krasya̍ jyoti̱ṣaspate
su̱śca̱ndra da̱sma vi̱śvapa̍te havya̱vāhtubhya̍ḥ hūyata iṣa̍ḥ sto̱tṛbhya̱ ā bha̍ra
82.21
obhe su̍ścandra vi̱śvapa̍te̱ durvī śrīṇīṣa āsani̍
u̱to na̱ 'utpu̍pūryā u̱ktheṣu̍ śavasaspata̱ iṣa̍ḥ sto̱tṛbhya̱ ā bha̍ra ||3
Linked texts (9)
- Kauthuma (Svādhyāya Maṇḍala edition, Pāraḍī) — Sanskrit
- Jaiminīyabrāhmaṇa — Sanskrit
- Chandasīsaṃhitā — Sanskrit
- Āgneyagāna — Sanskrit
- Sāmavedīmantra — Sanskrit
- Uttaraṛc — Sanskrit
- Uttarārcika — Sanskrit
- Pūrvottarārcika — Sanskrit
- Sāmavedapāda — Sanskrit