Arshika 85
Ārṣika 85
- Language
- Sanskrit
85.1
jyoti̱rya̱jñasya̍ pavate̱ madhu̍ pri̱yaṃ pi̱tā de̱vānā̍ṃ jani̱tā vi̱bhūva̍suḥ
dadhā̍ti̱ ratna̱m̐ svadhayo̍rapī̱cya̍1̱m̐ maṃdi̍ttamo matsa̱ra iṃdi̍yo̱ rasa̍ḥ
85.2
a̱bhikraṃda̍nka̱laśa̍ṃ vā̱jya̍rṣati̱ pati̍rdi̱vaḥ śa̱tadhā̍ro vicakṣa̱ṇaḥ
hari̍rmi̱trasya̱ sada̍neṣu sīdati ma̱rmṛjā̱no ' vi̍bhi̱ḥ siṃdhu̍bhirvṛ̱ṣā
85.3
agrè̱ siṃdhū̍nā̱ṃ pava̍māno arṣasyagrè vā̱co agri̍yo goṣu̍ gacchasi
agrè̱ vāja̍sya bhajase maha̱ddhana̱m̐ svāyu̍dhaḥ so̱tṛbhi̍ḥ soma sūyase
85.1-2
1
asṛ̍kṣata̱ pra vā̱jino̱ gavyā̱ somā̍so̱ aśva̍yā | śu̱krāso̍ vī̱rayāśa̍vaḥ
85.2-2
śu̱bhramā̍nā ṛtā̱yubhi̍rmṛ̱jyamā̍nā gabhastyoḥ | pava̍ṃte̱ vāre̍ a̱vyaye̍
85.2-3
te viśvā̍ dā̱śuṣe̱ vasu̱ somā̍ di̱vyāni̱ pārthi̍vā | pava̍ṃtāmāṃta̱rikṣyā̍ || 3
85.1-3
pava̍sva deva̱vīra̍ti pa̱vitra̱m̐ soma̱ ram̐hyā̍ | iṃdra̍miṃdo̱ vṛṣā̍ viśa
85.2-4
ā va̍cyasva ma̱hi psaro̱ vṛṣa̍ndo yu̱mnava̍ttamaḥ | ā yoni̍ dha̱rttuṃ si̍ḥ sadaḥ
85.3-2
adhu̍kṣata pri̱yaṃ madhu̱ dhārā̍ su̱tasya̍ ve̱dhasa̍ḥ | apo̱ vasi̍ṣṭa sukratu̍ḥ
85.4
ma̱hvāṃsta̍ṃ tvā ma̱ddīra̱nvāpo̍ arṣaṃti̱ siṃdha̍vaḥ | yadgobhi̍rvāsayi̱ṣyase̍
85.5
samu̱dro a̱psu mā̍mṛje vi̱ṣṭaṃbho dha̱ruṇo̍ di̱vaḥ | soma̍: pa̱vitrè̍ a̱smayu̍ḥ
85.6
aci̍kradadvṛṣā̱ hari̍rma̱hānmitro na darśa̍taḥ | sam̐ sūryye̍ṇa didyute
85.7
gira̍sta iṃdra̱ oja̍sā ma̱rmṛjya̍ṃte a̱pasyu̍vaḥ | yābhi̍rmadā̍ya̱ śuṃbha̍se
85.8
taṃ tvā̱ madā̍ya ghṛṣvaya u lokakṛ̍tnumīmahe | tava̱ praśa̍staye ma̱he
Linked texts (8)
- Kauthuma (Svādhyāya Maṇḍala edition, Pāraḍī) — Sanskrit
- Jaiminīyabrāhmaṇa — Sanskrit
- Chandasīsaṃhitā — Sanskrit
- Āgneyagāna — Sanskrit
- Sāmavedīmantra — Sanskrit
- Sarvadevapratiṣṭhāprakāśa — Sanskrit
- Pāvamāna — Sanskrit
- Pavamāna — Sanskrit