Pramāṇa · Search · About · API

Arshika 86

Ārṣika 86

Language
Sanskrit

86.1

go̱ṣā iṃdo̍ nṛ̱ṣā a̍śva̱sā vā̍ja̱sā u̍ta | ātmā ya̱jñasya̍ pūrvya̍ḥ

86.3

a̱smabhya̍miṃdavi̱ṃdriyaṃ madho̍ḥ pavasva̱ dhāra̍yā | pa̱rjanyo̍ vṛ̱ṣṭṭimām̐2 i̍va || 10

86.1-2

sanā̍ ca soma̱ jeṣi̍ ca pavamāna mahi̱ śrava̍ḥ | athā̍ no vasyasaskṛdhi

86.2

sanā̱ jyoti̍ḥ sanā̱ svā3rviśvā̍ ca soma̱ saubha̍gā | athā̍ no̱ vasya̍saskṛdhi

86.3-2

sanā̱ dakṣa̍mu̱ta kratu̍mapa̱ soma̍ mṛ̱dho ja̍hi | athā̍ no vasyasaskṛdhi

86.4

pa̱vī̱tāra̍ḥ punī̱tana̱ soma̱mindrā̍ya pātta̍ve | athā̍ no̱ vasya̍saskṛdhi

86.5

tva³ sūryai na ā bha̍ja̱ tava̱ kratvā̱ tavo̱tibhi̍ḥ | athā̍ no̱ vasya̍saskṛdhi

86.6

tava̱ kratvā̱ tavo̱tibhi̱rjyokpa̍śyema̱ sūrya̍m | athā̍ no̱ vasya̍saskṛdhi

86.7

a̱bhyarṣa̍ svāyudha̱ soma̍ dvi̱barha̍sa² ra̱yim | athā̍ no̱ vasya̍saskṛdhi

86.8

a̱bhyā3rṣā̍nipacyuto̱ vāji̍ntsama̱tsu sā̱sahi̍ḥ | athā̍ no̱ vasya̍saskṛdhi

86.9

tvāṃ ya̱jñaira̍vīvṛdhanpavamāna̱ vidha̍rmaṇi | athā̍ no̱ vasya̍saskṛdhi

86.4-2

ra̱yiṃ na̍ści̱trama̱śvina̱miṃdo̱ viśvā̍yu̱mā bha̍ra | athā̍ no̱ vasya̍saskṛdhi ||10

86.1-3

tara̍tsa̱ maṃdī̍ dhāvati̱ dhārā̍ su̱tasyāṃdha̍saḥ | tara̍tsa̱ maṃdī̍ dhāvati

86.2-2

u̱srā veda̱ vasū̍nā̱ṃ marta̍sya de̱vyava̍saḥ | tara̍tsa̱ maṃdī̍ dhāvati

86.3-3

dhva̱srayo̍ḥ puru̱ṣaṃtyo̍rā sa̱hasrā̍ṇi dadmahe | tara̍tsa̱ maṃdī̍ dhāvati

86.5-2

ā yayoᳵstri̱ṃśata̱ṃ tanā̍ sa̱hasrā̍ṇi ca dadmahe | tara̍tsa̱ maṃdī̍ dhāvati ||4

Linked texts (7)