Arshika 88
Ārṣika 88
- Language
- Sanskrit
88.1
i̱ma²꣫ stoma̍marhate jātave̍dase̱ rathama̍iva saṃ ma̍hemā manī̱ṣayā̍
bha̱drā hi na̍ḥ prama̍tirasya sa̱ṃsadyagne̍ sa̱khye mā ri̍ṣāmā va̱yaṃ tava̍
88.2
bha̱rāme̍dhmaṃ kṛ̱ṇavā̍mā ha̱vī²꣫ṣi te citaya̍ntaḥ pa̱rvaṇā̍parvaṇā va̱yam
jī̱vāta̍ve pra̱tarā̍ṃ sādhayā̱ dhiyo 'gne̍ sa̱khye mā ri̍ṣāmā va̱yaṃ tava̍
88.3
śake̍ma tvā sa̱midha̍ṃ sādhayā̱ dhiya̱stve devā ha̱virada̍ntyāhu̱tam
tvamā̍dityām̐²꣫ā vaha̱ tāndyúśma̍syagne sa̱khye mā ri̍ṣāmā va̱yaṃ tava̍
88.1-2
7
pra̱ti vā²꣫ sūra̱ udi̍te mi̱traṃ gṛ̍ṇīṣe varu̍ṇam | a̱ryamaṇa̍ṃ ri̱śāda̍sam
88.2-2
rā̱yā hira̍ṇyayā ma̱tiriya̍mavṛ̱kāya̍ śava̍se | i̱yaṃ viprā̍ medhasā̍taye
88.3-2
te syāma deva varu̍ṇa te mi̍tra sū̱ribhi̍ḥ saha̍ | iṣa̍ṃ sva̱śca dhī̍mahi
88.1-3
8
bhi̱ṃdhi viśvā̱ apa̱ dviṣa̍ḥ pari̍ bādho ja̱hī mṛdha̍ḥ | vasu̍ spārhaṃ tadā bha̍ra
88.2-3
yasya̍ te vi̱śvamā̍nu̱ṣambhūridatta̍sya ve̱dati̍ | vasu̍ spārhaṃ tadā bha̍ra
88.3-3
yaddhī̱ḍāvi̍ndra̱ yatsthi̱re yatparśā̍ne parā̱bhṛta̍m | vasu̍ spārhaṃ tadā bha̍ra
88.1-4
9
ya̱jñasya̍ hi stha ṛ̱tvijā̍ sa̱snī vāje̍ṣu karma̍su | iṃdrā̍gnī tasya̍ bodhatam
88.2-4
tośā̍sā ratha̱yāvā̍nā vṛtra̱haṇā̍parāji̱tā | iṃdrā̍gnī tasya̍ bodhatam
88.3-4
i̱daṃ vā̍ṃ madi̍ra̱ṃ madhvadhu̍kṣa̱nnadri̍bhi̱rnara̍ḥ | iṃdrā̍gnī tasya̍ bodhatam
88.1-5
10
iṃdvā̱yeṃdo̍ ma̱rutva̍te pavasva̱ madhu̍mattamaḥ | a̱rkasya̱ yoni̍māsa̱dam
88.2-5
taṃ tvā̱ viprā̍ vaco̱vida̍ḥ pari̍ṣkṛ̱ṇvaṃti dharṇā̍sim | saṃ tvā mṛjaṃtyāyava̍ḥ
88.3-5
rasa̍ṃ te mi̱tro a̍rya̱mā piba̍ṃtu varu̍ṇaḥ kave | pa̱vamā̍nasya ma̱ruta̍ḥ
88.1-6
11
mṛ̱jyamā̍naḥ su̱hastyā̍ sa̱mu̱dre vāca̍ṃminvasi
ra̱yiṃ pi̱śaṅga̍ṃ bahu̱laṃ pu̍ru̱spṛha̱ṃ pava̍mānā̱bhya̍rṣasi
88.2-6
pu̱nā̱no vā̍re̍ pavamāno avyaye̍ vṛṣo̍ akrikrada̱ddhane̍
de̱vānā̍ soma pavamāna niṣkṛ̱taṃ gobhi̍ra̱ṃjāno̍ arṣasi
88.1-7
12
e̱tamu̱ tyaṃ daśa̱ kṣipo̍ mṛ̱jaṃti̱ siṃdhu̍mātaram | samā̍di̱tyebhi̍rakhyata
88.2-7
samiṃdre̍ṇota vā̱yunā̍ su̱ta e̍ti pa̱vitra̱ ā | saṃ sūrya̍sya ra̱śmibhi̍ḥ
88.3-6
sa no̱ bhagā̍ya vā̱yave̍ pū̱ṣṇe pa̍vasva̱ madhu̍mān | cāru̍rmi̱tre varu̍ṇe ca
88.1-8
13
re̱vatī̍rnaḥ sadha̱māda̱ iṃdre̍ saṃtu tuvivā̱jāḥ | kṣu̱maṃto̱ yābhi̱rmade̍ma
88.2-8
ā gha̍ tvāvāṃ tmanā yu̱kta sto̱tṛbhyo̍ dhṛṣṇavīyān | ṛ̱ṇo̱rakṣa̱ṃ na ca̱kryoḥ
88.3-7
ā yadduva̍ḥ śatakratavā̱ kāma̍ṃ jari̱tṝṇā̍m | ṛ̱ṇorakṣa̍ṃ na śacī̍bhiḥ
88.1-9
14
su̱drū̱pa̱kṛ̱tnumūtaye̍ su̱dughā̍miva go̱duhe̍ | ju̱hūma̍si dyavi̍dyavi
88.2-9
upa̍ na̱ḥ sava̍nā gahi̱ soma̍sya somapāḥ piba | go̱dā i̱dvevato̱ mada̍ḥ
88.3-8
athā̍ te̱ aṃta̍mānāṃ vi̱dyāma su̍matī̱nām | mā no̱ ati̍ khya̱ ā ga̍hi
88.1-10
15
u̱bhe yadi̍dra̱ roda̍sī ā̱paprātho̍ṣā iva
ma̱hāṃta̍ṃ tvā ma̱hīnā̍ṃ sa̱mrāja̍ṃ carṣaṇī̱nām
de̱vī ja̍ni̱trya̍jījanadbha̱drā ja̍ni̱trya̍jījanat
88.2-10
dī̱rghaṃ hya̍ṃku̱śaṃ yathā̍ śa̱ktiṃ bi̍bharṣi maṃtumaḥ
pūrve̍ṇa maghavanpa̱dā va̱yāma̍jño yathā̱ yama̍ḥ
devī̍ja̱nitrya̍jījanadga̱drā ja̱nitrya̍jījanat
88.16
ava̍ sma durhṛṇāya̱to marta̍sya tanuhi sthi̱ram
adha̍spa̱daṃ tamī̍ kṛdhi̱ yo a̱smām̐2 abhi̱dāsa̍ti
devī̍ ja̱nitrya̍jījanadga̱drā ja̱nitrya̍jījanat ||3
Linked texts (6)
- Jaiminīyabrāhmaṇa (ed. Raghuvira) — Sanskrit
- Śaunakasaṃhitā — Sanskrit
- Sāmavedasaṃhitā (ed. Theodor Benfey) — Sanskrit
- Āgneyagāna — Sanskrit
- Sāmavedīmantra — Sanskrit
- Sāmavedapāda — Sanskrit