Pramāṇa · Search · About · API

Arshika 9

Ārṣika 9

Language
Sanskrit

9.2

daśati

9.1

tadvo̍ gāya su̱te sacā̍ puruhū̱tāya̍ savane | śaṃ yadgave̍ na śākine

9.2-2

yaste̍ nūna̱ś śatakratavindra̍ dyu̱mnita̍mo mada̍ḥ | tena̍ nūnaṃ made̍ madaḥ

9.3

gāva̱ upa̍ vadāvaṭe ma̱hī ya̱jñasya̍ rapsudā | u̱bhā karṇā hiraṇyayā

9.4

ara̍maśvāya gāyata śru̱taka̍kṣāraṃ gave̍ | ara̱mindra̍sya dhāmne

9.5

tamindra̍ṃ vājayāmasi ma̱he vṛ̱trāya̱ hanta̍ve | sa vṛṣā vṛ̍ṣabho bhuvat

9.6

tvami̍ndra̱ balādadhi̱ saha̍so jāta oja̍saḥ | tvam̐ sanvṛṣanva̍vṛṣe̱dasi̍

9.7

ya̱jña indra̍mavardhayadyadbhūmi̱ṃ vyava̍rtayat | cakrāṇa opa̱śaṃ di̱vi

9.8

yadi̍ndrā̱haṃ yathā̱ tvamīśī̍ya̱ vasva̱ eka̱ it | sto̱tā me̍ go̱sakhā̍ syāt

9.9

pa̍nya̍ṃpanyamitsotāra̱ ā dhā̍vata̱ madyā̍ya | soma̍ṃ vī̱rāya̍ śū̱rāya̍

9.10

ida̍ṃ vaso su̱tamaṃdha̍ḥ pi̱bā su̱pūrṇa̍mu̱dara̍m| anā̍bhayi̱trari̍mā te̍

9.3-2

daśati

9.1-2

udghe̱da̱bhi śru̱tāma̍ghaṃ vṛṣa̍bhaṃ naryā̍pa̱sam| astā̍rameṣi sūrya

9.2-3

yada̱dya ka̍cca vṛtra̱hannu̱dagā̍ a̱bhi sūrya̍| sarva̱ṃ tadi̍dra te̱ vaśe̍

9.3-3

ya āna̍yatpa̱rāvata̱ḥ sunī̍tī tu̱rvaśa̱ṃ yadu̍m| iṃdra̱ḥ sa no̱ yuvā̱ sakhā̍

9.4-2

mā na̱ iṃdrābhyā̱ādiśa̍ḥ sū̱ro a̍ktuṣvvā yamat| tvā yu̱jā va̍nema̱ tat

9.5-2

iṃdra̍ṃ sāna̱siṃ ra̱yiṃ sa̱ñjivā̍naḥ sadā̱saha̍m| varṣi̍ṣṭhamūta̱ye bha̍rā

9.6-2

iṃdra̍ṃ va̱yaṃ ma̱hādha̍na̱ iṃdra̱marbhe̍ havāmahe| yuja̍ṃ vṛ̱treṣu̍ va̱jriṇa̍m

9.7-2

api̍batkadruva̍ḥ su̱tamiṃdra̍ḥ sahasrabā̱hve| tatrā̍dadiṣṭa pauṃsya̍m

9.8-2

va̱yami̍dra tvā̱āvo'bhi pra ṇo̍numo vṛṣan| vi̱dvī tva1̱̍sya no̍ vaso

9.9-2

ā ghā̱ ye a̱gnimiṃdha̍te stṛ̱ṇaṃti̍ ba̱rhirānu̱ṣak| yeṣā̱miṃdro̱ yuvā̱ sakhā̍

9.10-2

bhi̱ṃdhi viśvā̱ apa̱ dviṣa̱ḥ pari̍ bādho̱ jahī̍ mṛdha̍ḥ| vasu̱ spārha̱ṃ tadā bha̍ra

9.4-3

daśati

9.1-3

i̱ṅgeva̍ śṛṇva eṣāṃ kaśā̱ hastai̍ṣu̱ yadvadā̍n| ni yāma̍ṃ ci̱tramṛ̍ṃjate

9.2-4

i̱ma u̍ tvā vi ca̍kṣate̱ sakhā̍ya̱ iṃdra̍ so̱mina̍ḥ| pu̱ṣṭāva̍nto̱ yathā̍ pa̱śum

9.3-4

sa̱ma̱sya ma̱nyave̱ viśo̱ viśvā̍ namaṃta kṛ̱ṣṭaya̍ḥ| sa̱mu̱drāye̍va̱ siṃdha̍vaḥ

9.4-4

devā̍nā̱midavo̍ ma̱hattadā vṛ̍ṇīmahe vayam | vṛ̱ṣṇā̱masmabhya̍mū̱taye̍

9.5-3

somā̍na̱m̱̐ svara̍ṇaṃ kṛ̱ṇu̱hi bra̍hmaṇaspate | ka̱kṣīva̍nta̱ṃ ya au̍śi̱jaḥ

9.6-3

bodha̍nmanā ṛ̱dastu̍ no vṛ̱trahā bhūryā̍sutiḥ | śṛ̱ṇotu̍ śakra ā̱śiṣa̍m

9.7-3

a̱dya no̍ deva savitaḥ pra̱jāva̍tsāvī̱ḥ saubha̍gam | parā̍ du̱ṣvapnya̍ṃm̐ suva

9.8-3

kvā̍3sya vṛṣa̱bho yuvā tuvigrīvo anānataḥ | brahmā kastam̐ saparyati

9.9-3

upa̍hva̱re gi̍rī̱ṇām̐ saṃga̍me ca na̱dīnā̍m | dhi̱yā vipro̍ ajā̍yata

9.10-3

pra sa̱mrāja̍ṃ carṣaṇī̱nāmiṃdra̍ṃ sto̱tā navya̍ṃ gī̱rbhiḥ | nara̍ṃ nṛ̱ṣāha̱ṃ mam̐hi̍ṣṭham

9.5-4

daśati

Linked texts (9)