Arshika 93

Ārṣika 93

pra kāvya̍mu̱śane̍va bruvā̱ṇo de̱vo de̱vānā̱ṃ jani̍mā vivakti
ma̱hi̱vra̱taḥ śuci̍baṃdhuḥ pāvakaḥ pa̱dā varā̍ho a̱bhye̍ti̱ rebhan̍

pra ha̱ṃsāsa̱stṛpa̍lā vagyu̱makrā̍māda̱staṃ vṛṣa̍gaṇā ayāsuḥ
a̱ṃgoṣi̍ṇaṃ pavamāna̱ṃ sakhā̍yo du̱rmarṣa̱ṃ vāṇa̱ṃ pra va̍daṃti sā̱kam

sa yoja̍ta urugā̱yasya̱ jūti̱ṃ vṛthā̍ krīḍa̍ṃtaṃ mimate̱ na gāva̍:
parī̍ṇasaṃ kṛṇute ti̱gmaśrṛ̍ṃgo di̱vā hari̍rdadṛśe nakta̱mṛbhra̍:

pra svā̱nāso̱ rathā̍ i̱vārva̍ṃto̱ na śrava̱syava̍: | somā̍so rā̱ye a̍kramuḥ

hi̱nvānāso̱ rathā̍ iva dadha̱nvire̱ gabha̍styoḥ | bharā̍sa̱: kāri̍ṇāmiva

rājñā̍no̱ na praśa̍stibhi̱: somā̍so gobhi̍raṃjate | ya̱jño na sa̱pta dhā̱tṛbhi̍:

pari̍ svā̱nāsa̱ iṃda̍vo̱ madā̍ya ba̱rhaṇā̍ gi̱rā | madho̱ arṣa̍ṃti dhā̱rayā̍

āprā̍nāso vivasva̱to jinva̍ṃta u̱ṣaso̱ bhaga̍m | sūrā̍ ṛ̱ṇvaṃ vi ta̍nvate

apa̱ dvārā̍ matī̱nāṃ pra̱tnā ṛ̱ṇvaṃti̍ kāra̱vaḥ | vṛṣṇo̱ hara̍sa āya̱vaḥ

sa̱mī̱cī̱nāsa̱ ā̍śata̱ hotā̍raḥ sa̱ptajā̍nayaḥ | pa̱dameka̍sya pipra̱taḥ

nābhā̱ nābhi̱ṃ na ā da̍de̱ cakṣu̍ṣā̱ sūrya̍ dṛ̱śe | kave̍rapa̱tyamā du̍he

Linked texts (6)